ഭാഷ വിവാദം; കർണാടകയിൽ കമൽഹാസന്‍റെ ചിത്രം കത്തിച്ച് പ്രതിഷേധം

തന്റെ അടുത്ത ചിത്രമായ തഗ് ലൈഫിന്റെ റിലീസിനായി ഒരുങ്ങുകയാണ് കമൽഹാസൻ. മണിരത്നം സംവിധാനം ചെയ്ത ആക്ഷൻ ത്രില്ലർ ജൂൺ അഞ്ചിന് തിയറ്ററിൽ എത്തും. എന്നാൽ സിനിമയുടെ പ്രമോഷൻ പരിപാടിക്കിടെ കന്നഡ ഭാഷ തമിഴിൽ നിന്നാണ് ഉത്ഭവിച്ചതെന്ന് കമൽഹാസൻ അവകാശപ്പെട്ടത് പ്രതിഷേധത്തിന് കാരണമായിട്ടുണ്ട്.

പരാമർശത്തെ ചുറ്റിപ്പറ്റിയുള്ള വിവാദങ്ങൾ തുടരുന്നതിനിടയിൽ, കമൽഹാസന്റെ ചിത്രം കത്തിച്ചതിന് ബംഗളൂരു സ്വദേശിയായ ഒരാളെ പൊലീസ് അറസ്റ്റ് ചെയ്തു. പടിഞ്ഞാറൻ ബംഗളൂരുവിലെ പവിത്ര പാരഡൈസ് സർക്കിളിന് സമീപം റോഡിൽ ഗതാഗത തടസമുണ്ടാക്കി പൊതുജനങ്ങളെ ശല്യം ചെയ്തതതിനാണ് അറസ്റ്റ്.

അതേസമയം, ക​മ​ൽ​ഹാ​സ​ൻ മാ​പ്പ് പ​റ​യാ​ത്ത​പ​ക്ഷം ‘ത​ഗ് ലൈ​ഫ്’ ക​ർ​ണാ​ട​ക​യി​ൽ പ്ര​ദ​ർ​ശി​പ്പി​ക്കി​ല്ലെ​ന്ന് ക​ർ​ണാ​ട​ക ഫി​ലിം ചേം​ബ​ർ ഓ​ഫ് കോ​മേ​ഴ്സ് (എ​ഫ്.​കെ.​സി.​സി) പ്ര​സി​ഡ​ന്റ് എം. ​ന​ര​സിം​ഹ​ലു അറിയിച്ചിട്ടുണ്ട്. പ​ല ക​ന്ന​ട ഗ്രൂ​പ്പു​ക​ളും ക​മ​ലി​ന്റെ സി​നി​മ​ക്ക് നി​രോ​ധ​നം ആ​വ​ശ്യ​പ്പെ​ടു​ന്നു​ണ്ട്. നി​ല​വി​ലെ വി​വാ​ദ​ത്തി​ൽ നടൻ മാ​പ്പു പ​റ​യ​ണ​മെ​ന്നാ​ണ് ത​ങ്ങ​ളു​ടെ​യും ആ​വ​ശ്യമെന്നും അദ്ദേഹം പ​റ​ഞ്ഞു.

എന്നാൽ, ത​ന്റെ വാ​ക്കു​ക​ൾ തെ​റ്റാ​യി വ്യാ​ഖ്യാ​നി​ക്ക​പ്പെ​ടു​ക​യാ​യി​രു​ന്നെ​ന്നും സ്നേ​ഹ​ത്തോ​ടെ പ​റ​ഞ്ഞ വാ​ക്കു​ക​ളി​ൽ ഖേ​ദ​പ്ര​ക​ട​ന​മി​ല്ലെ​ന്നും ക​മ​ൽ ഹാ​സ​ൻ പ്ര​തി​ക​രി​ച്ചി​രു​ന്നു. സിനിമ വിലക്കണം എന്ന ആവശ്യം ഉയർന്നതിന് ശേഷവും മാപ്പ് പറയില്ലെന്ന് താരം ആവർത്തിച്ചിട്ടുണ്ട്.