സാമന്തയും നാഗചൈതന്യയും വേർപിരിയുന്നത്​ 'വിവാഹമോചന വിദഗ്​ധനു'മായി കൂട്ടുകൂടിയതോടെ; വിമർശനവുമായി കങ്കണ

മുംബൈ: തെന്നിന്ത്യൻ താരങ്ങളായ സാമന്ത രുദ്​ പ്രഭുവും നാഗചൈതന്യയും ​ഔദ്യോഗികമായി വിവാഹമോചനം അറിയിച്ചതോടെ ബോളിവുഡ്​ താരത്തെ കുറ്റ​െപ്പടുത്തി നടി കങ്കണ റണാവത്ത്​. ഇന്‍സ്റ്റഗ്രാം സ്​റ്റോറിയിലാണ്​ കങ്കണയുടെ കുറ്റപ്പെടുത്തൽ. നാഗചൈതന്യ ബോളിവുഡിലെ 'വിവാഹനമോചന വിദഗ്​ധനു'മായി അടുത്തിടപഴകി​യതാണ്​ വിവാഹബന്ധം വേർപ്പെടുത്താൻ കാരണമെന്നായിരുന്നു കങ്കണയുടെ പരാമർശം.

'ഈ തെക്കൻ നടൻ നാലുവർഷത്തെ വിവാഹബന്ധം ഉപേക്ഷിച്ച്​ പെട്ടന്ന്​ വിവാഹമോചനം തേടി. ഒരു പതിറ്റാണ്ടായുള്ള അവരുടെ ബന്ധം അവസാനിപ്പിക്കാൻ കാരണം സൂപ്പർ സ്റ്റാറായ '​േബാളിവുഡിലെ വിവാഹമോചന വിദഗ്​ധനായ' നടനുമായി പരിചയത്തിലായതേ​ാടെയാണ്​. നിരവധി സ്​ത്രീകളുടെയും കുട്ടികളുടെയും ജീവിതം നശിപ്പിച്ചു. ഞാൻ ആരെക്കുറിച്ചാണ്​ സംസാരിക്കുന്നതെന്ന്​ എല്ലാവർക്കും അറിയാം. അതിൽ ഒളിച്ചുവെക്കേണ്ട ഒന്നുമില്ല' -കങ്കണ കുറിച്ചു. കൂടാതെ വർധിച്ചുവരുന്ന വിവാഹമോചന കേസുകളിൽ കങ്കണ ആശങ്ക ​പ്രകടിപ്പിക്കുകയും ചെയ്​തു. വിവാഹമോചനത്തിന്​ കാരണം പുരുഷൻമാര​ാണെന്നും അവർ വേട്ടക്കാരും സ്​ത്രീകൾ പരിപാലിക്കുന്നവരാ​െണന്നും കങ്കണ കുറിച്ചു. കൂടാതെ വസ്​ത്രം മാറുന്നതുപോലെ സ്​ത്രീകളെ മാറ്റുന്നവരോട്​ ദയ കാണിക്കരുതെന്നും അവർ പറഞ്ഞു.

സാമന്തയും നാഗചൈതന്യയും വേർപിരിയുന്നുവെന്ന വിവരം ഔദ്യോഗികമായി ശനിയാഴ​്​ച സാമന്ത അറിയിച്ചിരുന്നു. സമൂഹമാധ്യമത്തിലെ കുറിപ്പിലാണ്​ താനും നാഗചൈതന്യയും ഭാര്യാ ഭർതൃ ബന്ധം ഉപേക്ഷിച്ച്​ വേറിട്ട വഴികളിലൂടെ സഞ്ചരിക്കാൻ തീരുമാനിച്ചതായി അറിയിച്ചത്​. നേരത്തേ തെലുങ്ക് മാധ്യമങ്ങൾ താരങ്ങളുടെ വിവാഹമോചനം സംബന്ധിച്ച വാർത്തകൾ നൽകിയിരുന്നു. നടപടിക്രമങ്ങളുടെ ഭാഗമായി ഇരുവരും കുടുംബകോടതിയെ സമീപിച്ചിട്ടുണ്ടെന്നും റിപ്പോര്‍ട്ടുണ്ടായിരുന്നു. എന്നാൽ സാമന്ത ഇത്​ നിഷേധിക്കുകയായിരുന്നു. 2017ലായിരുന്നു ഇരുവരു​ടേയും വിവാഹം.

ഞങ്ങളുടെ എല്ലാ അഭ്യുദയകാംക്ഷികൾക്കും, ഒരുപാട് ആലോചനകൾക്കും ചിന്തകൾക്കും ശേഷം ഞാനും ഭർത്താവും സ്വന്തം വഴികൾ പിന്തുടരാൻ തീരുമാനിച്ചു. ഞങ്ങൾക്കിടയിൽ 10 വർഷത്തെ സുഹൃദ്​ബന്ധമാണുള്ളത്​. അതായിരുന്നു ഞങ്ങളുടെ ബന്ധത്തി​െൻറ ശക്​തിയും. അത്​ എപ്പോഴും നിലനിൽക്കുമെന്ന് ഞങ്ങൾ വിശ്വസിക്കുന്നു-സാമന്ത ഇൻസ്​റ്റഗ്രാമിൽ കുറിച്ചു.

ആരാധകരോടും അഭ്യുദയകാംക്ഷികളോടും മാധ്യമങ്ങളോടും ബുദ്ധിമുട്ടുള്ള ഇൗ സമയത്ത് ഞങ്ങളെ പിന്തുണയ്ക്കാനും മുന്നോട്ട് പോകാൻ ആവശ്യമായ സ്വകാര്യത നൽകാനും അഭ്യർഥിക്കുന്നു. നിങ്ങളുടെ പിന്തുണയ്ക്ക് നന്ദിയെന്നും സാമന്ത പറഞ്ഞു.