ഹലോ മാമുക്കോയ അല്ലേ..? ഇങ്ങൾ മയ്യിത്തായില്ലാ...?

കോ​ഴി​ക്കോ​ട്​: പ​ഴ​യ സി​നി​മ​ക​ളി​ലെ മാമുക്കോയയുടെ ഹാ​സ്യ​രം​ഗ​ങ്ങ​ൾ ത​ഗ്​ ലൈ​ഫ്​ വി​ഡി​യോ​ക​ളാ​യി കോവിഡ്കാലത്ത് വ്യാ​പ​ക​മാ​യി പ്ര​ച​രി​ച്ചി​രു​ന്നു. അ​ല്പ​കാ​ലം മു​മ്പ് മ​റ്റൊ​രു വി​ഡി​യോ​യും ഇ​തു​പോ​ലെ വൈ​റ​ലാ​യി. മാ​മു​ക്കോ​യ​യെ ഒ​രു അ​പ​രി​ചി​ത​ൻ വി​ളി​ക്കു​ന്ന​തും ശ​ബ്​​ദം കേ​ട്ട​യു​ട​നെ അ​യാ​ൾ താ​ര​ത്തോ​ട്​ ‘നി​ങ്ങ​ൾ മ​യ്യി​ത്താ​യി​ല്ലേ...’ എ​ന്ന്​ ചോ​ദി​ക്കു​ന്ന​തു​മാ​ണ്​ രം​ഗ​ത്തി​ലു​ള്ള​ത്.

ഫേ​സ്​​ബു​ക്കി​ൽ മ​ര​ണ​വാ​ർ​ത്ത കേ​ട്ട്​ വി​ളി​ച്ച അ​യാ​ളോ​ട്​ താ​ൻ ഇ​പ്പോ​ൾ മ​രി​ച്ചി​ട്ടി​ല്ലെ​ന്നും മ​രി​ച്ചി​ട്ട് വി​ളി​ക്കു​ക​യാ​ണെ​ങ്കി​ൽ അ​പ്പോ​ൾ സം​സാ​രി​ക്കാ​മെ​ന്നും മാ​മു​ക്കോ​യ സ​ര​സ​മാ​യി മ​റു​പ​ടി ന​ൽ​കു​ന്നു​മു​ണ്ട്. ഇ​ങ്ങ​നെ ഓ​രോ​ന്ന്​ പ​ട​ച്ചു​വി​ടാ​ൻ​മാ​ത്രം ആ​ര്‍ക്കാ​ണ് മാ​മു​ക്കോ​യ​യോ​ട്​ ഇ​ത്ര​യും ശ​ത്രു​ത എ​ന്ന് ചോ​ദി​ക്കു​മ്പോ​ള്‍, മെ​ഗാ സ്റ്റാ​ർ മ​മ്മൂ​ട്ടി​ക്ക് എ​ന്നാ​ണ് താ​രം ത​മാ​ശ​യാ​യി മ​റു​പ​ടി പ​റ​യു​ന്ന​ത്.

‘ഞാ​ന്‍ മ​രി​ച്ചു എ​ന്നു കേ​ള്‍ക്കു​മ്പോ​ള്‍ ആ​ന​ന്ദം കി​ട്ടു​ന്നു​ണ്ടോ എ​ന്ന​റി​ഞ്ഞു​കൂ​ടാ. അ​ങ്ങ​നെ സ​ന്തോ​ഷം കി​ട്ടു​ന്ന​വ​ന് കി​ട്ട​ട്ടെ. ജീ​വി​ച്ചി​രി​ക്കു​മ്പോ​ള്‍ ത​ന്നെ ന​മു​ക്ക് അ​ങ്ങ​നെ​യും പ​ല​രെ​യും സ​ന്തോ​ഷി​പ്പി​ക്കാ​ന്‍ ക​ഴി​യു​ന്നു​ണ്ടെ​ങ്കി​ല്‍ അ​തു​ത​ന്നെ വ​ലി​യ കാ​ര്യം. ഒ​രു ത​മാ​ശ​യാ​യി മാ​ത്ര​മേ ഞാ​ന്‍ ഇ​തി​നെ​യും കാ​ണു​ന്നു​ള്ളൂ.

പ​രാ​തി കൊ​ടു​ക്കാ​ന്‍ പ​ല​രും പ​റ​ഞ്ഞു. എ​ന്നി​ട്ട് എ​ന്ത് കി​ട്ടാ​നാ​ണെ​ന്നാ​ണ് ഞാ​ൻ അ​വ​രോ​ട് ചോ​ദി​ച്ച​ത്. എ​ഴു​പ​ത് വ​യ​സ്സാ​യി. ഇ​തി​ല്‍ കൂ​ടു​ത​ല്‍ ഒ​ന്നും ചെ​യ്യാ​നി​ല്ല. എ​ന്താ​യാ​ലും ഒ​രാ​ഗ്ര​ഹം മാ​ത്രം ബാ​ക്കി​യു​ണ്ട്. മ​ര​ണ​ക്കി​ട​ക്ക​യി​ല്‍ ഒ​രു​പാ​ടു നാ​ള്‍ കി​ട​ത്ത​രു​തെ​ന്ന് -ഒ​രു മാ​സി​ക​ക്ക് ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞു.