അനധികൃത നിർമാണവും ഖനനവും; നടൻ നാഗാർജുനയ്‌ക്ക് നോട്ടീസ്

പനജി: അനധികൃത നിർമാണവും ഖനനവും നടത്തിയെന്നാരോപിച്ച് തെലുങ്ക് നടൻ നാഗാർജുനയ്‌ക്ക് നോട്ടീസ്. ഗോവയിലെ പഞ്ചായത്താണ് നോട്ടീസ് അയച്ചിരിക്കുന്നത്.

വടക്കൻ ഗോവയിലെ മാന്ദ്രേം ഗ്രാമത്തിലാണ് പഞ്ചായത്തിന്റെ മുൻകൂർ അനുമതി വാങ്ങാതെ നിർമാണപ്രവർത്തനങ്ങൾ നടത്തിയത്. ഗോവ പഞ്ചായത്ത് രാജ് ആക്ട് 1994 പ്രകാരം പ്രവൃത്തി നിർത്തിവെക്കാനാവശ്യപ്പെട്ടാണ് മന്ദ്രേം പഞ്ചായത്ത് സർപഞ്ച് അമിത് സാവന്ത് നോട്ടീസ് നൽകിയത്.

ഉടൻ നിർമാണം നിർത്തിയില്ലെങ്കിൽ തുടർ നടപടി സ്വീകരിക്കുമെന്ന് പഞ്ചായത്ത് നടന് മുന്നറിയിപ്പ് നൽകി.