Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEntertainmentchevron_rightCelebritieschevron_rightനീറ്റ്​ പരാമർശം;...

നീറ്റ്​ പരാമർശം; സൂര്യക്കെതിരെ കോടതിയലക്ഷ്യ നടപടിയില്ല

text_fields
bookmark_border
Suriya
cancel

​ചെ​ന്നൈ: നീറ്റ്​ പരീക്ഷയുമായി ബന്ധപ്പെട്ട പരാമർശത്തിൽ തമിഴ്​ സിനിമ താരം സൂര്യ ശിവകുമാറിനെതിരെ കോടതിയലക്ഷ്യ നടപടികൾ സ്വീകരിക്കില്ല. എന്നാൽ സൂര്യയുടെ പരാമർശം അനാവശ്യവും അനുചിതവുമാണെന്ന്​ മ​ദ്രാസ്​ ഹൈകോടതി നിരീക്ഷിച്ചു. സൂര്യയുടെ പരാമർശം അനാവശ്യവും അനുചിതവുമാണ്​. കോവിഡ്​ മഹാമാരിയുടെ സമയത്ത്​ ജുഡീഷ്യറി സംവിധാനം മുഴുവൻ പൊതുജന താൽപ​ര്യം സംരക്ഷിക്കുന്നതിന്​ പ്രവർത്തിച്ച രീതിയെക്കുറിച്ച്​ താരത്തിന്​ അറിവി​ല്ലെന്നും കോടതി പറഞ്ഞു.

നീറ്റ്​ പരീക്ഷയുമായി ബന്ധപ്പെട്ട്​ തമിഴ്​നാട്ടിൽ മൂന്ന്​ വിദ്യാർഥികൾ ആത്​മഹത്യ ചെയ്​ത സംഭവത്തിൽ സൂര്യയുടെ പരാമർശം കോടതിയെ അവഹേളിക്കുന്നതാണെന്നും അതിനാൽ കോടതിയലക്ഷ്യ നടപടികൾ സ്വീകരിക്കണമെന്നും ആവശ്യപ്പെട്ട്​ ഹൈകോടതി ജഡ്​ജി എസ്​.എം. ബാലസുബ്രഹ്​മണ്യം മ​ദ്രാസ്​ ഹൈകോടതി ജസ്​റ്റിസിന്​ കത്തെഴുതുകയായിരുന്നു. കോവിഡി​െൻറ പശ്ചാത്തലത്തിൽ വിർച്വലായി മാറിയ കോടതികൾ വിദ്യാർഥിക​േളാട്​ ധൈര്യമായി നീറ്റ്​ പരീക്ഷ എഴുതാൻ ഉത്തരവിടു​ന്നുവെന്നായിരുന്നു സൂര്യയുടെ പരാമർശം.

'സൂര്യയുടെ പ്രസ്​താവന കോടതിയെ അവഹേളിക്കുന്നതിന്​ തുല്യമാണ്​. ജഡ്​ജിമാരുടെ സത്യസന്ധത​യെയും രാജ്യ​ത്തി​െൻറ നീതി ന്യായ വ്യവസ്​ഥയിലുള്ള വിശ്വാസത്തിനും തുരങ്കം വെക്കുകയും ജനങ്ങൾക്ക്​ ജുഡീഷ്യറിയിലുളള വിശ്വാസം നഷ്​ടപ്പെടുന്നതിനും കാരണമ​ായേക്കാം. ഇൗ സാഹചര്യത്തിൽ നീതിന്യായ വ്യവസ്​ഥ ഉയർത്തിപ്പിടിക്കുന്നതിനായി നടൻ സൂര്യക്കെതിരെ കോടതിയലക്ഷ്യ നടപടികൾ സ്വീകരിക്കണം' -ചീഫ്​ ജസ്​റ്റിസിന്​ നൽകിയ പരാതിയിൽ ജസ്റ്റിസ്​ എസ്​.എം. സുബ്രഹ്​മണ്യം പറഞ്ഞിരുന്നു.

Show Full Article
TAGS:Suriya Sivakaumar Neet 2020 Contempt of Court Justice SM Balasubramaniam 
Next Story