നടി ദിവ്യ ഭട്നാഗർ കോവിഡ് ബാധിച്ച് മരിച്ചു

മുംബൈ: പ്രമുഖ ടെലിവിഷൻ നടി ദിവ്യ ഭട്നാഗർ കോവിഡ് ബാധിച്ച് മരിച്ചു. 34 വയസായിരുന്നു. ആരോഗ്യനില വഷളായതിനെ തുടർന്ന് ഒരാഴ്ചയായി വെന്‍റിലേറ്ററിലായിരുന്നു. നവംബർ 26നാണ് ആരോഗ്യനില വഷളായതിനെ തുടർന്ന് ആശുപത്രിയിൽ പ്രവേശിപ്പിച്ചത്. ചികിത്സ തുടരുന്നതിനിടെയാണ് അന്ത്യം.

തേര യാർ ഹൂൻ മെയ്ൻ എന്ന കോമേഡി ഷോ അവതരിപ്പിക്കുന്നതിനിടെയാണ് ദിവ്യക്ക് ദേഹാസ്വാസ്ഥ്യം അനുഭവപ്പെട്ടത്. ഉടൻ തന്നെ ആശുപത്രിയിലെത്തിച്ചു. ഒരാഴ്ചയായി ഗുരുതരാവസ്ഥയിലായിരുന്നു.

യേ റിശ്താ ക്യാ കെഹ്താ ഹായ്, സൻകാർ ഉദാൻ ജീത് ഗെയ് തോ പിയ മോറെ, വിഷ് തുടങ്ങി നിരവധി ടെലിവിഷൻ പരിപാടികളിൽ ശ്രദ്ധേയമായ വേഷം ഇവർ കൈകാര്യം ചെയ്തിട്ടുണ്ട്.