ആരോപണ വിധേയർ മത്സരിക്കുന്നുണ്ടെങ്കിൽ അമ്മയിലെ അംഗങ്ങൾക്ക് വോട്ട് ചെയ്ത് തോൽപ്പിക്കാൻ അവകാശമുണ്ട് -ദേവൻ

കൊ​ച്ചി: ‘അ​മ്മ’ ഭാ​ര​വാ​ഹി തെ​ര​ഞ്ഞെ​ടു​പ്പി​ൽ മ​ത്സ​ര​ത്തി​ൽ ഉ​റ​ച്ചു നി​ൽ​ക്കു​ന്ന​താ​യി ന​ട​ൻ ദേ​വ​ൻ. മോ​ഹ​ൻ​ലാ​ൽ മാ​റി​നി​ൽ​ക്കു​ന്ന സാ​ഹ​ച​ര്യ​ത്തി​ൽ പ്ര​സി​ഡ​ൻ​റ് സ്ഥാ​ന​ത്തേ​ക്കാ​ണ് മ​ത്സ​രി​ക്കു​ന്ന​ത്. പൊ​രു​താ​നാ​ണ് തീ​രു​മാ​ന​മെ​ന്നും ജ​യ​പ​രാ​ജ​യ​ങ്ങ​ൾ ര​ണ്ടാ​മ​താ​ണെ​ന്നും അ​ദ്ദേ​ഹം കൊച്ചിയില്‍ നടത്തിയ വാര്‍ത്താ സമ്മേളനത്തില്‍ പ​റ​ഞ്ഞു.

ജ​ഗ​ദീ​ഷ് പി​ന്മാ​റു​ന്നു​വെ​ന്ന വാ​ർ​ത്ത ക​ണ്ടു, അ​ത് അ​ദ്ദേ​ഹ​ത്തി​ന്‍റെ വ്യ​ക്തി​പ​ര​മാ​യ കാ​ര്യം. 80 ശ​ത​മാ​നം അം​ഗ​ങ്ങ​ളു​മാ​യി സം​സാ​രി​ച്ചു. എ​ല്ലാ​വ​രും താ​ൻ മ​ത്സ​രി​ക്കു​ന്ന​തി​ൽ താ​ൽ​പ​ര്യം അ​റി​യി​ച്ചി​ട്ടു​ണ്ട്. ആരോപണ വിധേയർ മത്സരിക്കുന്നുണ്ടെങ്കിൽ അമ്മയിലെ അംഗങ്ങൾക്ക് വോട്ട് ചെയ്ത് തോൽപ്പിക്കാൻ അവകാശമുണ്ട്. ദിലീപിനെ നിയമം പോലും നോക്കാതെ ആണ് പുറത്താക്കിയത്. പ്രഫഷനൽ ബന്ധം കൊണ്ട് അധികാരം ലഭിക്കില്ല. സിദ്ദിഖ് ആരോപണം വന്ന ഉടൻ രാജിവെച്ചു. ഇടവേള ബാബു, വിജയ് ബാബു എന്നിവരും രാജിവെച്ചു.

ജഗദീഷ് മാറികൊടുക്കുന്ന സ്ഥാനത്ത് ശ്വേത മേനോൻ വന്നാൽ അത് ശ്വേത മേനോനു നാണക്കേട് ആണ്. പുരുഷന്മാർ മാറി നൽകുന്ന സ്ഥാനത്തല്ല സ്ത്രീകൾ വരേണ്ടത്. വാ​ർ​ത്ത​സ​മ്മേ​ള​ന​ത്തി​ന് ഒ​പ്പം​ വ​രാ​മെ​ന്ന് ഏ​റ്റ ചി​ല​ർ അ​വ​സാ​ന​നി​മി​ഷം പി​ന്മാ​റി. മാ​ധ്യ​മ​ങ്ങ​ളെ കാ​ണ​രു​തെ​ന്ന് ആ​രോ ആ​വ​ശ്യ​പ്പെ​ട്ടെ​ന്നാ​ണ് പ​റ​യു​ന്ന​ത്.

അ​മ്മ സ്വ​കാ​ര്യ പ്ര​സ്ഥാ​ന​മാ​ണെ​ന്നും അ​വി​ട​ത്തെ കാ​ര്യ​ങ്ങ​ൾ ജ​ന​ങ്ങ​ൾ അ​റി​യേ​ണ്ട​ത​ല്ലെ​ന്നു​മാ​ണ് അ​വ​രു​ടെ നി​ല​പാ​ട്. എ​ന്നാ​ൽ, ത​ങ്ങ​ൾ ഇ​വി​ടെ ഇ​രി​ക്കു​ന്ന​തി​ന് കാ​ര​ണം ജ​ന​ങ്ങ​ളാ​ണ്. അ​തി​നാ​ൽ അ​മ്മ​യി​ലെ കാ​ര്യ​ങ്ങ​ൾ ജ​ന​ങ്ങ​ൾ അ​റി​യേ​ണ്ട​താ​ണ്. അ​വ​രി​ലേ​ക്ക് വി​വ​ര​ങ്ങ​ളെ​ത്തി​ക്കു​ന്ന​ത് മാ​ധ്യ​മ​ങ്ങ​ളാ​ണ്. അ​തി​നു​ള്ള ത​ന്‍റെ അ​വ​കാ​ശം ത​ട​യാ​നാ​കി​ല്ല. ഇ​തി​ന്‍റെ പേ​രി​ൽ നോ​മി​നേ​ഷ​ൻ റ​ദ്ദാ​ക്കു​ന്ന സാ​ഹ​ച​ര്യ​മു​ണ്ടാ​യാ​ൽ നി​യ​മ​പ​ര​മാ​യി നേ​രി​ടും ദേ​വ​ൻ പ​റ​ഞ്ഞു.