'മാപ്പ് പറയേണ്ട കാര്യമില്ല' തഗ് ലൈഫ് കർണാടകയിൽ പ്രദർശിപ്പിക്കില്ലെന്ന തീരുമാനത്തോട് പ്രതികരിച്ച് കമൽ ഹാസൻ

ചെന്നൈ: കന്നഡ ഭാഷ സംബന്ധിച്ച തന്‍റെ പ്രസ്താവന കർണാടകയിൽ വലിയ വിവാദം സൃഷ്ടിക്കുമ്പോഴും കുലുക്കമില്ലാതെ നടൻ കമൽ ഹാസൻ. 'താൻ ചെയ്തത് തെറ്റാണെന്ന് ബോധ്യപ്പെട്ടാൽ മാത്രമേ മാപ്പ് പറയേണ്ടതുള്ളൂ.' ഡി.എം.കെ പിന്തുണയോടെ അടുത്ത മാസം രാജ്യസഭ എം.പിയായി സ്ഥാനമേൽക്കാനിരിക്കുന്ന കമൽ ഹാസൻ പറഞ്ഞു.

ക​ന്നഡ ഭാ​ഷ​യു​മാ​യി ബ​ന്ധ​പ്പെ​ട്ട വി​വാ​ദ പ​രാ​മ​ർ​ശ​ത്തി​ൽ ക​മ​ൽ​ഹാ​സ​ൻ വെ​ള്ളി​യാ​ഴ്ച​ക്ക​കം മാ​പ്പ് പ​റ​യാ​ത്ത​പ​ക്ഷം അ​ദ്ദേ​ഹ​ത്തി​ന്റെ പു​തി​യ ചി​ത്ര​മാ​യ ‘ത​ഗ് ലൈ​ഫ്’ ക​ർ​ണാ​ട​ക​യി​ൽ പ്ര​ദ​ർ​ശി​പ്പി​ക്കി​ല്ലെ​ന്ന് ക​ർ​ണാ​ട​ക ഫി​ലിം ചേം​ബ​ർ ഓ​ഫ് കോ​മേ​ഴ്സ് (എ​ഫ്.​കെ.​സി.​സി) പ്ര​സി​ഡ​ന്റ് എം. ​ന​ര​സിം​ഹ​ലു പ്രഖ്യാപിച്ചിരുന്നു. ഇതിനോട് പ്രതികരിക്കുകയായിരുന്നു അദ്ദേഹം.

'നേരത്തേയും ഇത്തരത്തിൽ ഭീഷണിക്ക് വിധേയനായിട്ടുണ്ട്. പക്ഷെ സ്നേഹം മാത്രമാണ് എല്ലായ്പ്പോഴും വിജയിക്കുക. കർണാടകയോടും ആന്ധ്രപ്രദേശിനോടും കേരളത്തിനോടുമുള്ള എന്‍റെ സ്നേഹം സത്യസന്ധമാണ്. പ്രത്യേക അജണ്ട ഉള്ളവർക്ക് മാത്രമാണ് അതിൽ സംശയം തോന്നുകയുള്ളൂ' അദ്ദേഹം പറഞ്ഞു.

'ഇത് ജനാധിപത്യ രാജ്യമാണ്. ഇവിടത്തെ നിയമവ്യവസ്ഥയിലും നീതിയിലും ഞാൻ വിശ്വസിക്കുന്നു.' മക്കൾ നീതി മെയ്യം നേതാവായ കമൽ ഹാസൻ പറഞ്ഞു.

വ്യാ​ഴാ​ഴ്ച ബം​ഗ​ളൂ​രു​വി​ൽ ചേ​ർ​ന്ന ഫി​ലിം ചേം​ബ​ർ ഓ​ഫ് കോ​മേ​ഴ്സ് യോ​ഗ​ത്തി​ന് ശേ​ഷം യോ​ഗ തീ​രു​മാ​നം വി​ശ​ദീ​ക​രി​ക്കവെയാണ് മാപ്പ് പറഞ്ഞില്ലെങ്കിൽ സിനിമ നിരോധിക്കുമെന്ന് ന​ര​സിം​ഹ​ലു പ്രഖ്യാപിച്ചത്.

‘‘പ​ല ക​ന്ന​ഡ ഗ്രൂ​പ്പു​ക​ളും ക​മ​ലി​ന്റെ സി​നി​മ​ക്ക് നി​രോ​ധ​നം ആ​വ​ശ്യ​പ്പെ​ടു​ന്നു​ണ്ട്. നി​ല​വി​ലെ വി​വാ​ദ​ത്തി​ൽ അ​ദ്ദേ​ഹം മാ​പ്പു പ​റ​യ​ണ​മെ​ന്നാ​ണ് ഞ​ങ്ങ​ളു​ടെ​യും ആ​വ​ശ്യം. അ​ദ്ദേ​ഹം പ​റ​ഞ്ഞ​ത് തെ​റ്റാ​യ കാ​ര്യ​മാ​ണ്. അ​ദ്ദേ​ഹ​വു​മാ​യി കാ​ണാ​നും സം​സാ​രി​ക്കാ​നും ഞ​ങ്ങ​ൾ ശ്ര​മം ന​ട​ത്തു​ന്നു​ണ്ട്. അ​ദ്ദേ​ഹം വെ​ള്ളി​യാ​ഴ്ച​ക്ക​കം മാ​പ്പു​പ​റ​ഞ്ഞി​ല്ലെ​ങ്കി​ൽ അ​ദ്ദേ​ഹ​ത്തി​ന്റെ സി​നി​മ പ്ര​ദ​ർ​ശി​പ്പി​ക്കേ​ണ്ടെ​ന്നാ​ണ് തീ​രു​മാ​നം’’ -നരസിംഹലു പ​റ​ഞ്ഞു.

ഭാ​ഷ​യു​മാ​യി ബ​ന്ധ​പ്പെ​ട്ട് എ​പ്പോ​ൾ വി​വാ​ദ​മു​ണ്ടാ​യാ​ലും ക​ന്ന​ഡിഗ​ർ ഒ​ന്നി​ച്ചു​നി​ൽ​ക്ക​ണ​മെ​ന്ന് ന​ടി ജ​യ​മാ​ല പ​റ​ഞ്ഞു. ക​മ​ൽ​ഹാ​സ​ൻ പ​റ​ഞ്ഞ​ത് അ​റി​ഞ്ഞോ അ​റി​യാ​തെ​യോ ആ​ണെ​ങ്കി​ലും ​ആ ​പ്ര​സ്താ​വ​ന തെ​റ്റാ​ണ്. ക​ന്ന​ഡ ത​മി​ഴി​ൽ​നി​ന്ന് ജ​നി​ച്ച​ത​ല്ല - അ​വ​ർ പ​റ​ഞ്ഞു.

ക​ന്നഡ ഭാ​ഷ​ക്കു​പോ​ലും ജ​ന്മം ന​ൽ​കി​യ​ത് ത​മി​ഴ് ഭാ​ഷ​യാ​ണെ​ന്ന ക​മ​ൽ​ഹാ​സ​ന്റെ പ്ര​സ്താ​വ​ന​യാ​ണ് വി​വാ​ദ​മാ​യ​ത്.