‘തല’ വീണ്ടും റേസിങ് ട്രാക്കിൽ

ത​മി​ഴ് സി​നി​മ​യി​ലെ മു​ൻ​നി​ര ന​ട​നാ​യ അ​ജി​ത്തി​ന്റെ കാ​ർ റേ​സി​ങ്ങി​നോ​ടു​ള്ള അ​ഭി​നി​വേ​ശം പ​റ​ഞ്ഞ​റി​യി​ക്കേ​ണ്ട​തി​ല്ല. ഇ​ട​ക്കാ​ല​ത്ത് വി​ട്ടു​നി​ന്നെ​ങ്കി​ലും ‘തല’ വീ​ണ്ടും റേ​സി​ങ് ട്രാ​ക്കി​ൽ എ​ത്തി​യ​തി​ന്റെ ആ​വേ​ശ​ത്തി​ലാ​ണ് ആ​രാ​ധ​ക​ർ.

അ​ജി​ത്ത് ദു​ബൈ​യി​ൽ കാ​ർ റേ​സി​ങ് ന​ട​ത്തു​ന്ന​തി​ന്റെ ചി​ത്ര​ങ്ങ​ളും വി​ഡി​യോ​ക​ളും ഇ​പ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്. സി​നി​മ ചി​ത്രീ​ക​ര​ണ​ത്തി​നാ​യി അ​സ​ർ​ബൈ​ജാ​നി​ലേ​ക്ക് പോ​കും​മു​മ്പ് ദു​ബൈ​യി​ൽ ഇ​റ​ങ്ങി​യ നടൻ, എ​ഫ്.​ഐ.​എ ലൈ​സ​ൻ​സു​ള്ള ദു​ബൈ ഓ​ട്ടോ​ഡ്രോം ട്രാ​ക്കും സ​ന്ദ​ർ​ശി​ച്ചു.

2010ൽ ​അ​ജി​ത് എം.​ആ​ർ.​എ​ഫ് റേ​സി​ങ് സീ​രീ​സി​ൽ പ​ങ്കെ​ടു​ത്തി​ട്ടു​ണ്ട്. മും​ബൈ, ചെ​ന്നൈ, ഡ​ൽ​ഹി എ​ന്നി​വി​ട​ങ്ങ​ളി​ലും ജ​ർ​മ​നി​യി​ലും മ​ലേ​ഷ്യ​യി​ലും സ​ർ​ക്യൂ​ട്ടു​ക​ളി​ലും മ​ത്സ​രി​ച്ചു. ഫോ​ർ​മു​ല 2 ചാ​മ്പ്യ​ൻ​ഷി​പ്പി​ൽ അ​ർ​മാ​ൻ ഇ​ബ്രാ​ഹി​മി​നും പാ​ർ​ഥി​വ സു​രേ​ഷേ​ര​നു​മൊ​പ്പ​മാ​ണ് മ​ത്സ​രി​ച്ച​ത്.

അ​ന്ന് കാ​ർ റേ​സി​ങ്ങി​നോ​ടു​ള്ള അ​ഭി​​നി​വേ​ശ​ത്തെ​ക്കു​റി​ച്ച് അ​ജി​ത്തി​നോ​ട് ചോ​ദി​ച്ച​പ്പോ​ൾ, മു​ൻ ന​ടി​യും ഭാ​ര്യ​യു​മാ​യ ശാ​ലി​നി​യാ​​ണ് ധൈ​ര്യം ത​ന്ന​തെ​ന്ന് പ​റ​ഞ്ഞി​രു​ന്നു. അ​വ​ൾ ഇ​ല്ലെ​ങ്കി​ൽ, ഞാ​ൻ മ​ത്സ​രി​ക്കി​ല്ലെ​ന്നും ത​ന്റെ മാ​താ​പി​താ​ക്ക​ളു​ം പി​ന്തു​ണ​​ച്ചെ​ന്നും വ്യ​ക്ത​മാ​ക്കി.

എ​ച്ച്. വി​നോ​ദ് സം​വി​ധാ​നം ചെ​യ്ത ‘ത​ദ്വു’ ആണ് അ​ജി​ത്തി​ന്റെ ഏ​റ്റ​വും ഒ​ടു​വി​ൽ പു​റ​ത്തു​വ​ന്ന ചി​ത്രം. അ​ധി​ക് ര​വി​ച​ന്ദ്ര​ന്റെ ‘ഗു​ഡ് ബാ​ഡ് അ​ഗ്ലി’, മ​ഗി​ഴ് തി​രു​മേ​നി​യു​ടെ ‘വി​ടാ മു​യാ​ർ​ച്ചി’ എ​ന്നി​വ​യാ​ണ് വ​രാ​നി​രി​ക്കു​ന്ന ചി​ത്ര​ങ്ങ​ൾ.