Begin typing your search above and press return to search.
exit_to_app
exit_to_app
മക്കൻസി സ്​കോട്ട്​ വീണ്ടും ദാനം ചെയ്​തു, വെറും 19,792 കോടി രൂപ
cancel
Homechevron_rightEntertainmentchevron_rightCelebritieschevron_rightമക്കൻസി സ്​കോട്ട്​...

മക്കൻസി സ്​കോട്ട്​ വീണ്ടും ദാനം ചെയ്​തു, വെറും 19,792 കോടി രൂപ

text_fields
bookmark_border

വാഷിങ്​ടൺ: അമേരിക്കൻ ജീവകാരുണ്യ പ്രവർത്തകയും നോവലിസ്റ്റും എല്ലാറ്റിലുമുപരി ആമസോൺ ​സ്​ഥാപകൻ ജെഫ്​ ബിസോസിന്‍റെ മുൻ പത്​നിയുമായ മക്കൻസി സ്​കോട്ട്​ അടുത്തിടെ ദാനമായി നൽകിയത്​ 270 കോടി ഡോളർ (19,792 കോടി രൂപ). 5900 കോടി ഡോളർ (43,24,995 കോടി രൂപ) ആസ്​തിയുള്ള സ്​കോട്ട്​ നേരത്തെയും സമാനമായി വൻതുക ദാനം ചെയ്​തിരുന്നു. ഇത്തവണ 286 സ്​ഥാപനങ്ങൾക്കായാണ്​ തുക നൽകിയത്​.

2020ൽ രണ്ടു തവണകളിലായി 600 കോടി ഡോളർ (43,981 കോടി രൂപ) കൈമാറി വാർത്തകളിൽ ഇടംനേടിയിരുന്നു. കോവിഡ്​ സഹായം, ലിംഗ സമത്വം, കറുത്ത വംശജരുടെ വിദ്യാഭ്യാസ സ്​ഥാപനങ്ങൾ തുടങ്ങിയവക്കായാണ്​ ദാനം.

ജെഫ്​ ബിസോസുമായി വിവാഹ മോചന കരാർ പ്രകാരം ലഭിച്ച ശതകോടികളിലേറെയും ദാനം ചെയ്യുമെന്ന്​ നേരത്തെ മക്കൻസി സ്​കോട്ട്​ പ്രഖ്യാപിച്ചിരുന്നു. ഇതിന്‍റെ ഭാഗമായാണ്​ രണ്ടു വർഷത്തിനിടെ ഇത്രയേറെ നൽകിയത്​.

ജീവകാരുണ്യത്തിനായി സംഘടന രൂപവത്​കരിക്കാനായിരുന്നു നേരത്തെ പദ്ധതിയെങ്കിലും അതുവിട്ട്​ പിന്നീട്​ ഉപദേശകരെ നിശ്​ചയിക്കുകയായിരുന്നു.

ടെക്​സസിലെ അമരിലോ കോളജ്​, ന്യൂയോർക്​ അപ്പോളോ തിയറ്റർ, ചിൽഡ്രൻസ്​ ഡിഫൻസ്​ ഫണ്ട്​, ഡീകോളനൈസിങ്​ വെൽത്ത്​ പ്രോജക്​റ്റ്​, ഫിലാ​േന്ത്രാപിയ പോർ​ട്ടോ റി​ക്കോ, ഇന്നർ സിറ്റി മുസ്​ലിം ആക്​ഷൻ നെറ്റ്​വർക്​, ജാസ്​ അറ്റ്​ ലിങ്കൺ സെന്‍റർ, പി.ഇ.എൻഅമേരിക്ക റൈറ്റേഴ്​്​സ്​ എമർജൻസി ഫണ്ട്​, ഉബുണ്ടു പാത്​വേയ്​സ്​ തുടങ്ങിയവ ഇത്തവണ പണം ലഭിച്ചവയിൽ പെടും.

Show Full Article
TAGS:MacKenzie Scott charity Jeff Bezos 
News Summary - Philanthropist MacKenzie Scott gives away $2.7bn to hundreds of charities
Next Story