തമിഴ്​നാട്ടിൽ കോൺഗ്രസ്​ സ്​ഥാനാർഥി കോവിഡ്​ ബാധിച്ച്​ മരിച്ചു; ജയിച്ചാൽ ഉപതെരഞ്ഞെടുപ്പ്​

ചെന്നൈ: തമിഴ്​നാട്​ നിയമസഭ തെരഞ്ഞെടുപ്പിൽ മത്സരിച്ച കോൺഗ്രസ്​ സ്​ഥാനാർഥി കോവിഡ്​ ബാധിച്ച്​ മരിച്ചു. ശ്രീവില്ലിപുത്തൂർ മണ്ഡലത്തിൽ നിന്ന്​ മത്സരിച്ച പി.എസ്​.ഡബ്ല്യു മാധവറാവുവാണ്​ മരിച്ചത്​.

കഴിഞ്ഞ മാസമാണ്​ രോഗബാധിതനായത്​. വോ​ട്ടെടുപ്പിന്​ ശേഷം മരിച്ചതിനാൽ റീപോളിങ്​ ഉണ്ടാവുകയില്ല. വിരുതുനഗർ ജില്ലയിലെ മണ്ഡലത്തിൽ നിന്ന്​ ഇദ്ദേഹം വിജയിച്ചാൽ ഉപതെരഞ്ഞെടുപ്പിന്​ കളമൊരുങ്ങും.

തമിഴ്​നാടിന്‍റെ ചുമതലയുള്ള എ.ഐ.സി.സി സെക്രട്ടറി സഞ്​ജയ്​ ദത്ത്​ റാവുവിന്‍റെ നിര്യാണത്തിൽ അനുശോചിച്ചു.

കേരളത്തോടൊപ്പം ഏപ്രിൽ ആറിനാണ്​ തമിഴ്​നാട്ടിലും വോ​ട്ടെടുപ്പ്​ നടന്നത്​. 38 ജില്ലകളിൽ നിന്നായി 234 അസംബ്ലി സീറ്റുകളി​േലക്കായിരുന്നു തെരഞ്ഞെടുപ്പ്​. മെയ്​ രണ്ടിനാണ്​ വോ​ട്ടെണ്ണൽ.