'കുറുപ്പ്' കണ്ടവർ പറയുന്നു; 'ഇതാണ് കാസ്റ്റിങ്, ഇതാകണം കാസ്റ്റിങ്'

വില്ലന്‍റെ നായിക, എല്ലാവർക്കും ഇഷ്​ടപ്പെടുന്ന എന്നാൽ ദുരൂഹത ഒളിപ്പിച്ചുവെക്കുന്ന കഥാപാത്രം. ശോഭിത ധുലിപാലയുടെ കൈകളിൽ ഭദ്രമായിരുന്നു കുറുപ്പിലെ ശാരദ. മലയാള സിനിമയിൽ കണ്ടുപരിചയിച്ചിട്ടില്ലാത്ത ശാരദയെപ്പോലെ, നിരവധി കഥാപാത്രങ്ങൾ കുറുപ്പിലുണ്ടായിരുന്നു. വ്യോമസേനയിലെ മുതിർന്ന ഉദ്യോഗസ്​ഥൻമാരായി വേഷമിട്ട വർഗീസ്​ മാത്യുവും സത്യനാരായണനും ഭാസി പിള്ളയെ അവതരിപ്പിച്ച ഷൈൻ ടോം ചാക്കോ ഇവരെല്ലാം കഥാപാത്രങ്ങ​േളാട്​ ഇണങ്ങിനിന്നു. മറ്റു സിനിമകളിൽനിന്ന്​ കുറുപ്പിനെ വ്യത്യസ്​തമാക്കുന്നതും ഇൗ നടീനടൻമാരുടെ തിരഞ്ഞെടുപ്പായിരുന്നു. ഇൗ തെരഞ്ഞെടുപ്പിൽ ചുക്കാൻ പിടിച്ചതാക​ട്ടെ യുവ കാസ്​റ്റിങ്​ ഡയറക്​ടർ ഷനീം സഈദും.

കാസ്​റ്റിങ്​ ഡയറക്​ടർ, കാസ്​റ്റിങ്​ ഏജൻസികൾ എന്നീ വാക്കുകൾ പരിചിതമല്ലാത്ത മലയാള സിനിമയിലേക്ക് സംവിധായകൻ​ ശ്രീനാഥ്​ രാജേന്ദ്രൻ, കുറുപ്പിലൂടെ ഷനീം സഈദിനെയും അവതരിപ്പിക്കുകയായിരുന്നു. ഷനീം സെയ്​ദെന്ന കാസ്​റ്റിങ്​ ഡയറക്​ടർ വഴി ശോഭിത ധുലിപാലയും വർഗീസ്​ മാത്യുവും സത്യനാരായണനുമെല്ലാം മലയാള സിനിമയുടെ ഭാഗമായി. യു.എ.ഇയിൽ മൂവി അവാർഡ്​സ്​, സെലിബ്രിറ്റി രംഗത്ത്​ പ്രവർത്തിച്ചിരുന്ന മലയാളിയായ ഷനീം മലയാള സിനിമ മേഖലയിൽ പുതിയൊരു സാധ്യതകൂടിയാണ്​ തുറന്നിടുന്നത്​.

സിനിമകളെ ഭാഷയുടെ അതിർവരമ്പുകളിൽ തളച്ചിടാൻ കഴിയില്ല. കോളിവുഡ്​, ടോളിവുഡ്​ താരങ്ങളെ പോലെ നിരവധി ബോളിവുഡ്​, ഹോളിവുഡ്​ താരങ്ങളും ഇപ്പോൾ മലയാള സിനിമയുടെ ഭാഗമാകാറുണ്ട്​. കുറുപ്പിലും ആ കാഴ്​ച കണ്ടു. മറ്റു സിനിമകളിൽനിന്ന്​ കുറുപ്പിനെ വ്യത്യസ്​തമാക്കുന്ന ഇൗ ഘടകങ്ങളെക്കുറിച്ച്​ ഷനീം സഈദ്​ പറയുന്നു.

സസ്​പെൻസ്​ എന്ന ചലഞ്ച്​

യഥാർഥ സംഭവം സിനിമയാക്കു​േമ്പാൾ നേരിടേണ്ടി വരുന്ന വെല്ലുവിളികൾ ചെറുതല്ല. പതിറ്റാണ്ടുകൾ പഴക്കമുള്ള കഥയാകു​േമ്പാൾ ആ കാലഘട്ടത്തെ പ്രതിനിധീകരിക്കാൻ കഴിയണം. പഴയ കഥയും കഥാപാത്രങ്ങളെയും പുതുമയോടെ സസ്​പെൻസ്​ നിലനിർത്തി അവതരിപ്പിക്കണം. കഥാപാത്രങ്ങളും അവരുടെ വേഷവിധാനങ്ങളും അക്കാലത്തോട്​ ചേർന്നു നിൽക്കണം. കണ്ടുപരിചയിച്ച മുഖങ്ങളെക്കാൾ അധികം ആരിലേക്കും പതിക്കാത്ത മുഖങ്ങളായിരിക്കണം പ്രധാനം. അതുകൊണ്ടുതന്നെ ചിത്രത്തിലെ നായിക കഥാപാത്രത്തിന്​ പറ്റിയ നടിയെ തെരഞ്ഞെടുക്കൽ ഉൾപ്പെടെ വലിയ ചലഞ്ചായിരുന്നു. അതിനായി ഓരോ കഥാപാത്രങ്ങളെയും കൃത്യമായ ലുക്ക്​ ടെസ്​റ്റുകൾ നടത്തി തെരഞ്ഞെടുത്തു.

കുറുപ്പി​െൻറ തിരക്കഥ തയാറാക്കു​േമ്പാൾ മുതൽ ഞാൻ ആ സിനിമയുടെ ഭാഗമായിരുന്നു. കഥാപാത്രങ്ങളിലും തിരക്കഥയിലും എത്ര​േ​ത്താളം സാധ്യതകുണ്ടെന്ന്​ തുടക്കം മുതൽ അറിയാം. സംവിധായകൻ ശ്രീനാഥ്​ രാജേന്ദ്രനുമായി വർഷങ്ങള​ുടെ ബന്ധമുണ്ട്​. അതുകൊണ്ടുതന്നെ സിനിമയിൽ സംവിധായകന്​ ആവശ്യമുള്ളത്​ എന്താണെന്ന് കൃത്യമായി​ മനസിലാക്കാനായി. അതാണ്​ ഏറ്റവും പ്രധാനകാര്യവും. കാരണം, സംവിധായകനുമായുള്ള ആശയവിനിമയം എളുപ്പമായാൽ കാസ്​റ്റിങ്​ പ്രോസസ്​ ലളിതമായിരിക്കും. ദുൽഖർ സൽമാൻ ഒഴികെയുള്ള കഥാപാത്രങ്ങൾക്ക്​ വേണ്ടിയായിരുന്നു തിരച്ചിൽ. നായിക കഥാപാത്രമായിരുന്നു അതിലെ ചലഞ്ച​ും.

വില്ലനും നായകനും ഒരാളാകു​േമ്പാൾ!

വി​േൻറജ്​ ലു​ക്കിനൊപ്പം വില്ല​െൻറ നായിക എന്ന പരിവേഷവും വേണം. എല്ലാവർക്കും അതിനെ ഏറ്റെടുക്കാൻ കഴിയില്ല. വില്ല​െൻറ നായികയാകു​േമ്പാഴും ആദ്യ കാഴ്​ചയിൽ തന്നെ പ്രേക്ഷകർക്ക്​ ഇഷ്​ടമാകുകയും വേണം. ഒരു മികച്ച അഭി​നേത്രി എന്നതിന്​ പുറമെ കുറ​ുപ്പിനെ പൂർണമായും മനസിലാക്കാനും കഥാപാത്രത്തിന്​ കഴിയണം. അതിനായി ശാലിനി എ​െൻറ കൂട്ടുകാരിയിലെ ശേഭായെ പോലെ ഒരാളെയായിരുന്നു ആവശ്യം. അത്തരം ഒരു അന്വേഷണം ആദ്യം ചെന്നെത്തിയത്​ ശോഭിതയിലായിരുന്നു. ശോക ഭാവത്തിനൊപ്പം മിസ്​റ്റീരിയസ്​ കൂടിയാണ്​ അവരുടെ മുഖം. ശോഭിതയുടെ രാമൻ രാഘവ എന്ന ചിത്രം ഞാനും ശ്രീനാഥും ഒരുമിച്ചായിരുന്നു കണ്ടത്​. അന്നുമുതൽ ശോഭിതയുടെ മുഖം മനസിലുണ്ടായിരുന്നു. അതുകൊണ്ടുതന്നെ കുറുപ്പി​െൻറ തിരക്കഥ പൂർത്തിയാക്കിയപ്പോൾ ശോഭിതയായിരുന്നു ആദ്യ ഓപ്​ഷൻ.

കൃഷ്​ണദാസ്​ എന്ന കഥാപാത്രത്തിനായി ആദ്യം സമീപിച്ചത്​ ഇന്ദ്രജിത്തിനെ തന്നെയായിരുന്നു. എന്നാൽ ഇന്ദ്രജിത്തിന്​ മറ്റു സിനിമകളുടെ ഷൂട്ടിങ്​ കാരണം കൃഷ്​ണദാസായി അരവിന്ദ്​ സ്വാമിയെ ആലോചിച്ചു. എന്നാൽ അദ്ദേഹത്തിനും ​ഡേറ്റ്​ സംബന്ധമായ പ്രശ്​നങ്ങൾ വന്നു. പിന്നീട്​ കെ.കെ. മേനോനെ സമീപിച്ചു. എന്നാൽ ​നേരത്തേ തീരുമാനിച്ച ചിത്രം നീട്ടിവെച്ചതോടെ ഇന്ദ്രജിത്തിലേക്ക്​ തന്നെ ആ കഥാപാത്രമെത്തി.

ദുൽഖർ സൽമാ​െൻറ മുതിർന്ന ഓഫിസർമാരായി എത്തിയ സത്യനാരായണൻ, വർഗീസ്​ മാത്യു തുടങ്ങിയവരും അത്തരത്തിൽ സിനിമ​യുടെ ഭാഗമായവരായിരുന്നു. സത്യനാരയണൻ തമിഴിൽ അജിത്ത്​, വിജയ്​ ചിത്രങ്ങളിലൂടെ ശ്ര​ദ്ധേയനായ നടനാണ്​. മലയാളവും തമിഴും ഇംഗ്ലീഷും കൂട്ടികലർത്തി സംസാരിക്കുന്ന കഥാപാത്ര​ത്തിനായുള്ള തിരച്ചിലിലാണ്​ സത്യനാരായണനിലേക്ക്​ എത്തുന്നത്​. വില്ലനായ കുറുപ്പിനെ പേടിപ്പിക്കുന്ന വ്യോമസേന ഉദ്യോഗസ്​ഥ​െൻറ കഥാപാത്രത്തിനായുള്ള അന്വേഷണമാണ്​ വർഗീസ്​ ​മാത്യുവിൽ ചെന്നെത്തിയത്​.

ചിത്രത്തി​ൽ ഏറ്റവുമധികം കൈയടി നേടിയ കഥാപാത്രമായിരുന്നു ഷൈൻ ടോം ​ചാക്കോയുടെ ഭാസിപിള്ള. ഷൈൻ ഭാസിപിള്ളയെ മികച്ച രീതിയിൽ അവതരിപ്പിച്ചു. ഷൈനി​െൻറ പ്രകടനത്തിന്​ മികച്ച അഭിപ്രായങ്ങളും ​വന്നിരുന്നു.

ഒന്നിനുപിറ​െക ഒന്നായി...

അരവിന്ദ്​ സ്വാമിയും കു​ഞ്ചാക്കോ ബോബനും ഒന്നിക്കുന്ന 'ഒറ്റ്​' എന്ന ചിത്രത്തി​െൻറ കാസ്​റ്റിങ്​ ഷനീം ആണ്​. നിലവിൽ ഹിന്ദി ടെലിവിഷൻ താരമായ ഷഹീർ ഷൈഖിനെ നായകനാക്കി ഒരുക്കുന്ന ചിത്രത്തി​െൻറ ഷൂട്ടിങ് തിരക്കുകളിൽ മൂന്നാറിലാണ്​ ഇപ്പോൾ ഷനീം.

ആഷിഖ്​ അബുവും ശ്യാം പുഷ്​കരനും പുതിയ സിനിമയുടെ ചർച്ചക്കായി ഷാരൂഖ്​ ഖാനുമായി ചർച്ച നടത്തിയപ്പോഴും ഷനീം ഒപ്പമുണ്ടായിരുന്നു. ഷാരൂഖിന്​ തിരക്കഥ ഇഷ്​ടമായാൽ 2022ഒാടെ സിനിമ യഥാർഥ്യമാകും.

മലയാളത്തിൽ കാസ്​റ്റിങ്​ ഡയറക്​ടർ അല്ലെങ്കിൽ കാസ്​റ്റിങ്​ ഏജൻസി ഇല്ല എന്ന്​ പറയാൻ കഴിയില്ല. എന്നാൽ സിസ്​റ്റമാറ്റിക്​ രീതിയായിരുന്നില്ല ഉപയോഗിച്ചുവന്നിരുന്നത്​. ഇപ്പോഴും ​പ്രൊഡക്ഷൻ കൺട്രോളർമാരും അസോസിയേറ്റുമാരുമാണ്​ കഥാപാത്രങ്ങളെ​ തെരഞ്ഞെടുക്കുക. ബോളിവുഡിലാണെങ്കിൽ അവിടെ താരങ്ങൾക്ക്​ മാനേജർമാരും പി.ആർമാരുമെല്ലാം ഉണ്ടാകും. അവരോട്​ സംസാരിച്ച്​ കരാർ ഒപ്പിടണം. സിസ്​റ്റമാറ്റിക്​ അപ്രോച്ചാണ്​ ഓരോ ഘട്ടത്തിലും. എന്നാൽ, ഇവിടെ സൗഹൃദങ്ങളുടെ പുറത്ത്​ ഉണ്ടാകുന്ന ചിത്രങ്ങളാണ്​ കൂടുതൽ.

കാസ്​റ്റിങ്​ ഡയറക്​ടറെ ഏൽപ്പി​ക്കു​േമ്പാൾ ആദ്യം ഒാഡീഷനായിരിക്കും നടത്തുക. കുറുപ്പിൽ ഇതുവരെ കാണാത്ത മുഖങ്ങളും ശബ്​ദങ്ങളും ലുക്കുമെല്ലാം കൊണ്ടുവരുന്നതിനായി നിരന്തരം പരിശ്രമിച്ചിരുന്നു. താരങ്ങളെ തെരഞ്ഞെടുക്കുക മാത്രമല്ല, നടീനടൻമാരുമായി ബന്ധപ്പെട്ട എല്ലാ കാര്യങ്ങളും കൈകാര്യം ചെയ്യേണ്ടത്​ കാസ്​റ്റിങ്​ ഡയറക്​ടർമാരുടെ ഉത്തരവാദിത്തമാണ്​.

സംവിധായകനും തിരക്കഥാകൃത്തുമായുള്ള ആശയ വിനിമയമാണ്​ ഏറ്റവും പ്രധാനം. തിരക്കഥ ആദ്യം വായിക്കാനുള്ള അവസരം കാസ്​റ്റിങ്​ ഡയറക്​ടർമാർക്കും ലഭിക്കും. അപ്പോൾതന്നെ നിരവധി ഐഡിയകളും മുഖങ്ങളും മനസിൽ വരും. കുറുപ്പിൽ ഓരോ കഥാപാത്രങ്ങൾക്കും ഓരോ ഡിസൈൻ ഉണ്ടായിരുന്നു. അതിന്​ അനുസരിച്ചുള്ള കഥാപാത്രങ്ങളെ തെരഞ്ഞെടുക്കണം.

'കാസ്​റ്റിങ്​' ചെറിയ കളിയല്ല

ഹോളിവുഡിലും ബോളിവുഡിലുമെല്ലാം കാസ്​റ്റിങ്​ ഏജൻസി വലിയ തൊഴിൽ മേഖല കൂടിയാണ്​. മലയാളത്തിലും അത്തരം മാറ്റങ്ങൾ സമയമെടുത്താണെങ്കിലും വരും. ആ മാറ്റത്തി​െൻറ തുടക്കമായിരുന്നു കുറുപ്പ്​. മുഖ്യ കഥാപാത്രങ്ങൾ മുതൽ ചെറിയ സീനുകളിൽ വന്നുപോകുന്ന കഥാപാത്രങ്ങൾക്ക്​ വേണ്ടിവരെ കാസ്​റ്റിങ്​ നടത്തേണ്ടിവരും. ഒരു സിനിമയുടെ ഭാഗമായി ഓഡീഷൻ വിളിക്കുക, അഭിനയിപ്പിക്കുക, പരിശീലനം നൽകുക തുടങ്ങിയവയെല്ലാം വളരെ ആസ്വദിച്ച്​ ചെയ്യാൻ കഴിയുന്ന ജോലിയാണ്​. എന്നാൽ ബോളിവുഡിലടക്കം കാസ്​റ്റിങ്​ കൗച്ച്​ പോലെയുള്ള ആരോപണങ്ങൾ ധാരാളം ഉയർന്നുവന്നിട്ടുണ്ട്​. ഇന്നോ ഇന്നലെയോ തുടങ്ങിയതല്ല കാസ്​റ്റിങ്​ കൗച്ച്​ പോലെയുള്ളവ. പണ്ടു​തൊ​ട്ടേ​ ഇവയു​ണ്ട്​, എന്നാൽ ഇപ്പോൾ കുറഞ്ഞുവരുന്നുണ്ട്​. അതിന്​ മീ ടു മൂവ്​മെൻറ്​സിനും മറ്റും നന്ദി പറയണം. ഒരു സോഷ്യൽ മീഡിയ ​േപാസ്​റ്റിലൂടെ കരിയർ എ​ന്നെന്നേക്കുമായി നശിക്കും. ഒരുപാട്​ ആഗ്രഹിച്ചായിരിക്കും പുതുമുഖങ്ങൾ സിനിമയിൽ വരിക. അത്​ ചൂഷണം ചെയ്യുക എന്നത്​ ലോകത്തുതന്നെ ഒരാളോട്​ ചെയ്യാൻ പറ്റുന്ന ക്രൂരതയാണ്​. നമ്മൾ സിസ്​റ്റമാറ്റിക്കായി തൊഴിലിനെ സമീപിക്കു​േമ്പാൾ നമ്മുടെ കൺമുന്നിൽവെച്ച്​ ഓരോരുത്തരുടെ കരിയർ മാറുന്നത്​ കാണാനാകും. അതിലാണ്​ സന്തോഷം. അതിൽ മറ്റുള്ളവരെ ഉപദ്രവിക്കാൻ നോക്കുക എന്നതല്ല​ എ​െൻറ പോളിസി.

ദുബൈയിൽ ഏഷ്യാവിഷൻ ഫാമിലി മാഗസിനിൽ സബ്​ എഡിറ്ററാണ്​ ഷനീമി​െൻറ തുടക്കം. പിന്നീട്​ ഏഷ്യവിഷൻ മൂവി അവാർഡ്​സി​െൻറ പ്രമുഖ സംഘാടകനായി. സെലിബ്രിറ്റി ഇവൻറ്​ മാനേജറായും തിളങ്ങി. മ​ഞ്ചേരി സ്വദേശിയായ മുഹമ്മദ്​ സെയ്​ദ്​, സക്കീന ദമ്പതികളുടെ മകനാണ്​ ഷനീം. ഷിഫ, സഫിയ എന്നിവരാണ്​ സഹോദരങ്ങൾ.