Begin typing your search above and press return to search.
proflie-avatar
Login
exit_to_app
exit_to_app
Kareena Kapoor Khan and family
cancel
Homechevron_rightEntertainmentchevron_rightCelebritieschevron_right'കുട്ടികളെ...

'കുട്ടികളെ കളിയാക്കുന്നതെന്തിനെന്ന്​ മനസിലാകുന്നില്ല' -​ൈതമൂർ, ജഹാംഗീർ പേര്​ വിവാദത്തിൽ കരീന

text_fields
bookmark_border

മുംബൈ: താരദമ്പതികളായ കരീനയുടെയും സെയ്​ഫ്​ അലി ഖ​ാന്‍റെയും മൂത്ത മകന്​ തൈമൂർ എന്ന പേരിട്ടതിന്​ രൂക്ഷ വിമർശനങ്ങളായിരുന്നു ദമ്പതികൾക്കെതിരെ സമൂഹമാധ്യമങ്ങളിൽ ഉയർന്നത്​​. എന്നാൽ, രണ്ടാമത്തെ മകന്​ ​ജഹാംഗീർ എന്ന പേരിട്ടതിനും ഇപ്പോൾ വിമർശനങ്ങളുടെ പെരുമഴയാണ്​.

മുഗൾ ചക്രവർത്തിയുടെ പേര്​ നൽകിയതിനെതിരെയായിരുന്നു വിമർശനം. വിമർശനങ്ങളുടെ നേർക്ക്​ ആദ്യം കണ്ണടക്കുകയായിരുന്നു താരദമ്പതികൾ. എന്നാൽ, 'ദ ഗാർഡിയന്'​ നൽകിയ അഭിമുഖത്തിൽ പേര്​ വിവാദത്തിൽ മനസ്​ തുറന്നിരിക്കുകയാണ്​ കരീന. തൈമൂറിന്‍റെയും ജഹാംഗിറിന്‍റെയും പേരിനെ​െചാല്ലി ഉയരുന്ന ട്രോളുകൾ അതിഭീകരമാണെന്നായിരുന്നു കരീനയുടെ പ്രതികരണം.

തനിക്കും സെയ്​ഫിനും ഇഷ്​ടപ്പെട്ട പേരുകളായതുകൊണ്ടാണ്​ അവ നൽകിയതെന്നും അതിൽ മറ്റൊന്നും ഇല്ലൊന്നും കരീന പറഞ്ഞു. ആളുകൾക്ക്​ കുട്ടികളെ കളിയാക്കാൻ തോന്നുന്നത്​ എങ്ങനെയാണെന്ന്​ മനസിലാകുന്നില്ലെന്നും കരീന കൂട്ടിച്ചേർത്തു.

'സത്യമായും, ഈ പേരുകൾ ഞങ്ങൾക്ക്​ ഇഷ്​ടപ്പെട്ടു. അതിൽ മറ്റൊന്നുമില്ല. ഇവ മനോഹരമായ പേരുകളാണ്​. അവർ നല്ല കുട്ടികളും. കുട്ടികളെ ചിലർ ട്രോളുന്നത്​ എന്തുകൊണ്ടാണെന്ന്​ മനസിലാകുന്നില്ല. അത്​ ഭീകരമായി തോന്നു. പക്ഷേ ഇതിനെ അഭിമുഖീകരിച്ച്​ മു​േന്നാട്ടുപോകണം. ഈ ട്രോളുകളിലൂടെ എനിക്ക്​ എന്‍റെ ജീവിതം മുന്നോട്ടുപോകാൻ കഴിയില്ല' -കരീന പറഞ്ഞു.

രണ്ടാമത്തെ മകൻ ജനിച്ച്​ ആറുമാസം കഴിഞ്ഞിട്ടും കുഞ്ഞി​െൻറ ഫോ​ട്ടോയോ മറ്റ്​ വിശദാംശങ്ങ​ളോ താരദമ്പതികൾ പുറത്തുവിട്ടിരുന്നില്ല. കുഞ്ഞി​െൻറ പേര്​ 'ജെ' എന്നാണെന്നായിരുന്നു​ കരീനയുടെ പിതാവ്​ രൺധീർ കപൂർ മുമ്പ്​ പറഞ്ഞിരുന്നത്​. 40കാരിയായ കരീന രണ്ടാമത്തെ മകന്​ ജന്മം നൽകിയത് ഫെബ്രുവരി 21നായിരുന്നു​. ആദ്യ മകൻ തൈമൂറിന്‍റെ പേരിനെ ചൊല്ലി വിവാദങ്ങൾ ഉയർന്നതിനാൽ, രണ്ടാമത്തെ മകനെ കുറിച്ചുള്ള എല്ലാ വിവരങ്ങളും ​സെയ്​ഫും കരീനയും രഹസ്യമാക്കിവെക്കുകയായിരുന്നു.

എന്നാൽ, ത​െൻറ ഗർഭകാലത്തെ അനുഭവങ്ങൾ വിവരിച്ചുകൊണ്ട്​ കരീന പുറത്തിറക്കിയ പുതിയ പുസ്​തകമായ 'പ്രെഗ്​നൻസി ബൈബിൾ- ദി അൾട്ടിമേറ്റ്​ മാന്വൽ ഫൊർ മോംസ്​ ടു ബീ' -യിൽ ജഹാംഗീർ എന്ന പേര്​ വെളിപ്പെടുത്തുകയായിരുന്നു. ആദ്യ മകന്​ ലോകചരിത്രത്തിലെതന്നെ ഏറ്റവും ക്രൂരനായ ഭരണാധികാരിയെന്ന്​ വിശേഷിപ്പിക്കപ്പെടുന്ന തൈമൂറിന്‍റെ പേര്​ നൽകിയത്​ ഏറെ കുറ്റപ്പെടുത്തലുകൾക്ക്​ വഴിതെളിച്ചിരുന്നു. തുടർന്ന്​ ക്രൂരനായ ഭരണാധികാരയുടെ പേര് എന്ന നിലയിലല്ല ആ പേര് തിരഞ്ഞെടുത്തതെന്നും പുരാതന പേർഷ്യൻ ഭാഷയിൽ തൈമൂർ എന്നാൽ ഇരുമ്പ് എന്നാണർഥമെന്നും വിശദീകരിച്ച്​ സെയ്​ഫ്​ രംഗത്തെത്തുകയും ചെയ്​തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kareena KapoorSaif Ali KhanJehangirTaimur
News Summary - Kareena Kapoor Khan on Jehangir and Taimurs name controversy why somebody would troll children
Next Story