നമ്പിനാരായണന്‍റെ ജീവിതം പറയുന്ന സിനിമയ്​ക്ക്​ പിന്നാലെ മാധവന്‍റെ പുതിയ ചിത്രം ചിത്രീകരണം തുടങ്ങി

മുംബൈ: രാജ്യത്തുടനീളം കോവിഡ് നിയന്ത്രണങ്ങളിൽ ഇളവ് വരുത്തിയതോടെ ചലചിത്ര മേഖല സജീവമായി. പ്രശസ്​ത നടൻ ആർ. മാധവനും മുംബൈയിൽ തന്‍റെ പ്രൊജക്റ്റിന്‍റെ ഷൂട്ടിംഗ് പുനരാരംഭിച്ചു.

ഞായറാഴ്ച മാധവൻ ഇൻസ്റ്റാഗ്രാമിലൂടെയാണ്​ ഇക്കാര്യം അറിയിച്ചത്​. "മുംബൈ ഷൂട്ട് .... ഫ്ലോറുകളിൽ തിരിച്ചെത്തിയതിൽ സന്തോഷം തോന്നുന്നു," അദ്ദേഹം ചിത്രത്തിന് അടിക്കുറിപ്പ് നൽകി. പുതിയ ചിത്രത്തിന്‍റെ വിശദാംശങ്ങൾ പോസ്റ്റിൽ പരാമർശിച്ചിട്ടില്ല.

അതേസമയം, ശാസ്ത്രജ്ഞനും എയ്‌റോസ്‌പേസ് എഞ്ചിനീയറുമായ എസ്. നമ്പി നാരായണന്‍റെ ജീവിതത്തെ ആസ്പദമാക്കി 'റോക്കറ്റ്റീ: ദി നമ്പി ഇഫക്റ്റ്' റിലീസിനായി മാധവൻ കാത്തിരിക്കുകയാണ്. ഈ വർഷം ഏപ്രിലിൽ ട്രെയിലർ പുറത്തിറങ്ങിയ ചിത്രത്തിന് മാധവൻ സംവിധായകനുമായി.