തൈമൂറിന്​ കൂട്ടായി കുഞ്ഞനിയൻ; താരദമ്പതികൾക്ക്​ ആശംസകളുമായി ബോളിവുഡ്​

ന്യൂഡൽഹി: ബോളിവുഡ്​ താരങ്ങളായ കരീന കപൂർ- സെയ്​ഫ്​ അലി ഖാൻ ദമ്പതികൾക്ക്​ രണ്ടാമത്തെ കുഞ്ഞ്​ പിറന്നു. മുംബൈയിലെ ബ്രിഡ്​ജ്​ കാൻഡി ആശുപത്രിയിൽ വെച്ചാണ്​​ കരീന ആൺകുഞ്ഞിന്​ ജന്മം നൽകിയത്​. താരദമ്പതികൾക്ക്​ ആശംസവുമായി നിരവധിപേരെത്തി.

മുത്തമകൻ തൈമൂറിന്​ കൂട്ടായി ഒരാൾ കൂടി വരുന്ന വിവരം കഴിഞ്ഞ ആഗസ്റ്റിലാണ്​ താരദമ്പതികൾ പുറത്തുവിട്ടത്​. താരകുടുംബം അടുത്തിടെ പുതിയ വീട്ടിലേക്ക്​ താമസം മാറിയിരുന്നു. ഏറെ നാളത്തെ പ്രണയത്തിനുശേഷം 2012ലായിരുന്നു ഇരുവരുടെയും വിവാഹം. 2016ലാണ്​ തൈമൂറിന്‍റെ ജനനം.

നിരവധി പേരാണ്​ ദമ്പതികൾക്ക്​ ആശംസയുമായെത്തിയത്​. ഇൻസ്റ്റഗ്രാമിലൂടെയും ട്വിറ്ററിലൂടെയും താരങ്ങളുടെ ചിത്രങ്ങൾ ​പങ്കുവെച്ചാണ്​ ആശംസകൾ.