'തലക്കെട്ടുകളിൽ ഇടമില്ലാത്ത ഒരു ദിവസത്തെ കങ്കണ ഭയപ്പെടുന്നു, അതുകൊണ്ടാണിങ്ങനെയൊക്കെ'-ശബാന ആസ്​മി

ന്യൂഡൽഹി: തലക്കെട്ടുകളിൽ ഇടമില്ലാത്ത ഒരു ദിവസത്തെ ഭയപ്പെടുന്നതിനാലാണ്​​ കങ്കണ റണാവത്ത്​ മര്യാദ ലംഘിച്ച്​ സംസാരിക്കുന്നതെന്ന അഭിപ്രായവുമായി​ പ്രമുഖ നടിയും സാമൂഹിക പ്രവർത്തകയുമായ ശബാന ആസ്​മി.

സിനിമ വ്യവസായത്തെ 'തീവ്രവാദികളിൽ നിന്നും' കഴിവുള്ള കലാകാരൻമാരെ ചൂഷണം ചെയ്യുന്ന ലഹരി മാഫിയകളിൽ നിന്നും രക്ഷിക്കണമെന്ന കങ്കണയുടെ പ്രസ്​താവനക്കെതിരെ മുംബൈ മിററിന്​ നൽകിയ അഭിമുഖത്തിലാണ്​ ശബാന പ്രതികരിച്ചത്​. തലക്കെട്ടുകളിൽ നിറഞ്ഞു നിൽക്കാനായി​ വിവാദ പരാമർശങ്ങൾ നടത്തുന്നതിന്​ പകരം കങ്കണ അഭിനയത്തിൽ ശ്രദ്ധ കേ​ന്ദ്രീകരിക്കാനും അവർ ഉപദേശിച്ചു.

'സ്വന്തം മിത്തുകളെയാണ്​ കങ്കണ വിശ്വസിക്കുന്നത്​. സിനിമ വ്യവസായത്തെ ഫെമിനിസം, ദേശീയത എന്നിവ എന്താണെന്ന്​ പഠിപ്പിച്ചുവെന്ന്​ അവൾ പറയുന്നു. ആരും തന്നെ ശ്രദ്ധിക്കാനില്ലാത്തുകൊണ്ട്​ അവൾ അത്​ ഉച്ഛരിച്ചുവെന്നതിൽ സന്തോഷം. തലക്കെട്ടുകളിൽ ഇടമില്ലാത്ത ഒരു ദിവസത്തെ അവൾ ഭയപ്പെടുന്നു. അതിനാലാണ്​ ഇത്തരം മര്യാദയില്ലാത്ത പ്രസ്​താവനകൾ നടത്തി വാർത്തകളിൽ ഇടം പിടിക്കുന്നത്​. പാവം കുട്ടി, തനിക്ക്​ നന്നായി അറിയാവുന്ന അഭിനയത്തിൽ ശ്രദ്ധിച്ചാൽ പോരെ' -ശബാന പറഞ്ഞു.

സിനിമ വ്യവസായത്തിന്​ അതി​േൻറതായ പ്രശ്​നങ്ങളും കുറവുകളും ഉണ്ട്​ എന്നാൽ ഒരേ ത്രാസ്​ കൊണ്ട്​​ എല്ലാം അളക്കാൻ ശ്രമിക്കരുതെന്ന്​ അവർ കൂട്ടിച്ചേർത്തു. അതോടൊപ്പം തന്നെ രാജ്യത്തെ യഥാർഥ പ്രശ്​നങ്ങളിൽ നിന്നും ശ്രദ്ധ തിരിച്ചുവിടാനുള്ള ഗൂഢശ്രമങ്ങളാണ്​ സിനിമ മേഖലക്കെതിരെയുള്ള ആ​േരാപണങ്ങളെന്ന്​ ശബാന വ്യക്തമാക്കി.

ബോളിവുഡിലെ സ്വജനപക്ഷപാതത്തിനും ലഹരി ഉപയോഗത്തിനുമെതിരെ ശബ്​ദം ഉയർത്തിയാണ്​ കങ്കണ സമീപകാലത്ത്​ വാർത്തകളിൽ നിറഞ്ഞ്​ നിന്നത്​. മുതിർന്ന നടി ജയ ബച്ചനെതിരെ കങ്കണ നടത്തിയ പരാമർശം വിവാദമായിരുന്നു. സ​ുശാന്ത്​ സിങ്​ രാജ്​പത്ത്​ കേസുമായി ബന്ധപ്പെട്ട്​ മുംബൈ പൊലീസിനെതിരെയും ശിവസേനക്കെതിരെയും കൊമ്പ്​ കോർക്കുകയും ചെയ്​തു.

നേരത്തെ ശബാന ആസ്​മിയെ കങ്കണ 'രാജ്യദ്രോഹി'യെന്ന്​ വിശേഷിപ്പിച്ചിരുന്നു. ഋത്വിക്​ റോഷനുമായി ബന്ധപ്പെട്ട വിവാദ സമയത്ത്​ ശബാനയുടെ ഭർത്താവ്​ ജാവേദ്​ അക്​തർ കങ്കണയെ വീട്ടിലേക്ക്​ വിളിച്ചുവരുത്തി വിരട്ടുകയും ​ഋത്വിക്കിനോട്​ മാപ്പ്​ പറയാൻ വേണ്ടി ഭീഷണിപ്പെടുത്തുകയും ചെയ്​തിരുന്നതായി ​മാനേജർ കൂടിയായ സഹോദരി രംഗോലി ചന്ദേൽ ആ​േരാപിച്ചിരുന്നു.