Begin typing your search above and press return to search.
exit_to_app
exit_to_app
Nora Fatehi
cancel
Homechevron_rightEntertainmentchevron_rightCelebritieschevron_right200 കോടിയുടെ...

200 കോടിയുടെ തട്ടിപ്പ്​; നോറ ഫത്തേഹിക്ക്​ ആഡംബര കാർ സമ്മാനിച്ചത്​​ സുകേഷെന്ന്​ സൂചന

text_fields
bookmark_border

മുംബൈ: കനേഡിയൻ നർത്തകിയും ബോളിവുഡ്​ താരവുമായ നോറ ഫത്തേഹിക്ക്​ ബി.എം.ഡബ്ല്യൂ കാർ സമ്മാനിച്ചത്​ 200 കോടിയുടെ തട്ടിപ്പുകേസിലെ പ്രതിയായ സുകേഷ്​ ചന്ദ്രശേഖരാണെന്ന് സംശയത്തിൽ എൻഫോഴ്​സ്​മെന്‍റ്​ ഡയറക്​ടറേറ്റ്​. കേസുമായി ബന്ധപ്പെട്ട്​ നോറയെ ഇ.ഡി ഒക്​ടോബർ ഏഴിന്​ ചോദ്യം ചെയ്​തിരുന്നു. സുകേഷ്​ ചന്ദ്രശേഖറിനെ ചോദ്യം ചെയ്​തതിൽനിന്നാണ്​​ നോറക്ക്​ കാർ നൽകിയ വിവരം പുറത്തായതെന്നാണ്​ വിവരം.

സുകേഷിന്‍റെ ഭാര്യയും നടിയുമായ ലീന മരിയ പോൾ ഒരു​ പരിപാടിക്ക്​ ക്ഷണിച്ചതായി നോറ ഇ.ഡിയോട്​ പറഞ്ഞിരുന്നു. ചെന്നെയിൽ 2020 ഡിസംബറിലായിരുന്നു പരിപാടി. മുംബൈ ഷോറൂമിൽനിന്ന്​ കാർ നോറ കാർ സ്വീകരിക്കുന്നതിന്‍റെ ദൃശ്യങ്ങൾ ഇന്ത്യ ടുഡെ പുറത്തുവിട്ടിരുന്നു. താൻ കള്ളപ്പണം വെളുപ്പിക്കലിന്‍റെ ഭാഗമല്ലെന്ന്​​ നോറ ഫത്തേഹി ഒക്​ടോബർ 15ന് പ്രസ്​താവന​ പുറത്തിറക്കിയിരുന്നു.

ഫാർമസ്യൂട്ടിക്കൽ കമ്പനിയായ റാൻബാക്സിയുടെ പ്രൊമോട്ടർമാരായ ശിവിന്ദർ സിങ്, മൽവീന്ദർ സിങ് എന്നിവരുടെ കുടുംബത്തിൽ നിന്നാണ് സുകേഷ് ചന്ദ്രശേഖർ 200 കോടി തട്ടാന്‍ ശ്രമിച്ചത്. കേസിലെ പ്രതികളാണ്​ സുകേഷും ലീനയും. ശിവിന്ദർ സിങ്ങിന്‍റെ ഭാര്യ അതിഥി സിങ്​ നൽകിയ പരാതിയിലാണ്​ ഡൽഹി പൊലീസ്​ ഇരുവരെയും അറസ്റ്റ്​ ചെയ്​തത്​.

ഇതേകേസിൽ ബോളിവുഡ്​ നടിയായ ജാക്വിലിൻ ഫെർണാണ്ടസിനെയും ഇ.ഡി ചോദ്യം ചെയ്​തിരുന്നു. സുകേഷ് ചന്ദ്രശേഖറും ജാക്വിലിനും നോറ ഫത്തേഹിയും തമ്മിൽ എന്തെങ്കിലും സാമ്പത്തിക ഇടപാട് നടന്നിട്ടുണ്ടോ എന്നാണ് ഏജൻസി അന്വേഷിക്കുന്നത്.

തട്ടിപ്പു നടത്തിയ ശേഷം ആഡംബര ജീവിതമാണ് സുകേഷ്​ നയിച്ചിരുന്നത്. ഇയാളുടെ 16 ലക്ഷ്വറി കാറുകളും കടലിനോട് അഭിമുഖമായ ബീച്ച് ബംഗ്ലാവും ഈയിടെ അന്വേഷണ സംഘം കണ്ടു കെട്ടിയിരുന്നു. ആന്ധ്ര, കേരളം, തമിഴ്നാട് എന്നിവിടങ്ങളിലെല്ലാം ഇയാളുടെ പേരിൽ വഞ്ചനാ കേസുകളുണ്ട്.

Show Full Article
TAGS:money laundering case Sukesh Chandrasekhar Nora Fatehi jacqueline fernandez 
News Summary - ED suspects conman Sukesh Chandrasekhar gifted luxury car to Nora Fatehi
Next Story