തൊഴിൽ രഹിതനായ ഞാനും ജോലിയുള്ള അവളും, ബില്ല് വന്നപ്പോൾ മുങ്ങിയ ഞാൻ പിന്നെ പൊങ്ങിയത് ബസ് സ്റ്റോപ്പിലാണ് - ആന്റണി വർഗീസ്

പ്രണയദിനത്തിൽ രസകരമായ കുറിപ്പ് പങ്കുവെച്ച് നടൻ ആന്റണി വർഗീസ്. ഭാര്യ അനീഷയ്ക്കൊപ്പമുള്ള ചിത്രം പങ്കുവെച്ച് കൊണ്ടാണ് ഓർമ പങ്കുവെച്ചത്.' ഹാപ്പി വാലന്റൈൻസ് ഡേ, മൈ ഡിയർ ഖുറേഷി' എന്ന് കുറിച്ചുകൊണ്ട് കുറിപ്പ് പങ്കുവെച്ചത്.

'ഒരു 9 വർഷം മുൻപ് തൊഴിൽ രഹിതനായ ഞാനും ജോലിയുള്ള അവളും പ്രണയദിനം ആഘോഷിക്കാൻ പോയപ്പോൾ... ബില്ല് വന്നപ്പോൾ മുങ്ങിയ ഞാൻ പിന്നെ പൊങ്ങിയത് ബസ് സ്റ്റോപ്പിലാണ്'- നടൻ കുറിച്ചു. ആന്റണിയുടെ ഇൻസ്റ്റഗ്രാം പോസ്റ്റ് സോഷ്യൽ മിഡിയയിൽ വൈറലായിട്ടുണ്ട്.

സ്കൂൾകാലം മുതൽ അടുത്ത സുഹൃത്തുക്കളായ ആന്റണിയും അനീഷയും 2021 ആണ് വിവാഹിതരാവുന്നത്.