Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_rightബോളിവുഡ്​ താരം ഫറാസ്​...

ബോളിവുഡ്​ താരം ഫറാസ്​ ഖാൻ വെൻറിലേറ്ററിൽ; സാമ്പത്തിക സഹായം തേടി സഹോദരൻ

text_fields
bookmark_border
ബോളിവുഡ്​ താരം ഫറാസ്​ ഖാൻ വെൻറിലേറ്ററിൽ; സാമ്പത്തിക സഹായം തേടി സഹോദരൻ
cancel

ന്യൂഡൽഹി: 1990കളുടെ മധ്യത്തിലും 2000ത്തി​െൻറ തുടക്കത്തിലും ബോളിവുഡിൽ തരംഗം സൃഷ്​ടിച്ച യുവ നായകൻ ഫറാസ്​ ഖാൻ ബംഗളൂരുവിലെ ആശുപത്രിയിൽ വെൻറിലേറ്ററിൽ. മസ്​തിഷത്തിലെ അണുബാധയെത്തുടർന്ന്​ ഗുരുതര നിലയിലായ ഫറാസി​െൻറ ചികിത്സക്കുള്ള പണം സ്വരൂപിക്കുന്നതിനായി സഹോദരൻ ഫഹ്​മാസ്​ സഹായം അഭ്യർഥിച്ചു. 46കാര​െൻറ ചികിത്സക്കായി 25 ലക്ഷത്തോളം ചിലവുവരുമെന്നാണ്​ കരുതുന്നത്​.

അതിനിടയിൽ ഫറാസി​െൻറ മെഡിക്കൽ ബില്ലുകൾ അടക്കാനായി നടൻ സൽമാൻ ഖാൻ സന്നദ്ധനായെന്ന്​ നടി കശ്​മേര ഷാ ഇൻസ്​റ്റഗ്രാമിലൂടെ അറിയിച്ചിട്ടുണ്ട്​. സൽമാൻ ഖാൻ മഹാനായ മനുഷ്യനാണെന്നും ഫറാസി​െൻറ മെഡിക്കൽ ചിലവുകൾ വഹിക്കാൻ സൽമാൻ രംഗത്തെത്തി​യെന്നും കശ്​മേര കുറിച്ചു.


ഫറാസി​െൻറ ചികിത്സക്കായി താൻ പണമടച്ചുവെന്നും കഴിയുന്ന സഹായം നിങ്ങളും ചെയ്യൂവെന്നും ചൂണ്ടിക്കാട്ടി നടി പൂജഭട്ടും രംഗത്തെത്തിയിട്ടുണ്ട്​.

1996 ൽ രോഹൻ വർമയുടെ ഫരേബിലൂടെ ബോളിവുഡിലെത്തിയ ഫറാസ്​ പ്രഥ്വി, മെഹന്ദി, ദുൽഹൻ ബാനൂ ​മേൻ തേരീ, ദിൽ നെ പിർ യാദ്​ കിയാ, ചാന്ദ്​ ബുജ്​ ഗയാ തുടങ്ങിയ ​​ശ്രദ്ധേയ സിനിമകളിൽ വേഷമിട്ടിട്ടുണ്ട്​. സിനിമയിൽ അവസരം കുറഞ്ഞ ഫറാസ്​ പിന്നീട്​ ടെലിവിഷൻ സീരിയലുകളിലും വേഷമിട്ടിരുന്നു. മുൻകാല നടൻ യൂസഫ്​ ഖാ​െൻറ മകനാണ്​.


സൽമാൻ ഖാൻ ബോളിവുഡിൽ ഇരിപ്പുറപ്പിച്ച 'മേ നെ പ്യാർ കിയാ' എന്ന ചിത്രത്തിൽ നായകനാകേണ്ടിയിരുന്നത്​ ഫറാസായിരുന്നു. എന്നാൽ ചിത്രീകരണത്തിന്​ ഒരുങ്ങവേ ഫറാസിന്​ ആരോഗ്യ പ്രശ്​നങ്ങൾ അനുഭവപ്പെട്ടതിനാൽ ചിത്രത്തിലെ മുഖ്യകഥാപാത്രമായി സൽമാൻ എത്തുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:salman khanFaraaz Khan
Next Story