യുവനടൻ അക്ഷയ്​ ഉത്​കർഷി​െൻറ മരണം: കൊലപാതകമെന്ന്​​ കുടുംബം

മുംബൈ: യുവ നടൻ അക്ഷത്​ ഉത്​കർഷിനെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹതയുണ്ടെന്ന്​ കുടുംബം. ഞായറാഴ്​ച രാത്രിയാണ്​ അക്ഷതിനെ മുംബൈയിലെ വസതിയിൽ മരിച്ച നിലയിൽ കണ്ടെത്തിയത്​. തെലുങ്ക്​ സിനിമകളിലും ഹിന്ദി ടെലിവിഷൻ ഷോകളിലും അക്ഷത്​ അഭിനയിച്ചിട്ടുണ്ട്​.

ബിഹാറിലെ സിക്കന്ദർപുർ സ്വദേശിയായ അക്ഷത്​ സിനിമയിൽ അവസരം തേടിയാണ്​ മുംബൈയിലേക്ക്​ മാറിയത്​. സ്വകാര്യ സ്ഥാപനത്തിലെ ജീവനക്കാരനായിരുന്നു അക്ഷത്​. ഇയാൾ സ്​നേഹ ചൗഹാൻ എന്ന യുവതിയുമായി പ്രണയത്തിലായിരുന്നു. മുംബൈയിൽ സ്​നേഹക്കൊപ്പമാണ്​ അക്ഷത്​ താമസിച്ചിരുന്നത്​.

ഞായറാഴ്​ച രാത്രി ഒമ്പത്​ മണിക്ക്​ അക്ഷത്​ ഫോൺ ചെയ്​തിരുന്നുവെന്ന്​ പിതാവ്​ പറഞ്ഞു. പിന്നീട്​ വിളിക്കാമെന്ന്​ പറഞ്ഞ്​ പെട്ടന്ന്​ സംഭാഷണം അവസാനിപ്പിച്ചു. എന്നാൽ മണിക്കൂറുകൾക്ക്​ ശേഷം അക്ഷത്​ മരിച്ചെന്ന വിവരമാണ്​ ലഭിച്ചത്​. സ്​നേഹയാണ്​ അക്ഷതിനെ മരിച്ച നിലയിൽ കണ്ടെത്തിയെന്ന്​ അറിയിച്ചതെന്നും ബന്ധുക്കൾ പറഞ്ഞു.

അസ്വാഭാവിക മരണത്തിന്​ അ​​േമ്പാലി പൊലീസ്​ കേസ്​ രജിസ്​റ്റർ ചെയ്​തിട്ടുണ്ട്​. എന്നാൽ മകൻ ആത്മഹത്യ ചെയ്യില്ലെന്നും കുടുംബാംഗങ്ങൾ പറയുന്നത്​ കേൾക്കാൻ മുംബൈ പൊലീസ്​ തയാറാകുന്നില്ലെന്നും അക്ഷതി​െൻറ പിതാവ്​ ആരോപിച്ചു. മക​േൻറത്​ കൊലപാതകമാണ്​. മുംബൈ പൊലീസ്​ സഹകരിക്കുന്നില്ലെന്നും അന്വേഷണം ആവശ്യപ്പെട്ട്​ ബിഹാർ പൊലീസിൽ പരാതി നൽകുമെന്നും നട​െൻറ പിതാവ്​ അറിയിച്ചു.