തിരുനക്കര ബസ്​സ്റ്റാൻഡ്​ കെട്ടിടത്തിലെ സിനിമ ഷൂട്ടിങ് നിർത്തിച്ചു

കോ​ട്ട​യം: ബ​ല​ക്ഷ​യ​മാ​രോ​പി​ച്ച്​ പൂ​ട്ടി​യ തി​രു​ന​ക്ക​ര ബ​സ്​ സ്റ്റാ​ൻ​ഡ്​ കോം​പ്ല​ക്സി​ലെ സി​നി​മ ഷൂ​ട്ടി​ങ് നി​ർ​ത്തി​വെ​പ്പി​ച്ചെ​ന്ന്​ ചെ​യ​ർ​പേ​ഴ്​​സ​ൻ ബി​ൻ​സി സെ​ബാ​സ്റ്റ്യ​ൻഷൂ​ട്ടി​ങ്ങി​ന്​ അ​നു​മ​തി ന​ൽ​കി​യ​ത്​ യു.​ഡി.​എ​ഫ്​ കൗ​ൺ​സി​ല​റാ​ണെ​ന്നും ​ഇ​വ​ർ​ക്കെ​തി​രെ ഫ​യ​ലി​ൽ എ​ഴു​തി​​വെ​ച്ചി​ട്ടു​ണ്ടെ​ന്നും കേ​സ്​ എ​ടു​ക്കു​ന്ന കാ​ര്യം ആ​ലോ​ചി​ക്കു​മെ​ന്നും ചെ​യ​ർ​പേ​ഴ്​​സ​ൻ അ​റി​യി​ച്ചു.

ലൊ​ക്കേ​ഷ​ൻ മാ​നേ​ജ​റു​ടെ ക​ത്ത്​ കൊ​ണ്ടു​വ​ന്ന സ​മ​യ​ത്തു​ത​ന്നെ അ​നു​മ​തി ന​ൽ​കാ​നാ​വി​ല്ലെ​ന്ന്​ അ​റി​യി​ച്ചി​രു​ന്നു. അ​തു​മ​റി​ക​ട​ന്നാ​ണ്​ കൗ​ൺ​സി​ല​റു​ടെ ഇ​ട​പെ​ട​ലോ​ടെ ഷൂ​ട്ടി​ങ്​ ഒ​രു​ക്കം ആ​രം​ഭി​ച്ച​ത്. ഹൈ​കോ​ട​തി നി​ർ​ദേ​ശ​പ്ര​കാ​രം പൂ​ട്ടി​യ കെ​ട്ടി​ട​ത്തി​ൽ ഷൂ​ട്ടി​ങ്​ അ​നു​വ​ദി​ക്കാ​നാ​വി​ല്ലെ​ന്നാ​ണ്​ നി​യ​മോ​പ​ദേ​ശം ല​ഭി​ച്ച​ത്. നി​യ​മോ​പ​ദേ​ശം പ്ര​തി​പ​ക്ഷ​​ത്തെ എ​ല്ലാ കൗ​ൺ​സി​ല​ർ​മാ​ർ​ക്കും ന​ൽ​കി​യി​രു​ന്ന​താ​യും ചെ​യ​ർ​പേ​ഴ്​​സ​ൻ പ​റ​ഞ്ഞു. ഞാ​യ​റാ​ഴ്ച മു​ത​ലാ​ണ്​ ഷൂ​ട്ടി​ങ്​ തു​ട​ങ്ങാ​നി​രു​ന്ന​ത്. ഇ​തി​നു മു​ന്നോ​ടി​യാ​യി ന​വീ​ക​ര​ണ​പ്ര​വൃ​ത്തി​ക​ളും അ​റ്റ​കു​റ്റ​പ്പ​ണി​യും കെ​ട്ടി​ട​ത്തി​ൽ ആ​രം​ഭി​ച്ചി​രു​ന്നു.

അ​പ​ക​ടാ​വ​സ്ഥ​യി​ലാ​ണെ​ന്ന്​ ചൂ​ണ്ടി​ക്കാ​ട്ടി​ ക​ച്ച​വ​ട​ക്കാ​രെ ഒ​ഴി​പ്പി​ച്ചു പെ​രു​വ​ഴി​യി​ലാ​ക്കി​യ ശേ​ഷം കെ​ട്ടി​ട​ത്തി​ൽ സി​നി​മ ഷൂ​ട്ടി​ങ്ങി​ന്​ അ​നു​മ​തി ന​ൽ​കി​യ​ത്​ ‘മാ​ധ്യ​മം’ പ​ത്ര​മാ​ണ്​ റി​​പ്പോ​ർ​ട്ട്​ ചെ​യ്ത​ത്. ടൊ​വി​നോ നാ​യ​ക​നാ​യ മ​ല​യാ​ള സി​നി​മ​യാ​ണ്​ കെ​ട്ടി​ട​ത്തി​ൽ ഷൂ​ട്ട്​ ചെ​യ്യാ​നി​രു​ന്ന​ത്.

അ​ടി​യ​ന്ത​ര കൗ​ൺ​സി​ലി​ൽ ചെ​യ​ർ​പേ​ഴ്​​സ​ൻ പ​​ങ്കെ​ടു​ത്തി​ല്ല; പ്ര​തി​ഷേ​ധ​വു​മാ​യി കോ​ൺ​ഗ്ര​സ്​ കൗ​ൺ​സി​ല​ർമാരും

കോ​ട്ട​യം: അ​പ​ക​ടാ​വ​സ്ഥ​യി​ലാ​യ തി​രു​ന​ക്ക​ര ബ​സ്​ സ്റ്റാ​ൻ​ഡ്​ കോം​പ്ല​ക്സി​ലെ സി​നി​മ ഷൂ​ട്ടി​ങ്​ വി​വാ​ദം സം​ബ​ന്ധി​ച്ച്​ ശ​നി​യാ​ഴ്ച വി​ളി​ച്ചു​ചേ​ർ​ത്ത അ​ടി​യ​ന്ത​ര കൗ​ൺ​സി​ലി​ൽ പ​​ങ്കെ​ടു​ക്കാ​തെ ​ചെ​യ​ർ​പേ​ഴ്​​സ​നും വൈ​സ്​ ചെ​യ​ർ​മാ​നും. പ്ര​തി​ഷേ​ധ​വും കു​ത്തി​യി​രി​പ്പു​മാ​യി കൗ​ൺ​സി​ല​ർ​മാ​രും. ഭ​ര​ണ​പ​ക്ഷ​ത്തെ​ കൗ​ൺ​സി​ല​ർ​മാ​രും ചെ​യ​ർ​പേ​ഴ്​​സ​നെ​തി​രെ രം​ഗ​ത്തു​വ​ന്നു. തി​രു​ന​ക്ക​ര ബ​സ്​ സ്റ്റാ​ൻ​ഡ്​ കോം​പ്ല​ക്സി​ൽ സി​നി​മ ഷൂ​ട്ടി​ങ്​ അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ഭ​ര​ണ​പ​ക്ഷ​ത്തു​നി​ന്നും പ്ര​തി​പ​ക്ഷ​ത്തു​നി​ന്നു​മു​ള്ള 30 കൗ​ൺ​സി​ല​ർ​മാ​രാ​ണ്​ ഒ​പ്പി​ട്ട്​ കൗ​ൺ​സി​ൽ വി​ളി​ക്കാ​നാ​വ​ശ്യ​പ്പെ​ട്ട​ത്.

ശ​നി​യാ​ഴ്​​ച ഉ​ച്ച​ക്കു 12നാ​ണ്​ അ​ജ​ണ്ട തീ​രു​മാ​നി​ച്ച​ത്. 30 കൗ​ൺ​സി​ല​ർ​മാ​രും എ​ത്തി​യെ​ങ്കി​ലും ചെ​യ​ർ​പേ​ഴ്​​സ​ൻ ഉ​ണ്ടാ​യി​രു​ന്നി​ല്ല. ത​നി​ക്ക്​ നേ​ര​ത്തേ നി​ശ്ച​യി​ച്ച വാ​ർ​ഡു​സ​ഭ​യി​ൽ പ​​ങ്കെ​ടു​ക്കേ​ണ്ട​തി​നാ​ലാ​ണ്​ വ​രാ​തി​രു​ന്ന​തെ​ന്നാ​ണ്​ ചെ​യ​ർ​പേ​ഴ്​​സ​ൻ ബി​ൻ​സി സെ​ബാ​സ്റ്റ്യ​ൻ പ​റ​യു​ന്ന​ത്. ചെ​യ​ർ​പേ​ഴ്​​സ​ൻ ഇ​ല്ലെ​ങ്കി​ൽ കൗ​ൺ​സി​ലി​ൽ അ​ധ്യ​ക്ഷ​ത വ​ഹി​ക്കേ​ണ്ട​ത്​ വൈ​സ്​ ചെ​യ​ർ​മാ​നാ​ണ്. എ​ന്നാ​ൽ, അ​ദ്ദേ​ഹ​ത്തി​നും മ​റ്റൊ​രു യോ​ഗം​ ഉ​​ണ്ടെ​ന്നു പ​റ​ഞ്ഞു.

തു​ട​ർ​ന്ന്​ വി​ക​സ​ന കാ​ര്യ​സ​മി​തി അ​ധ്യ​ക്ഷ ബി​ന്ദു സ​ന്തോ​ഷ്​ കു​മാ​റി​നെ ഫോ​ണി​ൽ​വി​ളി​ച്ച്​ കൗ​ൺ​സി​ലി​ൽ അ​ധ്യ​ക്ഷ​ത വ​ഹി​ക്ക​ണ​മെ​ന്നു ചു​മ​ത​ല​പ്പെ​ടു​ത്തി​യി​രു​ന്ന​താ​യും ബി​ൻ​സി പ​റ​ഞ്ഞു.എ​ന്നാ​ൽ, ഫോ​ണി​ൽ വി​ളി​ച്ചു​പ​റ​ഞ്ഞാ​ൽ അ​ധ്യ​ക്ഷ​ത വ​ഹി​ക്കാ​നാ​വി​ല്ലെ​ന്നും രേ​ഖാ​മൂ​ലം എ​ഴു​തി​ത്ത​ന്നി​ട്ടി​ല്ലെ​ന്നു​മാ​ണ്​ ഭ​ര​ണ​പ​ക്ഷ കൗ​ൺ​സി​ല​ർ കൂ​ടി​യാ​യ ബി​ന്ദു പ​റ​യു​ന്ന​ത്. മ​റ്റാ​ർ​ക്കും ചു​മ​ത​ല ന​ൽ​കാ​തെ കൗ​ൺ​സി​ലി​ൽ​നി​ന്നു വി​ട്ടു​നി​ന്ന ചെ​യ​ർ​പേ​ഴ്​​സ​നെ​തി​രെ ത​ദ്ദേ​ശ​വ​കു​പ്പ്​ ഓം​ബു​ഡ്​​സ്മാ​നു പ​രാ​തി ന​ൽ​കു​മെ​ന്ന്​ പ്ര​തി​പ​ക്ഷ നേ​താ​വ്​ ഷീ​ജ അ​നി​ൽ പ​റ​ഞ്ഞു.

ചെ​യ​ർ​പേ​ഴ്​​സ​ൻ എ​ല്ലാ​വ​രെ​യും മ​ണ്ട​ൻ​മാ​രാ​ക്കി -ബി​ന്ദു സ​ന്തോ​ഷ്​ കു​മാ​ർ

കോ​ട്ട​യം: ചെ​യ​ർ​പേ​ഴ്​​സ​ൻ താ​ന​ട​ക്ക​മു​ള്ള ജ​ന​പ്ര​തി​നി​ധി​ക​ളെ മ​ണ്ട​ൻ​മാ​രാ​ക്കി​യെ​ന്ന്​ വി​ക​സ​ന​കാ​ര്യ സ​മി​തി അ​ധ്യ​ക്ഷ​ൻ ​ബി​ന്ദു സ​ന്തോ​ഷ്​ കു​മാ​ർ. വ​രാ​ൻ ക​ഴി​യി​ല്ലെ​ങ്കി​ൽ എ​ന്തി​നാ​ണ്​ സ്​​പെ​ഷ​ൽ കൗ​ൺ​സി​ൽ വി​ളി​ച്ച​ത്. താ​നും ചെ​യ​ർ​പേ​ഴ്​​സ​ൻ പ​ദ​വി​യി​ലി​രു​ന്ന​യാ​ളാ​ണ്.

കോ​ട്ട​യ​ത്തി​ന്‍റെ ച​രി​ത്ര​ത്തി​ൽ ആ​ദ്യ​മാ​യാ​ണ്​ ഇ​ത്ത​രം സം​ഭ​വം. ചെ​യ​ർ​പേ​ഴ്​​സ​ൻ ബോ​ധ​പൂ​ർ​വ​മാ​ണ്​ ഇ​തു ചെ​യ്ത​ത്. മ​ണി​ക്കൂ​റു​ക​ളോ​ളം കൗ​ൺ​സി​ൽ ​ഹാ​ളി​ൽ നോ​ക്കു​കു​ത്തി​യാ​ക്കി ഇ​രു​ത്തി. ചെ​യ​ർ​പേ​ഴ്​​സ​ന്‍റെ ന​ട​പ​ടി മോ​ശ​മാ​യെ​ന്നും ബി​ന്ദു പ​റ​ഞ്ഞു.