എ.ആർ. റഹ്മാൻ ആശുപത്രി വിട്ടു; അസ്വസ്ഥതക്ക് കാരണം നോമ്പെടുത്തതിനെ തുടർന്നുണ്ടായ നിർജലീകരണം

ചെന്നൈ: ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ച സംഗീത സംവിധായകൻ എ.ആർ. റഹ്മാൻ ആശുപത്രി വിട്ടു. റമദാൻ വ്രതം മൂലം ശരീരത്തിൽ നിർജലീകരണം സംഭവിച്ചതാണ് കാരണമെന്ന് ഡോക്ടർമാർ സ്ഥിരീകരിച്ചതായി അദ്ദേഹവുമായി അടുത്ത വൃത്തങ്ങൾ പ്രതികരിച്ചിരുന്നു. ഇക്കാര്യം സ്ഥിരീകരിക്കുന്ന മെഡിക്കൽ ബുള്ളറ്റിൻ അപ്പോളോ ആശുപത്രി പുറത്തുവിട്ടിട്ടുണ്ട്.

ലണ്ടനിൽ നിന്ന് മടങ്ങിയെത്തിയതിനു പിന്നാലെയാണ് റഹ്മാൻ ആശുപത്രിയിൽ പരിശോധനക്ക് പോയത്. പതിവ് പരിശോധനകൾക്ക് ശേഷം അദ്ദേഹത്തെ ഡിസ്ചാർജ് ചെയ്യുകയായിരുന്നു. നേരത്തെ നെഞ്ച് വേദനയെ തുടർന്നാണ് റഹ്മാനെ ആശുപത്രിയിൽ പ്രവേശിപ്പിച്ചതെന്നും ആൻജിയോഗ്രാം ചെയ്യുമെന്നും റിപ്പോർട്ടുകൾ പുറത്തുവന്നിരുന്നു. എന്നാൽ ബന്ധുക്കൾ ഇക്കാര്യം നിഷേധിച്ചു.

റഹ്മാന്‍റെ ആരോഗ്യനില സംബന്ധിച്ച് ഡോക്ടർമാരുമായി സംസാരിച്ചിരുന്നുവെന്ന് തമിഴ്നാട് മുഖ്യമന്ത്രി എം.കെ. സ്റ്റാലിൻ പ്രതികരിച്ചിരുന്നു. അദ്ദേഹത്തിനു കുഴപ്പമൊന്നുമില്ലെന്ന് ഡോക്ടർമാർ അറിയിച്ചെന്നും വൈകാതെ വീട്ടിലേക്ക് മടങ്ങുമെന്നും സ്റാറലിൻ സമൂഹമാധ്യമത്തിലെ കുറിപ്പിൽ വ്യക്തമാക്കി. ഓസ്കർ ജേതാവ് കൂടിയായ റഹ്മാൻ നിലവിൽ ‘ലാഹോർ 1947’, ‘തഗ് ലൈഫ്’, തേരെ ഇഷ്ക് മേം’ തുടങ്ങിയ ചിത്രങ്ങളുടെ പണിപ്പുരയിലാണ്.

കഴിഞ്ഞ ആഴ്ചയാണ് എ.ആർ റഹ്മാന്റെ മുൻ ഭാര്യ സൈറ ബാനുവിനെ മെഡിക്കൽ എമർജൻസി കാരണം ആശുപത്രിയിൽ പ്രവേശിപ്പിച്ചത്. തുടർന്ന് ശസ്ത്രക്രിയക്ക് വിധേയയാക്കേണ്ടി വന്നു. അവരുടെ അഭിഭാഷക വന്ദന ഷായാണ് ഇതു സംബന്ധിച്ച വാർത്ത പങ്കുവെച്ചത്. 29 വർഷത്തെ ദാമ്പത്യ ജീവിതത്തിനു ശേഷം കഴിഞ്ഞ നവംബർ 19നാണ് സൈറ ബാനുവും എ.ആർ. റഹ്മാനും വേർപിരിഞ്ഞത്.

ഇ​തി​നി​ടെ, വേ​റി​ട്ടു ക​ഴി​യു​ന്ന റ​ഹ്മാ​ന്റെ പ​ത്നി സൈ​റ ബാ​നു, ഭ​ർ​ത്താ​വ് സു​ഖ​മാ​യി ഇ​രി​ക്കു​ന്നു​വെ​ന്ന് പ​റ​ഞ്ഞ് ഓ​ഡി​യോ സ​ന്ദേ​ശം പു​റ​ത്തു​വി​ട്ടു. ‘‘അ​സ്സ​ലാ​മു അ​ലൈ​ക്കും, അ​​ദ്ദേ​ഹ​ത്തി​ന് രോ​ഗ​ശാ​ന്തി നേ​രു​ന്നു. നെ​ഞ്ചു​വേ​ദ​ന​യെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. ആ​ൻ​ജി​യോ​ഗ്രാം ചെ​യ്ത​തി​ൽ പ്ര​ശ്ന​ങ്ങ​ളൊ​ന്നും ക​ണ്ടെ​ത്തി​യി​ല്ല. അ​ല്ലാ​ഹു​വി​ന്റെ അ​നു​ഗ്ര​ഹ​ത്താ​ൽ ഇ​പ്പോ​ൾ അ​ദ്ദേ​ഹം സു​ഖ​മാ​യി​രി​ക്കു​ന്നു.

മ​റ്റൊ​രു കാ​ര്യം എ​നി​ക്ക് ഓ​ർ​മി​പ്പി​ക്കാ​നു​ള്ള​ത്, ഞ​ങ്ങ​ൾ ഔ​ദ്യോ​ഗി​ക​മാ​യി വേ​ർ​പി​രി​ഞ്ഞി​ട്ടി​ല്ല എന്നാണ്. ഇ​പ്പോ​ഴും ഭാ​ര്യാ​ഭ​ർ​ത്താ​ക്ക​ന്മാ​രാ​ണ്. ര​ണ്ടു വ​ർ​ഷ​മാ​യി എ​നി​ക്ക് സു​ഖ​മി​ല്ലാ​തി​രു​ന്ന​തി​നാ​ലും അ​ദ്ദേ​ഹ​ത്തി​ന് അ​മി​ത സ​മ്മ​ർ​ദം ന​ൽ​കേ​ണ്ട എ​ന്നു ക​രു​തി​യ​തി​നാ​ലും വേ​റെ താ​മ​സി​ക്കു​ക​യാ​ണ്. അ​ദ്ദേ​ഹ​ത്തി​നു വേ​ണ്ടി എ​ന്നു​മെ​ന്റെ പ്രാ​ർ​ഥ​ന​യു​ണ്ടാ​കും. അ​തു​കൊ​ണ്ട് ആ​രു​മെ​ന്നെ റ​ഹ്മാ​ന്റെ മു​ൻ ഭാ​ര്യ എ​ന്നു വി​ളി​ക്ക​രു​ത്. അ​ദ്ദേ​ഹ​ത്തി​ന്റെ കു​ടും​ബ​ത്തോ​ടും എ​നി​ക്ക് പ​റ​യാ​നു​ള്ള​ത് അ​ദ്ദേ​ഹ​ത്തി​ന് അ​മി​ത സ​മ്മ​ർ​ദം ഏ​ൽ​പിക്ക​രു​ത് എ​ന്നാ​ണ്. ന​ന്ദി, അ​ല്ലാ ഹാ​ഫി​സ്’’ -സൈ​റ ബാ​നു പ​റ​യു​ന്നു.

പി​​താ​​വ് സു​​ഖ​​മാ​​യി​​രി​​ക്കു​​ന്ന​​താ​​യി റ​​ഹ്മാ​​ന്റെ മ​​ക​​ൻ അ​​മീ​​നും സ​​മൂ​​ഹമാ​​ധ്യ​​മ​​ത്തി​​ലൂ​​ടെ അ​​റി​​യി​​ച്ചു. നെ​​ഞ്ചു​​വേ​​ദ​​ന അ​​നു​​ഭ​​വ​​പ്പെ​​ട്ട​​തി​​നെ തു​​ട​​ർ​​ന്ന് ആ​​ശു​​പ​​ത്രി​​യി​​ൽ പ്ര​​വേ​​ശി​​പ്പി​​ക്ക​​പ്പെ​​ട്ട​​താ​​യാ​​ണ് ആ​​ദ്യം വാ​​ർ​​ത്ത​​ക​​ൾ പ്ര​​ച​​രി​​ച്ച​​ത്. റ​​ഹ്മാ​​ന്റെ ആ​​രോ​​ഗ്യ​​നി​​ല തൃ​​പ്തി​​ക​​ര​​മാ​​ണെ​​ന്ന് സ്റ്റാ​​ലി​​നും എ​​ക്സ് പേ​​ജി​​ൽ അ​​റി​​യി​​ച്ചു.