‘ഓ ബൈ ഓസി’ സാമ്പത്തിക തട്ടിപ്പ്; പ്രതികളുമായി തെളിവെടുപ്പ്

തി​രു​വ​ന​ന്ത​പു​രം: ന​ട​നും ബി.​ജെ.​പി നേ​താ​വു​മാ​യ കൃ​ഷ്ണ​കു​മാ​റി​ന്‍റെ മ​ക​ൾ ദി​യ കൃ​ഷ്ണ​യു​ടെ ‘ഓ ​ബൈ ഓ​സി’ സ്ഥാ​പ​ന​ത്തി​ലെ സാ​മ്പ​ത്തി​ക ത​ട്ടി​പ്പു​കേ​സി​ല്‍ അ​റ​സ്റ്റി​ലാ​യ വ​നി​ത ജീ​വ​ന​ക്കാ​രു​മാ​യി തെ​ളി​വെ​ടു​പ്പ് ന​ട​ത്തി. ക​വ​ടി​യാ​റി​ലെ ‘ഓ ​ബൈ ഓ​സി’ സ്ഥാ​പ​നം, റീ​ഗ​ൽ ജ്വ​ല്ല​റി, കൃ​ഷ്ണ​കു​മാ​റി​ന്‍റെ ഫ്ലാ​റ്റ് എ​ന്നി​വി​ട​ങ്ങ​ളി​ലാ​ണ് ക്രൈം​ബ്രാ​ഞ്ച് ഡി​വൈ.​എ​സ്.​പി ഷാ​ജി​യു​ടെ നേ​തൃ​ത്വ​ത്തി​ൽ പ്ര​തി​ക​ളാ​യ വി​നീ​ത, രാ​ധാ​കു​മാ​രി എ​ന്നി​വ​രെ​യെ​ത്തി​ച്ച് തെ​ളി​വെ​ടു​ത്ത​ത്.

പ്ര​തി​ക​ൾ പ​ഴ​യ​സ്വ​ർ​ണം കൊ​ടു​ത്ത് പു​തി​യ​ത് വാ​ങ്ങി​യ സ്ഥാ​പ​ന​മെ​ന്ന നി​ല​യി​ലാ​യി​രു​ന്നു റീ​ഗ​ൽ ജ്വ​ല്ല​റി​യി​ലെ തെ​ളി​വെ​ടു​പ്പ്. പ്രാ​ഥ​മി​ക പ​രി​ശോ​ധ​ന​യി​ൽ 40 ല​ക്ഷം രൂ​പ​യു​ടെ ത​ട്ടി​പ്പ് ന​ട​ന്ന​താ​യി വ്യ​ക്ത​മാ​യി. ഇ​രു​വ​രെ​യും ചൊ​വ്വാ​ഴ്ച കോ​ട​തി​യി​ൽ ഹാ​ജ​രാ​ക്കും.

ഹൈ​കോ​ട​തി ജാ​മ്യം ത​ള്ളി​യ​തി​നെ തു​ട​ർ​ന്ന് വെ​ള്ളി​യാ​ഴ്ച​യാ​ണ് വി​നീ​ത, രാ​ധാ​കു​മാ​രി എ​ന്നി​വ​ർ അ​ന്വേ​ഷ​ണ ഉ​ദ്യോ​ഗ​സ്ഥ​ന് മു​ന്നി​ൽ ഹാ​ജ​രാ​യ​ത്. ചോ​ദ്യം ചെ​യ്യ​ലി​ൽ ല​ക്ഷ​ങ്ങ​ളു​ടെ സാ​മ്പ​ത്തി​ക ത​ട്ടി​പ്പ് ഇ​രു​വ​രും സ​മ്മ​തി​ച്ച​തോ​ടെ അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു. മൂ​ന്നാം പ്ര​തി ദി​വ്യ ഫ്രാ​ൻ​ക്ലി​ൻ ഇ​പ്പോ​ഴും ഒ​ളി​വി​ലാ​ണ്. ഇ​വ​ർ​ക്കാ​യി അ​ന്വേ​ഷ​ണം ആ​രം​ഭി​ച്ചു.

ക​വ​ടി​യാ​റി​ൽ പ്ര​വ​ർ​ത്തി​ക്കു​ന്ന ദി​യ​യു​ടെ സ്ഥാ​പ​ന​ത്തി​ല്‍നി​ന്ന് 69 ല​ക്ഷം രൂ​പ മൂ​വ​രും ചേ​ർ​ന്ന് ത​ട്ടി​യെ​ടു​ത്തെ​ന്നാ​ണ് കേ​സ്. ദി​യ ക​ട​യി​ൽ സ്ഥാ​പി​ച്ച ക്യു ​ആ​ർ കോ​ഡ് മാ​റ്റി പ​ല സ​മ​യ​ങ്ങ​ളി​ലാ​യി വ​ലി​യ തു​ക മൂ​വ​രും ചേ​ർ​ന്ന് ത​ട്ടി​യെ​ടു​ത്തു​വെ​ന്നാ​യി​രു​ന്നു കൃ​ഷ്ണ​കു​മാ​റും മ​ക​ളും മ്യൂ​സി​യം പൊ​ലീ​സ് സ്റ്റേ​ഷ​നി​ൽ ന​ൽ​കി​യ പ​രാ​തി.

പി​ന്നാ​ലെ കൃ​ഷ്ണ​കു​മാ​റും കു​ടും​ബ​വും ചേ​ർ​ന്ന് ത​ങ്ങ​ളെ ത​ട്ടി​ക്കൊ​ണ്ടു​പോ​യി പ​ണം ത​ട്ടി​യെ​ടു​ത്തെ​ന്നാ​രോ​പി​ച്ച് ജീ​വ​ന​ക്കാ​രി​ക​ളും പൊ​ലീ​സി​ൽ പ​രാ​തി ന​ൽ​കി. ഇ​തോ​ടെ കേ​സ് ക്രൈം​ബ്രാ​ഞ്ചി​ന് കൈ​മാ​റു​ക​യാ​യി​രു​ന്നു.