നടൻ അരുൺ ബാലി അന്തരിച്ചു

പ്രമുഖ ചലച്ചിത്ര താരം അരുൺ ബാലി (79) അന്തരിച്ചു. വെള്ളിയാഴ്ച പുലർച്ചെയോടെ മുംബൈയിലെ വീട്ടിൽവെച്ചായിരുന്നു അന്ത്യം. കഴിഞ്ഞ കുറെനാളുകളായി രോഗപ്രതിരോധ ശേഷിയെ ബാധിക്കുന്ന മൈസ്തീനിയ ഗ്രാവിസ് എന്ന രോഗത്തെ തുടര്‍ന്ന് ചികിത്സയിലായിരുന്നു.

1991 ൽ പുറത്ത് ഇറങ്ങിയ സൗഗന്ധ് എന്ന ചിത്രത്തിലൂടെയാണ് അരുൺ ബാലി ബോളിവുഡിൽ അരങ്ങേറ്റം കുറിച്ചത്.

ത്രീ ഇഡിയറ്റസ്, കേദര്‍നാഥ്, പാനിപത്, ഹേ റാം, ദന്ത് നായക്, റെഡി, സമീന്‍, പൊലീസ് വാല ഗുണ്ട എന്നിവയാണ് ജനശ്രദ്ധ ലഭിച്ച ചിത്രങ്ങൾ.ദസ്തൂര്‍, കുങ്കും, ശക്തിമാന്‍, മാഹാഭാരത്, ആഹത്, സ്വാഭിമാന്‍, ചാണക്യ തുടങ്ങിയ പരമ്പരകളിലും അരുൺ ബാലി അഭിനയിച്ചിട്ടുണ്ട്.