ആലിയ ഭട്ടിന്​ കോവിഡ്​

മുംബൈ: ബോളിവുഡ്​ നടി ആലിയ ഭട്ടിന്​ കോവിഡ്​. വെള്ളിയാഴ്ച ഫേസ്​ബുക്കിലൂടെയാണ്​ കോവിഡ്​ സ്ഥിരീകരിച്ച വിവരം ആലിയ ഭട്ട്​ അറിയിച്ചത്​. വീട്ടു നിരീക്ഷണത്തിൽ തുടരുകയാണെന്നും താരം പറഞ്ഞു.

എനിക്ക്​ കോവിഡ്​ സ്ഥിരീകരിച്ചു. ഉടൻ തന്നെ ക്വാറന്‍റീനിൽ പോയി. ഡോക്​ടർമാരുടെ നിർദേശങ്ങൾ അനുസരിച്ചാണ്​ പ്രവർത്തിക്കുന്നത്​. എല്ലാവരും നൽകിയ പിന്തുണക്കും സ്​നേഹത്തിനും നന്ദി -ആലിയ ഫേസ്​ബുക്കിൽ കുറിച്ചു.

നേരത്തെ സഹതാരമായ രൺബീർ കപൂറിനും സംവിധായകൻ സഞ്​ജയ്​ ലീല ബൻസാലിക്കും കോവിഡ്​ സ്ഥിരീകരിച്ചിരുന്നു. മൂവരും ​'ഗാഗുഭായ്​ കത്തിവാഡി' എന്ന സിനിമയുടെ ഷൂട്ടിങ്ങിനായി ഒരുമിച്ചായിരുന്നു. രൺബീർ കപൂർ കഴിഞ്ഞയാഴ്ച കോവിഡിൽ നിന്ന്​ മുക്​തി നേടിയിരുന്നു. സഞ്​ജയ്​ ലീല ബൻസാലിക്കും രോഗമുക്​തിയുണ്ടായി.