കാൻ ചലച്ചിത്രമേളയിൽ സന്തോഷ് ശിവന് ആദരം; പിയർ ആഞ്ജിനോ പുരസ്കാരം നേടുന്ന ആദ്യ ഏഷ്യക്കാരൻ

പാരീസ്: 2024 കാൻ ചലച്ചിത്രമേളയിൽ പ്രശസ്ത ഛായാഗ്രാഹകനും സംവിധായകനുമായ സന്തോഷ് ശിവന് ആദരം. രാജ്യാന്തര തലത്തിലെ പ്രഗത്ഭരായ ഛായാഗ്രാഹകർക്ക് നൽകിയ വരുന്ന പിയർ ആഞ്ജിനോ പുരസ്കാരമാണ് സന്തോഷിന് ലഭിച്ചത്.

ഛായാഗ്രാഹക രംഗത്തെ മികവ് പരിഗണിച്ചാണ് അംഗീകാരം. ഈ നേട്ടം സ്വന്തമാക്കുന്ന ആദ്യ ഏഷ്യക്കാരനാണ് സന്തോഷ് ശിവൻ. നടി പ്രീതി സിന്‍റയും ചടങ്ങിന് സാക്ഷ്യം വഹിച്ചു.

മലയാളം, തമിഴ്, ഹിന്ദി ഭാഷകളിൽ നിരവധി ഹിറ്റ് സിനിമകൾക്ക് കാമറ ചലിപ്പിച്ച സന്തോഷ് ശിവൻ ദേശീയ, സംസ്ഥാന പുരസ്കാരങ്ങൾ നിരവധി തവണ നേടിയിട്ടുണ്ട്.