Top
Begin typing your search above and press return to search.
exit_to_app
exit_to_app
നീറ്റ്​ പരീക്ഷ പരാമർശം; നടൻ സൂര്യക്കെതിരെ കോടതിയലക്ഷ്യ നടപടി സ്വീകരിക്കണമെന്ന്​ ആവശ്യം
cancel
Homechevron_rightEntertainmentchevron_rightCelebritieschevron_rightനീറ്റ്​ പരീക്ഷ...

നീറ്റ്​ പരീക്ഷ പരാമർശം; നടൻ സൂര്യക്കെതിരെ കോടതിയലക്ഷ്യ നടപടി സ്വീകരിക്കണമെന്ന്​ ആവശ്യം

text_fields
bookmark_border

ചെന്നൈ: നീറ്റ്​ പരീക്ഷയുമായി ബന്ധ​െപ്പട്ട പരമാർശത്തിൽ തമിഴ്​ സൂപ്പർ താരം സ​ൂര്യക്കെതിരെ കോടതിയലക്ഷ്യ നടപടി സ്വീകരിക്കണമെന്ന്​ മദ്രാസ്​ ഹൈകോടതി ജസ്​റ്റിസ്​ ​എസ്​.എം. സുബ്രഹ്​മണ്യം. നീറ്റ്​ പരീക്ഷയുമായി ബന്ധപ്പെട്ട്​ തമിഴ്​നാട്ടിൽ മൂന്ന്​ വിദ്യാർഥികൾ ആത്മഹത്യ​ ചെയ്​തതിനെ തുടർന്നായിരുന്നു സൂര്യയുടെ പ്രതികരണം. കോവിഡി​െൻറ പശ്ചാത്തലത്തിൽ വിർച്വലായി മാറിയ കോടതികൾ വിദ്യാർഥികളോട്​ ധൈര്യമായി നീറ്റ്​ പരീക്ഷ എഴുതാൻ ഉത്തരവിടുന്നുവെന്നായിരുന്നു പരാമർശം. ഇൗ പരാമർശം കോടതിയലക്ഷ്യമാണെന്ന്​ ചൂണ്ടിക്കാട്ടി ജസ്​റ്റിസ്​ എസ്​.എം. സുബ്രഹ്​മണ്യം ചീഫ്​ ജസ്​റ്റിസിന്​ കത്തയച്ചു.

'സൂര്യയുടെ പ്രസ്​താവന കോടതിയെ അവഹേളിക്കുന്നതിന്​ തുല്യമാണ്​. ജഡ്​ജിമാരുടെ സത്യസന്ധത​യെയും രാജ്യ​ത്തി​െൻറ നീതി ന്യായ വ്യവസ്​ഥയിലുള്ള വിശ്വാസത്തിനും തുരങ്കം വെക്കുകയും ജനങ്ങൾക്ക്​ ജുഡീഷ്യറിയിലുളള വിശ്വാസം നഷ്​ടപ്പെടുന്നതിനും കാരണമ​ായേക്കാം. ഇൗ സാഹചര്യത്തിൽ നീതിന്യായ വ്യവസ്​ഥ ഉയർത്തിപ്പിടിക്കുന്നതിനായി നടൻ സൂര്യക്കെതിരെ കോടതിയലക്ഷ്യ നടപടികൾ സ്വീകരിക്കണം' -ചീഫ്​ ജസ്​റ്റിസിന്​ നൽകിയ പരാതിയിൽ ജസ്റ്റിസ്​ എസ്​.എം. സുബ്രഹ്​മണ്യം പറയുന്ന​ു.


ജീവനിൽ ഭയമുള്ള ന്യായാധിപൻമാർ വിചാരണയും വിധിപറയലും വിർച്വലായി നടത്തുന്ന സമയത്ത്​ വിദ്യാർഥികളോട്​ ധൈര്യമായെത്തി പരീക്ഷ എഴുതാൻ ആവശ്യ​െപ്പടുന്നുവെന്നായിരുന്നു സൂര്യയുടെ പരാമർശം. സമൂഹത്തിലെ പാർശ്വവത്​കൃതരായ വിദ്യാർഥികളുടെ അവസ്​ഥ മനസിലാക്കാത്തവരാണ്​ വിദ്യാഭ്യാസനയം രൂപീകരിക്കുന്നതെന്നും ക​ുറ്റപ്പെടുത്തിയിരുന്നു. 'എ​െൻറ ഹൃദയം ആത്മഹത്യ ചെയ്​ത വിദ്യാർഥികളുടെ മൂന്ന്​ കുടുംബങ്ങളിലേക്ക്​ പോകുന്നു. അവരുടെ വേദന സങ്കൽപ്പിക്കാൻ കഴിയുന്നില്ല' എന്ന അടിക്കുറിപ്പോടെയായിരുന്നു സൂര്യയുടെ പ്രതികരണം​.

കോവിഡ്​ ബാധിതരുടെ എണ്ണം കൂടുന്ന സാഹചര്യത്തിൽ മെഡിക്കൽ പ്രവേശനത്തിനുള്ള​ നീറ്റ്​ പരീക്ഷ നീട്ടിവെക്കണമെന്ന്​ നിരവധിപേർ ആവശ്യപ്പെട്ടിരുന്നു. സെപ്​റ്റംബർ 13നായിരുന്നു നീറ്റ്​ പരീക്ഷ. കോവിഡ്​ പശ്ചാത്തലത്തിൽ കൂടുതൽ പരീക്ഷ സെൻററുകൾ അനുവദിച്ചും കോവിഡ്​ മാനദണ്ഡങ്ങൾ പാലിച്ചുമായിരുന്നു പരീക്ഷ നടത്തിപ്പ്​.

Show Full Article
TAGS:Suriya Sivakaumar Neet 2020 Contempt of Court Justice SM Balasubramaniam 
News Summary - actor suriyas remarks on neet high court judge seeks contempt action
Next Story