Begin typing your search above and press return to search.
exit_to_app
exit_to_app
shilpa shetty and raj kundra
cancel
Homechevron_rightEntertainmentchevron_rightCelebritieschevron_rightമാധ്യമ...

മാധ്യമ റിപ്പോർട്ടുകൾക്കെതിരെ ശിൽപ ഷെട്ടിയുടെ ഹരജി; കുട്ടികളുടെ കാര്യത്തിൽ ആശങ്കയെന്ന്​ കോടതി

text_fields
bookmark_border

മുംബൈ: നീലചിത്ര നിർമാണ കേസുമായി ബന്ധ​െപ്പട്ട്​ ഭർത്താവ്​ രാജ്​ കുന്ദ്ര അറസ്റ്റിലായതിന്​ പിന്നാലെ അപകീർത്തികരമായ ലേഖനങ്ങളും വിഡിയോകളും പ്രസിദ്ധീകരിച്ച മാധ്യമങ്ങൾക്കെതിരെ ശിൽപ ഷെട്ടി കോടതിയിൽ. ശിൽപ ഷെട്ടിയുടെ മക്കളുടെ സ്വകാര്യതയിലും സുരക്ഷയിലും കോടതി ആശങ്ക രേഖപ്പെടുത്തുകയും ചെയ്​തു. ശിൽപ ഷെട്ടിയുടെ ഹരജി പരിഗണിക്കുകയായിരുന്നു ബോംബെ കോടതി.

നീലചിത്ര നിർമാണ വിതരണ കേസിൽ ജൂലൈയിലാണ്​ രാജ്​ കുന്ദ്ര അറസ്റ്റിലാകുന്നത്​. സെപ്​റ്റംബർ 20ന്​ കോടതി ജാമ്യം അനുവദിച്ചിരുന്നു. 'ശിൽപ ഷെട്ടിയെക്കുറിച്ച്​ എനിക്ക്​ ആശങ്കയില്ല. അവർ സ്വയം ​കാര്യങ്ങൾ കൈകാര്യം ​െചയ്യും. അവരുടെ പ്രായപൂർത്തിയാകാത്ത കുട്ടികളെക്കുറിച്ചാണ്​ കൂടുതൽ ആശങ്ക. കുട്ടികളുടെ വ്യക്തിജീവിതത്തെക്കുറിച്ചുള്ള മാധ്യമറിപ്പോർട്ടുകൾ ആശങ്കയുയർത്തുന്നു' -ജസ്റ്റിഡ്​ ഗൗതം പ​േട്ടൽ പറഞ്ഞു.

രാജ്​ കുന്ദ്രയുടെ അറസ്റ്റിന്​ ശേഷം മാധ്യമങ്ങളുടെ പ്രധാന​ശ്രദ്ധാകേന്ദ്രമായിരുന്നു ശിൽപ ഷെട്ടിയും കുട്ടികളും. കു​ട്ടികളുടെ ഉൾപ്പെടെ വ്യക്തിജീവിതത്തെ മാനിക്കാത്തതായിരുന്നു ഈ മാധ്യമ റി​േപ്പാർട്ടുകളെന്നും ശിൽപയുടെ പരാതിയിൽ പറയുന്നു.

അതേസമയം മാധ്യമ റിപ്പോർട്ടുകൾ വില​ക്കണമെന്ന ശിൽപയുടെ ആവശ്യം കോടതി നിരസിച്ചു. എങ്കിലും മൂന്ന്​ സ്വകാര്യവ്യക്തികൾ യുട്യൂബിൽ അപ്​ലോഡ്​ ചെയ്​ത വിഡിയോകൾ നീക്കം ചെയ്യണമെന്നും വീണ്ടും അപ്​ലോഡ്​ ചെയ്യരുതെന്നും കോടതി നിർ​േദശിച്ചു. സ്വകാര്യ ​​വ്ലോഗർമാരെയും ബ്ലോഗർമാരെയും മാധ്യമ സ്​ഥാപനങ്ങളെയും കോടതി തരംതിരിച്ച്​ ചൂണ്ടിക്കാട്ടുകയും ചെയ്​തു. പരമ്പരാഗത മാധ്യമങ്ങൾ യുക്തിസഹമായ ഉപദേശങ്ങൾ സ്വീകരിക്കും. എന്നാൽ ​ബ്ലോഗർമാരെക്കുറിച്ച്​ അങ്ങനെ പറയാൻ കഴിയില്ലെന്നായിരുന്നു കോടതിയുടെ പരാമർശം.

തുടർന്ന്​ ശിൽപ ഷെട്ടിയുടെ അഭിഭാഷക സംഘത്തോട്​ സ്വകാര്യ വ്ലോഗർമാർ/​േബ്ലാഗർമാർ എന്നിവരെയ​ും പരമ്പരാഗത മാധ്യമങ്ങളെയും രണ്ടായി കാണണമെന്നും കോടതി നിർദേശിച്ചു. കേസ്​ ഒക്​ടോബർ ഒന്നിന്​ വീണ്ടും പരിഗണിക്കും.

Show Full Article
TAGS:porn racket case Shilpa Shetty Raj Kundra Bombay High Court 
News Summary - Bombay High Court concern about the privacy and safety of children Shilpa Shetty plea against media
Next Story