'ആര്യ 3'യിൽ അല്ലു അർജുന് പകരം നായകനാവുന്നത് ഈ യുവ നടനോ?

തെന്നിന്ത്യൻ സിനിമയിൽ ഏറെ ആഘോഷിക്കപ്പെട്ട ചിത്രമാണ് ആര്യ. കാരണം മൂന്ന് പേരുടെ കരിയറിനാണ് ഈ സിനിമ കാരണം തുടക്കമായത്. ആര്യയുടെ സംവിധായകനായ സുകുമാർ പുഷ്പ സംവിധാനം ചെയ്തു. നിർമാതാവ് ദിൽ രാജു ആര്യയിലൂടെയാണ് ശ്രദ്ധിക്കപ്പെട്ടത്. 50ലധികം ചിത്രങ്ങൾ ദിൽ രാജു നിർമിച്ചിട്ടുണ്ട്.

ആര്യയുടെ വൻ വിജയത്തിനുശേഷം സുകുമാർ അല്ലു അർജുനെ നായകനാക്കി ആര്യ 2 നിർമിച്ചു. അതും വൻ വിജയമായി. ദിവസങ്ങൾക്ക് മുമ്പ് ദിൽ രാജുവും അദ്ദേഹത്തിന്‍റെ കമ്പനിയും ഫിലിം ചേംബറിൽ ആര്യ 3 രജിസ്റ്റർ ചെയ്തു. ഇത് വലിയ കോളിളക്കം സൃഷ്ടിച്ചു. പുഷ്പ കോംബോ വീണ്ടും ഒന്നിക്കാൻ പോകുന്നുവെന്ന് അഭ്യൂഹങ്ങൾ പ്രചരിക്കാൻ തുടങ്ങി.

എന്നാൽ ആര്യ 3യിൽ അല്ലു അർജുൻ ഉണ്ടാകില്ല. മറിച്ച് നിർമാതാവ് ദിൽ രാജുവിന്‍റെ അനന്തരവൻ ആശിഷ് റെഡ്ഡിയാണ് പ്രധാന വേഷത്തിൽ അഭിനയിക്കുക എന്നതാണ് ലഭിക്കുന്ന റിപ്പോർട്ടുകൾ. ആശിഷ് ഇതുവരെ രണ്ട് ചിത്രങ്ങൾ ചെയ്തിട്ടുണ്ട്. അതിൽ ഒന്നായ റൗഡി ബോക്സ് ഓഫീസ് ഹിറ്റായിരുന്നു. ദിൽ രാജു അനന്തരവനൊപ്പമാണ് ആര്യ 3 നിർമിക്കുന്നത്. അല്ലു അർജുൻ ഈ പടത്തിൽ ഉണ്ടാവില്ല. അല്ലു അർജുൻ ഇപ്പോൾ വളരെ പക്വതയുള്ളവനാണെന്നും ഫ്രാഞ്ചൈസി പ്രായം കുറഞ്ഞ നായകനെയാണ് നിലനിർത്തുന്നത് തുടരുന്നതെന്നും അടുത്ത വൃത്തങ്ങൾ വെളിപ്പെടുത്തുന്നു.