'പച്ചയായ മനുഷ്യൻ'! മമ്മൂട്ടിയോട് നന്ദി പറഞ്ഞ് ജൂഡ് ആന്തണി
text_fieldsജൂഡ് ആന്തണി ജോസഫ് സംവിധാനം ചെയ്ത '2018' മികച്ച പ്രേക്ഷക സ്വീകാര്യത നേടി തിയറ്ററുകളിൽ പ്രദർശനം തുടരുകയാണ്. മേയ് 5 ന് റിലീസ് ചെയ്ത ചിത്രം ആഗോളതലത്തിൽ 150 കോടി നേടിയിട്ടുണ്ട്. പ്രദർശനത്തിനെത്തിയ എല്ലാ കേന്ദ്രങ്ങളിൽ നിന്നും നല്ല അഭിപ്രായമാണ് ചിത്രത്തിന് ലഭിക്കുന്നത്.
ഇപ്പോഴിതാ മമ്മൂട്ടിക്ക് നന്ദി പറഞ്ഞ് സംവിധായകൻ ജൂഡ് ആന്തണി രംഗത്ത് എത്തിയിരിക്കുകയാണ്. ആകാശത്തല്ലാതെ ഈ ഭൂമിയില് ജനിച്ച ഒരേ ഒരു താരം എന്നാണ് മെഗാസ്റ്റാറിനെപ്പറ്റി പറഞ്ഞിരിക്കുന്നത്. ഫേസ്ബുക്കിൽ കുറിച്ച ജൂഡിന്റെ വാക്കുകൾ വൈറലായിട്ടുണ്ട്.
'ആകാശത്തല്ലാതെ ഈ ഭൂമിയിൽ ജനിച്ച ഒരേ ഒരു താരം. പച്ചയായ മനുഷ്യൻ , നന്ദി മമ്മൂക്ക ഈ സ്നേഹത്തിനു ചേർത്തു നിർത്തലിന്, നല്ല വാക്കുകൾക്ക്'; മെഗാസ്റ്റാറിനോടൊപ്പമുള്ള ചിത്രത്തിനൊപ്പം ജൂഡ് കുറിച്ചു.
മമ്മൂട്ടിയുടെ ജീവിതം സിനിമാക്കാനുള്ള ആഗ്രഹം ജൂഡ് ഒരു അഭിമുഖത്തിൽ വ്യക്തമാക്കിയിരുന്നു. എന്നാൽ അതിന് മമ്മൂട്ടി സമ്മതിക്കുന്നില്ലെന്നും എന്നെങ്കിലും അദ്ദേഹം സമ്മതം മൂളിയാല് സിനിമ സംഭവിക്കുമെന്നാണ് ജൂഡ് പറഞ്ഞത്
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.