‘ആ​യി​ഷ’​ഇ​ന്ന് പ്രേ​ക്ഷ​ക​രി​ലേ​ക്ക്; മ​റു​ഭാ​ഷ​ക​ളി​ൽ ര​ണ്ടാ​ഴ്ച​ക്ക​കം

റി​യാ​ദ്‌: വ്യ​ത്യ​സ്ത പ്ര​ചാ​ര​ണ പ​രി​പാ​ടി​ക​ളി​ലൂ​ടെ പ്ര​വാ​സി​ക​ളു​ടെ ശ്ര​ദ്ധ നേ​ടി​യ ‘ആ​യി​ഷ’​ച​ല​ച്ചി​ത്രം ജി.​സി.​സി രാ​ജ്യ​ങ്ങ​ളി​ല​ട​ക്കം വെ​ള്ളി​യാ​ഴ്​​ച തി​യ​റ്റ​റു​ക​ളി​ലെ​ത്തും. സൗ​ദി പ്രേ​ക്ഷ​ക​ർ​ക്ക് കു​റ​ച്ചു​കൂ​ടി കാ​ത്തി​രി​ക്കേ​ണ്ടി വ​രു​മെ​ന്ന് സം​വി​ധാ​യ​ക​ൻ ആ​മി​ർ പ​ള്ളി​ക്ക​ൽ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. വി​ത​ര​ണ​വു​മാ​യി ബ​ന്ധ​പ്പെ​ട്ട സാ​ങ്കേ​തി​ക ത​ട​സ്സ​മാ​ണ് കാ​ര​ണം. അ​റ​ബി​യി​ലും ഇ​ന്ത്യ​യി​ലെ ഇ​ത​ര ഭാ​ഷ​ക​ളി​ലും ചി​ത്രം ര​ണ്ടാ​ഴ്ച​ക്ക​കം തി​യ​റ്റ​റു​ക​ളി​ൽ എ​ത്തി​ച്ചേ​രും.

ചി​ത്ര​ത്തെ​ക്കു​റി​ച്ച് ഏ​റെ പ്ര​തീ​ക്ഷ​യി​ലാ​ണെ​ന്നും പോ​സ്​​റ്റ​റു​ക​ൾ​ക്കും ട്രെ​യി​ല​റി​നു​മൊ​ക്കെ മി​ക​ച്ച പ്ര​തി​ക​ര​ണ​മാ​ണ് ജ​ന​ങ്ങ​ളി​ൽ​നി​ന്ന് ല​ഭി​ക്കു​ന്ന​തെ​ന്നും ആ​മി​ർ പ​റ​ഞ്ഞു. ‘ഗ​ൾ​ഫ്‌ മാ​ധ്യ​മ’​ത്തി​​ന്റെ ന്യൂ​സ് പോ​ർ​ട്ട​ലാ​യ മീ ​ഫ്ര​ൻ​ഡും ലു​ലു ഹൈ​പ്പ​ർ മാ​ർ​ക്ക​റ്റു​മാ​ണ് സൗ​ദി​യി​ലെ പ്ര​ചാ​ര​ണ പ​രി​പാ​ടി​ക്ക് വേ​ദി​യൊ​രു​ക്കി​യ​ത്‌. ന​ടി മ​ഞ്ജു വാ​ര്യ​ർ, സം​വി​ധാ​യ​ക​ൻ ആ​മി​ർ പ​ള്ളി​ക്ക​ൽ, നി​ർ​മാ​താ​വ് സ​ക്ക​റി​യ, ര​ച​യി​താ​വ് ആ​ഷി​ഫ് ക​ക്കോ​ടി തു​ട​ങ്ങി​യ​വ​ർ ക​ഴി​ഞ്ഞ വ​ർ​ഷാം രാ​ജ്യം സ​ന്ദ​ർ​ശി​ച്ചി​രു​ന്നു. സൗ​ദി പ​ശ്ചാ​ത്ത​ല​ത്തി​ൽ ന​ട​ന്ന ക​ഥ​യായതിനാലാണ് പ്ര​മോ​ഷ​നായി രാ​ജ്യം തി​ര​ഞ്ഞെ​ടു​ക്കാ​ൻ കാ​ര​ണ​മെ​ന്ന് പി​ന്ന​ണി പ്ര​വ​ർ​ത്ത​ക​ർ അ​റി​യി​ച്ചി​രു​ന്നു.

നാ​യി​ക മ​ഞ്ജു വാ​ര്യ​രും സി​നി​മ​യെ വ​ള​രെ ആ​കാം​ക്ഷ​യോ​ടെ​യാ​ണ് കാ​ണു​ന്ന​തെ​ന്ന് ക​ഴി​ഞ്ഞ ദി​വ​സം വാ​ർ​ത്ത​സ​മ്മേ​ള​ന​ത്തി​ൽ വ്യ​ക്ത​മാ​ക്കി. ‘ആ​യി​ഷ’​യി​ലെ പാ​ട്ടു​ക​ൾ പുറത്തിറങ്ങി. സം​ഗീ​ത സം​വി​ധാ​യ​ക​ൻ എം. ​ജ​യ​ച​ന്ദ്ര​​നാണ് സംഗീതം. നൃത്തസംവിധാനം പ്ര​ഭു​ദേ​വ​. മ​ല​യാ​ളി​ക​ളാ​യ രാ​ധി​ക, സ​ജ്‌​ന, പൂ​ര്‍ണി​മ എ​ന്നി​വ​രോ​ടൊ​പ്പം ല​ത്തീ​ഫ, സ​ലാ​മ, ജെ​ന്നി​ഫ​ര്‍, സ​റ​ഫീ​ന, സു​മ​യ്യ, ഇ​സ്​​ലാം തു​ട​ങ്ങി​യ വി​ദേ​ശ താ​ര​ങ്ങ​ളും അ​ഭിനയിക്കു​ന്നു​ണ്ട്. വ്യ​ത്യ​സ്ത രാ​ജ്യ​ങ്ങ​ളി​ലെ ക​ലാ​കാ​ര​ന്മാ​രും അ​റ​ബ്, ഇ​ന്ത്യ​ൻ പ​ശ്ചാ​ത്ത​ല​വു​മെ​ല്ലാം ഇതിനെ ഇ​ൻ​ഡോ അ​റ​ബ് ച​ല​ച്ചി​ത്ര​മാ​ക്കുന്നു.