കൈക്കുഞ്ഞുമായി ഉംറ ചെയ്ത്​ സന ഖാൻ; ‘എനിക്ക്​ എല്ലാം നേടിത്തന്ന സ്ഥലം’

ഒരുകാലത്ത്​ ബോളിവുഡിലെ മിന്നും താരമായിരുന്നു സന ഖാൻ. ഗ്ലാമർ ലോകത്ത് നിറഞ്ഞുനിന്ന കാലത്തോട് വിട പറഞ്ഞ സന ഖാൻ പിന്നെ കുടുംബജീവിതത്തിലേക്കും ആത്മീയതയിലേക്കും വഴിമാറിയിരുന്നു. മൂന്ന്​ വർഷങ്ങൾക്ക് മുൻപ് അനസ് സയിദിനെ വിവാഹം ചെയ്ത ഇവർക്ക്​ ആദ്യത്തെ കണ്മണി പിറന്നത്​ അടുത്തിടെയാണ്​. കുട്ടിയോടൊപ്പം ഉംറ ചെയ്തതിന്‍റെ ഫോട്ടോയും വിഡിയോയും ഇപ്പോൾ പങ്കുവച്ചിരിക്കുകയാണ്​ സന.

2023 ജൂലൈ അഞ്ചിനാണ്​ ദമ്പതികൾക്ക്​ ആദ്യത്തെ കൺമണി ജനിച്ചത്​. ‘എനിക്ക്​ എല്ലാം നേടിത്തന്ന സ്ഥലം, എല്ലാ പ്രാർഥനകളും സഫലമാക്കിയ ഇടം. കണ്ണീർ പൊഴിക്കാതെ എനിക്ക്​ ഈ കുറിപ്പ്​ പൂർത്തിയാക്കാനാവില്ല’-മക്കയിലെ കഅബക്കുമുന്നിൽ നിന്നുള്ള ഫോട്ടോ പങ്കുവച്ചുകൊണ്ട്​ സന സമൂഹമാധ്യമത്തിൽ കുറിച്ചു. തങ്ങളുടെ ആൺകുഞ്ഞിന്​ താരിഖ്​ ജമീൽ എന്നാണ്​ അനസ്​-സന ദമ്പതികൾ പേര്​ നൽകിയിരിക്കുന്നത്​.

View this post on Instagram

A post shared by Saiyad Sana Khan (@sanakhaan21)

ഉംറ യാത്രയിൽ മദീനയിലെത്തിയ ദമ്പതികൾ പ്രവാചകൻ മുഹമ്മദ്​ നബിയുടെ ഖബറിടവും സന്ദർശിച്ചിരുന്നു. ‘അൽഹംദുല്ലിലാഹ്, റോസ് മുബാറക്കിനുള്ളിൽ കയറാൻ ഞങ്ങൾക്ക് ഭാഗ്യമുണ്ടായി’-മദീനയിലെ വിഡിയോ പങ്കുവച്ചുകൊണ്ട്​ സന ഇൻസ്റ്റഗ്രാമിൽ കുറിച്ചു.