ഒറ്റയടിക്ക്​ 130 കിലോ ഭാരം ഉയർത്തി ​പൃഥ്വിരാജ്​; വൈറലായി വീഡിയൊ

നടൻ പൃഥ്വിരാജ്​ മികച്ച ശാരീരിക ക്ഷമത കാത്തുസൂക്ഷിക്കുന്നതിന്​ പേരുകേട്ടയാളാണ്​. മസിൽ കൂട്ടിയും കുറച്ചുമൊക്കെ ഇദ്ദേഹം സിനിമകളില പ്രത്യക്ഷപ്പെടാറുമുണ്ട്​. അടുത്ത കാലത്ത്​ ബ്ലെസ്സിയുടെ ആടുജീവിതത്തിനായി നടൻ ശരീരഭാരം വല്ലാതെ കുറച്ചിരുന്നു. വിദേശത്ത്​ നടന്ന ഷൂട്ടിനുശേഷം തിരികെയെത്തിയ ഇദ്ദേഹം പഴയപോലെ മികച്ച ശരീരം സ്വന്തമാക്കുന്നതിനുള്ള പരിശീലനത്തിലായിരുന്നു.

ലോക്​ഡൗൺ കാലത്ത്​ ജിമ്മിൽ നിന്നുള്ള ചിത്രങ്ങളും വീഡിയോകളും പങ്കുവച്ചിരുന്നു. ഇത്തരത്തിൽ കഴിഞ്ഞ ദിവസം ഇൻസ്​റ്റഗ്രാമിൽ പങ്കുവച്ച വീഡിയോയാണ്​ ഇപ്പോൾ വൈറലായിരിക്കുന്നത്​. ജിമ്മിൽ നിൽക്കുന്ന പൃഥ്വി 130 കിലോ ഭാരം ഉയർത്തുന്നതാണ്​ വീഡിയോയിൽ കാണുന്നത്​.

View this post on Instagram

#deadlift #progressiveoverload 5reps@130kgs #gettingstronger #workinprogess @ajithbabu7

A post shared by Prithviraj Sukumaran (@therealprithvi) on Aug 29, 2020 at 12:08am PDT

വെയ്​റ്റ്​ ലിഫ്​റ്റിങ്ങി​ലെ ഡെഡ്​ ലിഫ്​റ്റ്​ രീതിയിലാണ്​ ഭാരം ഉയർത്തുന്നത്​. ഇരു കൈകളും ഉപയോഗിച്ച്​ ഭാരം വലിച്ചുയർത്തുന്നതാണ്​ ഡെഡ്​ലിഫ്​റ്റിലെ രീതി. 'ഗെറ്റിങ് സ്​ട്രോങ്ങർ' എന്നും 'വർക്കിങ്ങ്​ പ്രോഗ്രസ്'​ എന്നും പോസ്​റ്റിൽ കുറിച്ചിട്ടുണ്ട്​. പോസ്​റ്റ്​ ആരാധകൾ ഏറ്റെടുത്തതോടെ വൈറലായി മാറി.