Begin typing your search above and press return to search.
exit_to_app
exit_to_app
Shah Rukh Khan Requests Bollywood Celebs to Not Visit Mannat After Aryan Khan’s Arrest
cancel
Homechevron_rightEntertainmentchevron_rightCelebritieschevron_rightമന്നത്തിലേക്കുള്ള...

മന്നത്തിലേക്കുള്ള സന്ദർശനം ഒഴിവാക്കണമെന്ന്​ ​പ്രിയപ്പെട്ടവരോട്​ ഷാരൂഖ്​​; കാരണം ഇതാണ്​

text_fields
bookmark_border

ലഹരി പാര്‍ട്ടിയുമായി ബന്ധപ്പെട്ട കേസില്‍ അറസ്റ്റിലായ മകൻ ആര്യന്‍ ഖാന്‍ വീട്ടിൽ തിരിച്ചെത്തിയ പശ്​ചാത്തലത്തിൽ പുതിയൊരു അപേക്ഷയുമായി പിതാവ്​ ഷാരൂഖ്​ രംഗത്തെത്തി. ജയില്‍ മോചിതനായ ആര്യൻ ബാന്ദ്രയിലെ ഷാരൂഖ് ഖാന്റെ ആഢംബര വസതിയായ മന്നത്തിലാണ്​ എത്തിയത്​. ആര്‍തര്‍ റോഡ് ജയിലില്‍നിന്ന പുറത്തിറങ്ങിയ മകനെ കൊണ്ടുപോവാന്‍ ഷാറൂഖ് നേരിട്ടെത്തിയിരുന്നു. താരപുത്രന്‍ കുറച്ച് ദിവസം മന്നത്തില്‍ കഴിയുമെന്നും വീട്ടില്‍ നിന്ന് പുറത്തിറങ്ങില്ലെന്നുമാണ് വിവരം.

ആര്യൻ വീട്ടിലെത്തിയതോടെ ഷാരൂഖി​േൻറയും ഭാര്യ ഗൗരിയുടേയും സുഹൃത്തുക്കളും സഹതാരങ്ങളുമായി വലിയൊരു സംഘമാണ്​ മന്നത്തിലേക്ക്​ എത്തിക്കൊണ്ടിരിക്കുന്നത്​. ഇത്​ അനിയന്ത്രിതമായതോടെയാണ്​ താരം അപേക്ഷയുമായി രംഗത്തെത്തിയത്​. തൽക്കാലം വീട്ടിലേക്ക്​ ആരും വ​രരുതെന്നാണ്​ ഷാരൂഖ്​ ആവശ്യപ്പെട്ടത്​. രണ്ട്​ കാരണങ്ങളാണ്​ ഇതിന്​ ഷാരൂഖുമായി അടുത്ത വൃത്തങ്ങൾ പറയുന്നത്​.

ഒന്നാമത്തേത്​ സുരക്ഷയാണ്​. മറ്റൊന്ന്​ ആര്യ​െൻറ അഭിഭാഷക സംഘം നിലവിൽ അധികം സന്ദർശകരെ അനുവദിക്കേണ്ടെന്ന്​ ഷാരൂഖിന്​ നിർദേശം നൽകിയിട്ടുണ്ട്​. വളരെ സെൻസിറ്റീവായ കേസ്​ ആയതിനാൽ വലിയരീതിയിലുള്ള ​െഎക്യദാർഡ്യ പ്രകടനങ്ങൾ കോടതിയിൽ തിരിച്ചടി ആകുമോ എന്ന്​ അഭിഭാഷകർക്ക്​ ആശങ്കയുണ്ട്​. ഷാരൂഖി​െൻറ മാനേജർ പൂജ ദദ്​ലാനിയും ഇക്കാര്യം ആവശ്യപ്പെട്ടിട്ടുണ്ട്

ഉറ്റ സുഹൃത്തുക്കളോടും ബന്ധുക്കളോടുംപോലും അടുത്ത കുറച്ചുദിവസങ്ങളിൽ സന്ദർശനം ഒഴിവാക്കാനും ആവശ്യപ്പെട്ടിട്ടുണ്ട്​. നേരത്തേ നടൻ സൽമാൻ ഖാൻ ഷാരൂഖിനെ സന്ദർശിച്ചിരുന്നു. പിന്നീട്, ഗൗരി ഖാന്റെ സുഹൃത്തുക്കളായ മഹീപ് കപൂർ, സീമ ഖാൻ, നീലം കോത്താരി എന്നിവരും എത്തി. ഷാരൂഖി​െൻറ അടുത്ത സുഹൃത്തായ കരൺ ജോഹർ വിദേശത്ത് നിന്ന് തിരിച്ചെത്തിയതായി റിപ്പോർട്ടുണ്ട്​. അതിനിടെ, സോഷ്യൽ മീഡിയയിൽ ആര്യന് ബോളിവുഡ് ഏകകണ്​ഠമായ പിന്തുണ അറിയിച്ചു.

നടപടിക്രമങ്ങള്‍ പൂര്‍ത്തിയാക്കി ജയിലില്‍ നിന്നിറങ്ങിയ താരപുത്രനെ സ്വീകരിക്കാന്‍ ആരാധകര്‍ ജയിലിന് മുന്നില്‍ തടിച്ചുകൂടിയിരുന്നു. മന്നത്തിന് മുന്നിലും വലിയ ജനാവലിയാണ് ആര്യനെ വരവേല്‍ക്കാന്‍ എത്തിയത്. മാധ്യമങ്ങളും ഫോട്ടോഗ്രാഫേഴ്​സും മന്നത്തിന് മുന്നില്‍ സ്ഥാനമുറപ്പിച്ചിട്ടുണ്ട്.

Show Full Article
TAGS:Shah Rukh Khan Mannat Visit avoid 
News Summary - Shah Rukh Khan Requests Bollywood Celebs to Not Visit Mannat After Aryan Khan’s Arrest
Next Story