Top
Begin typing your search above and press return to search.
keyboard_arrow_down
Login
exit_to_app
exit_to_app
ഡിലീറ്റ്​ ​ചെയ്യും, ആവർത്തിച്ചാൽ ബ്ലോക്ക്​ ചെയ്യും -മാനസികാരോഗ്യ പോസ്​റ്റിൽ വിദ്വേഷ കമൻറിട്ടവർക്കെതിരെ ഇറ ഖാൻ
cancel
Homechevron_rightEntertainmentchevron_rightCelebritieschevron_rightഡിലീറ്റ്​ ​ചെയ്യും,...

'ഡിലീറ്റ്​ ​ചെയ്യും, ആവർത്തിച്ചാൽ ബ്ലോക്ക്​ ചെയ്യും' -മാനസികാരോഗ്യ പോസ്​റ്റിൽ വിദ്വേഷ കമൻറിട്ടവർക്കെതിരെ ഇറ ഖാൻ

text_fields
bookmark_border

മുംബൈ: താൻ വിഷാദ രോഗിയാണെന്ന ഇൻസ്​റ്റഗ്രാം പോസ്​റ്റിന്​ കീഴിൽ വിദ്വേഷ കമൻറുകളും ട്രോളുകളുമായി എത്തിയവർക്ക്​ മറുപടിയുമായി ബോളിവുഡ്​ താരം ആമിർ ഖാ​െൻറ മകൾ ഇറ ഖാൻ. മാനസികാരോഗ്യം വെളിപ്പെടുത്തിയ പോസ്​റ്റിന്​ കീഴിൽ വിദ്വേഷ കമൻറിട്ടാൽ ഡിലീറ്റ്​ ​ചെയ്യും വീണ്ടും കമൻറ്​ ചെയ്യുകയാണെങ്കിൽ ബ്ലോക്ക്​ ചെയ്യുമെന്ന്​ പുതിയ ഇൻസ്​റ്റഗ്രാം സ്​റ്റോറിയിൽ താരം കുറിച്ചു.


മാനസികാരോഗ്യ ദിനത്തിൽ താൻ നാലുവർഷമായി വിഷാദരോഗിയാണെന്നും ചികിത്സ തേടിക്കൊണ്ടിരിക്കുകയാണെന്നും ഇൻസ്​റ്റഗ്രാം വിഡിയോയിലൂടെ വെളിപ്പെടുത്തിയിരുന്നു. പോസ്​റ്റിന്​ കീഴിയിൽ നിരവധിപേർ ഇറയെ പിന്തുണച്ചും അനുകമ്പ പ്രകടിപ്പിച്ചും എത്തി. എന്നാൽ ചിലർ ട്രോളുകളും വിദ്വേഷ കമൻറുകളുമായി എത്തുകയായിരുന്നു.

വെള്ളിയാഴ്​ച ഇൻസ്​റ്റഗ്രാം സ്​റ്റോറിയിൽ ഇറ ഒരു വോ​െട്ടടുപ്പ്​ നടത്തിയിരുന്നു. മാനസികാരോഗ്യം വെളിപ്പെടുത്തിയ സ്​റ്റാറിയിൽ വിദ്വേഷ കമൻറുമായി എത്തിയാൽ ഡിലീറ്റ്​ ചെയ്യുമെന്നായിരുന്നു. അതിൽ 56 ശതമാനം പേർ ഡിലീറ്റ്​ ചെയ്യണമെന്ന അഭിപ്രായവുമായി രംഗത്തെത്തിയിരുന്നു.

ഒക്​ടോബർ പത്തിനാണ്​ ഇൻസ്​റ്റഗ്രാമിൽ പോസ്​റ്റ്​ ചെയ്​ത വിഡിയോയിലൂടെ ഇറ ഖാൻ ത​െൻറ മാനസിക ആരോഗ്യത്തെപറ്റി വെളിപ്പെടുത്തിയത്​. 'നാലുവർഷത്തിൽ അധികമായി ഞാൻ വിഷാദരോഗിയാണ്​. ഡോക്​ടറെ കണ്ട്​ ചികിത്സ തേടുന്നുണ്ട്​. ഇപ്പോൾ വളരെയധികം മെച്ചപ്പെട്ടു. ഒരു വർഷത്തോളമായി മാനസികാരോഗ്യത്തിനായി എന്തു​െചയ്യണ​മെന്ന്​ ആലോചിക്കുന്നു. പക്ഷേ എന്തുചെയ്യണമെന്ന്​ അറിയില്ല. വിഷാദ​ത്തിലൂടെയുള്ള യാത്രയിൽ നിങ്ങളെയും കൂടെക്കൂട്ടാൻ തീരുമാനിച്ചിട്ടുണ്ട്​' -ഇറ ഇൻസ്​റ്റഗ്രാമിൽ പോസ്​റ്റ്​ ​ചെയ്​ത വിഡിയോയിൽ പറയുന്നു.

ആമിർ ഖാന്​ ആദ്യ ഭാര്യ റീമ ദത്തയിലുണ്ടായ മകളാണ്​ ഇറ. സംവിധായക എന്ന നിലയിൽ പ്രശസ്​തയാണ്​ ഇറ ഖാൻ.

Show Full Article
TAGS:Ira Khan mental health Bollywood 
Web Title - Ira Khan warns trolls hateful comments on mental health post
Next Story