ഷൂട്ടിങ് കഴിഞ്ഞ് മടങ്ങുന്നതിനിടെ നടി സുചന്ദ്ര ദാസ്​ ഗുപ്ത അപകടത്തിൽ മരിച്ചു

ബംഗാളി നടി സുചന്ദ്ര ദാസ്​ ഗുപ്ത വാഹനാപകടത്തിൽ മരിച്ചു. 29 വയസ്സായിരുന്നു. ഷൂട്ടിങ്ങിനുശേഷം ബൈക്കിൽ മടങ്ങുന്നതിനിടെ കൊൽക്കത്തയിലെ ബാരാന​ഗറിൽ വെച്ചായിരുന്നു അപകടം. സംഭവസ്ഥലത്ത് വെച്ചുതന്നെ മരണം സംഭവിച്ചു.

എതിരെ വന്ന ബൈക്കുമായി കൂട്ടിയിടിക്കാതിരിക്കാനായി ബ്രേക്കിട്ടപ്പോൾ റോഡിലേക്ക് തെറിച്ച് വീഴുകയായിരുന്നു. ഈ സമയം വന്ന ട്രക്ക് നടിയുടെ ശരീരത്തിലൂടെ കയറിയിറങ്ങി.

​'ഗൗരി എലോ' അടക്കം നിരവധി സീരിയലുകളിൽ ശ്രദ്ധേയ വേഷങ്ങൾ ചെയ്തിട്ടുണ്ട് സുചന്ദ്ര ദാസ്. നിരവധി ബംഗാളി ടെലിവിഷൻ ഷോകളുടെയും ഭാഗമായിരുന്നു.

ദേബ്ജ്യോതി സെൻഗുപ്തയാണ് ഭർത്താവ്.