''ഈ സങ്കടകാലത്ത്​ തിയേറ്ററിലെത്തുന്നവരെ തൃപ്​തിപ്പെടുത്തും''; യുവം തീയേറ്ററുകളിലെത്തു​േമ്പാൾ നായകന്​ പറയാനുള്ളത്​

വാരിക്കുഴിയിലെ കൊലപാതകത്തിന്​ ശേഷം അമിത്​ ചക്കാലക്കൽ വീണ്ടും നായകനായെത്തുകയാണ്​. നവാഗതനായ പിങ്കു പീറ്റർ രചനയും സംവിധാനവും നിർവഹിക്കുന്ന 'യുവം' ഫെബ്രുവരി 12 മുതൽ തീയേറ്ററുകളിലെത്തും. ചിത്രത്തിന്‍റെ ട്രൈലർ ഇതിനോടകം തന്നെ സമൂഹമാധ്യമങ്ങൾ ഏറ്റെടുത്തിട്ടുണ്ട്​. ചിത്രത്തിന്‍റെ വിശേഷങ്ങൾ അമിത്​ ചക്കാലക്കൽ മാധ്യമം ഓൺലൈനുമായി പങ്കുവെക്കുന്നു.

യുവം ഒരു എന്‍റർടൈനർ

ഒരു എന്‍റർടൈനർ സിനിമക്ക്​ വേണ്ട എല്ലാ ചേരുവകളുമുണ്ട്​ യുവത്തിന്​. ഈ സങ്കടകാലത്ത്​ തിയേറ്ററിലെത്തുന്നവരെ പൂർണമായും തൃപ്​തിപ്പെടുത്തുന്നതാണ്​ സിനിമ. ത്രില്ലർ, കോമഡി, എൻർടൈനർ എലമെന്‍റുകളുള്ള ചിത്രത്തിൽ ഒരു വ്യക്തമായ സന്ദേശം കൂടിയുണ്ട്​്​.

വാരിക്കുഴിയിലെ കൊലപാതകത്തിൽ ഗൗരവമുള്ള കഥാപാത്രമായിരുന്നെങ്കിൽ ഇത്​ ഒരു സാധാരണ യുവാവിന്‍റെ വേഷമാണ്​.യഥാർഥ സംഭവത്തിൽ നിന്നും പ്രചോദനമുൾകൊണ്ടുള്ളതാണ്​ ഈ കഥ. പ്രേക്ഷകർ സിനിമ സ്വീകരിക്കും എന്നുതന്നെയാണ്​ എന്‍റെ പ്രതീക്ഷ.

ട്രൈലർ പ്രതീക്ഷ തരുന്നു

3 മില്യണിലേറെപ്പേർ ചിത്രത്തിന്‍റെ ട്രൈലർ യൂട്യൂബിലൂടെ കണ്ടത്​ പ്രതീക്ഷയുള്ള കാര്യമാണ്​.മുന്നണിയിലും പിന്നണിയിലും യുവതാരങ്ങൾക്കൊപ്പം സീനിയർ താരങ്ങളുമുണ്ട്​. സായ്​കുമാർ, ഇന്ദ്രൻസ്​, ഷാജോൺ, ജാഫർ ഇടുക്കി എന്നിവരെല്ലാം ശ്രദ്ധേയ വേഷങ്ങളി​െലത്തിയിട്ടുണ്ട്​. ലോക്​ഡൗണിന്​ മു​േമ്പ ചിത്രീകരിച്ച സിനിമയാണെങ്കിലും കോവിഡ്​ മൂലം റിലീസ്​ വൈകുകയായിരുന്നു. പൂർണമായും കേരളീയ പശ്ചാത്തലത്തിലുള്ള ചിത്രത്തിൽ കോട്ടയം, എറണാകുളം, കണ്ണൂർ, കോഴിക്കോട്​ ജില്ലകളെല്ലാം ലൊക്കേഷനുകളായി​. ഗോപിസുന്ദറാണ്​ സംഗീതം.

വൈറലായ പ്രസംഗത്തിന്​ പിന്നിൽ

അന്ന്​ കോളജിൽ സംസാരിച്ചത്​ എന്‍റെ ജീവിതത്തിലുണ്ടായ അവസ്ഥകളാണ്​. പൂർണമായും ഉള്ളിൽനിന്നും വന്ന വാക്കുകളാണ്​. ഒരുവട്ടംകൂടി ആവർത്തിക്കാൻ പറഞ്ഞാൽ അതിന്​ സാധിക്കണമെന്നില്ല. സിനിമയിലെന്നല്ല, ഏതൊരുമേഖലയിലായാലും ബുദ്ധിമുട്ടുകൾ അനുഭവിക്കേണ്ട ഒരു ഘട്ടമുണ്ട്​്​. ഞാനും അത്​ തരണം ചെയ്​ത്​ വന്നവനാണ്​. പണമില്ലാതെ ഒരുപാട്​ ബുദ്ധിയിട്ടുണ്ട്​. എന്നെ ഇട്ടിട്ടുപോയ ഗേൾഫ്രണ്ട്​ തന്നെ 'വാരിക്കുഴിയിലെ കൊലപാതകം' കണ്ട്​വിളിച്ചു എന്ന്​ പ്രസംഗത്തിൽ പറഞ്ഞത്​ മറ്റുള്ളവർക്ക്​ പ്രചോദനമാകാൻ വേണ്ടിയാണ്​​.

ഞാൻ വന്ന വഴികൾ

ഞാൻ പഠനത്തിൽ ഒട്ടും മിടുക്കനായിരുന്നില്ല. മെക്കാനിക്കൽ എൻജീനിയറായി ബിരുദമെടുത്തെങ്കിലും മനസ്സിൽ നിറയെ സിനിമയായിരുന്നു. അഭിനയമോഹം മനസ്സിൽ കയറിയ കാലത്ത്​ ഒരു ചാനൽ റിയാലിറ്റി ഷോയിൽ പ​ങ്കെടുത്തു. അവസാന റൗണ്ടിൽ പുറത്താക്കപ്പെടാനായിരുന്നു വിധി. എ.ബി.സി.ഡി, കാശ്​ എന്നിവയിൽ ചെറിയ വേഷം ചെയ്​തു.

അതിനുശേഷം അവസരങ്ങൾ തേടി അലഞ്ഞെങ്കിലും ഒടുവിൽ കൊള്ളാവുന്ന ഒരു വേഷമെത്തിയത്​ ഹണി ബീയിലാണ്​. ആ ​വേഷം ശ്രദ്ധിക്കപ്പെട്ടത്​ അനുഗൃഹമായി.

ലാൽ ബഹാദുർ ശാസ്​ത്രി, കായംകുളം കൊച്ചുണ്ണി, പ്രേതം 2 എന്നിവയെല്ലാം കഴിഞ്ഞാണ്​ വാരിക്കുഴിയിൽ എത്തിയത്​. അതിന്​​ പ്രേക്ഷകരുടെ പ്രതികരണവും ​സോഷ്യൽ മീഡിയ പ്രതികരണങ്ങളുമെല്ലാം കണ്ടപ്പോഴാണ്​ ഒരു നടനെന്ന നിലയിലുള്ള നിർവൃതി തോന്നുന്നത്​.

ലാൽ ബഹദൂർ ശാസ്​​ത്രിയിലെ പരിചയമാണ്​ വാരിക്കുഴിയിൽ നായകനായി രജിഷ്​ മിഥില എന്നെ സെലക്​ട്​ ചെയ്യാൻ കാരണം. ഒരുപാട്​ നിർമാതാക്കൾ പുതുമുഖ നടൻ നായകനായുള്ള സിനിമ ​പ്രൊഡ്യൂസ്​ ചെയ്യില്ലെന്ന്​ വെച്ചിട്ടും എന്നെവെച്ച്​ സിനിമ ചെയ്​ത രജ​ീഷേട്ടനുള്ളതായിരുന്നു വാരിക്കുഴിയിലെ കഥാപാത്രത്തിന്​ ലഭിച്ച കൈയ്യടികൾ. 'യുവം' കരിയറിൽ ഒരു വഴിത്തിരിവാകുമെന്നാണ്​ പ്രതീക്ഷ.