ബോളിവുഡ് നടൻ അഖിൽ മിശ്ര അടുക്കളയിൽ തെന്നി വീണു മരിച്ചു

മും​ബൈ: ബോളിവുഡ് നടൻ അഖിൽ മിശ്ര അന്തരിച്ചു. വീടിന്റെ അടുക്കളയിൽ തെന്നി വീണ് തലയിടിച്ചാണ് മരണം സംഭവിച്ചത്. തെന്നി വീണയുടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 67 വയസായിരുന്നു.

ആമിർ ഖാൻ നായകനായ ത്രീ ഇഡിയറ്റ്സ് എന്ന ചിത്രത്തിൽ ഇദ്ദേഹം ചെയ്ത ലൈ​ബ്രേറിയൻ ഡൂബെ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ഗാന്ധി മൈ ഫാദർ, ശിഖർ തുടങ്ങിയവയാണ് മറ്റ് സിനിമകൾ. ഉഡാൻ, സി.ഐ.ഡി, ശ്രീമാൻ ശ്രീമതി, ഹാതിം തുടങ്ങി നിരവധി ടെലിവിഷൻ ഷോകളിലും പ​ങ്കെടുത്തിട്ടുണ്ട്.

സൂസേയ്ൻ ബേണെറ്റ് ആണ് ഭാര്യ. രക്തസമ്മർദ്ദം സംബന്ധിച്ച അസുഖത്തിന് ചികിത്സയിലായിരുന്നു. വ്യാഴാഴ്ചയാണ് മരണം സംഭവിച്ചത്. ഭാര്യയാണ് മരണവിവരം അറിയിച്ചത്. അപകടം നടക്കുമ്പോൾ ഹൈദരാബാദിലായിരുന്നു ജർമൻ നടിയായ സൂസെയ്ൻ.