പിറന്നാൾ ദിനത്തിൽ ബിഗ് ബിക്ക് ആശംസയുമായി പ്രധാനമന്ത്രി നരേന്ദ്രമോദി

ന്യൂഡൽഹി: 80ാം പിറന്നാൾ ആഘോഷിക്കുന്ന ബോളിവുഡിന്‍റെ ബിഗ് ബിക്ക് ആശംസയുമായി പ്രധാനമന്ത്രി നരേന്ദ്രമോദി. ഇന്ത്യയുടെ ചലച്ചിത്രമേഖലയിലെ ശ്രദ്ധേയമായ വ്യക്തിത്വങ്ങളിൽ ഒരാളാണ് അമിതാഭ് ബച്ചനെന്ന് നരേന്ദ്രമോദി ട്വീറ്റ് ചെയ്തു.

'80ാം ജന്മദിനാംശസകൾ അമിതാഭ് ബച്ചൻ ജി. ജനങ്ങളെ ആവേശഭരിതരാക്കുകയും വിനോദിപ്പിക്കുകയും ചെയ്ത ചലച്ചിത്രമേഖലയിലെ ശ്രദ്ധേയമായ വ്യക്തിത്വങ്ങളിൽ ഒരാളാണ് അദ്ദേഹം. ദീർഘവും ആരോഗ്യകരവുമായ ജീവിതം നയിക്കാൻ കഴിയട്ടെ.' -പ്രധാനമന്ത്രി ട്വീറ്റ് ചെയ്തു.

ഹരിവംശ് റായ് ബച്ചന്‍റെയും തേജി ബച്ചന്‍റെയും മൂത്തമകനായി 1942 ഒക്ടോബർ 11നാണ് അമിതാഭ് ബച്ചൻ ജനിച്ചത്. 1961ൽ പുറത്തിറങ്ങിയ 'സാത് ഹെ ഹിന്ദുസ്ഥാനി' യാണ് ആദ്യചിത്രം. 'ആനന്ദ്' (1971), 'സഞ്ജീർ' (1973), ദീവാർ (1975) തുടങ്ങിയ സിനിമകളെ അഭിനയത്തിന് നിരൂപക പ്രശംസ നേടി.