ഉ​ത്ത​രാ​ഖ​ണ്ഡ്​: പ്രചാരണത്തിനും കൊടുംതണുപ്പ്

ന്യൂ​ഡ​ൽ​ഹി: തെ​ര​ഞ്ഞെ​ടു​പ്പി​നു​ ദി​വ​സ​ങ്ങ​ൾ മാ​ത്രം ബാ​ക്കി​നി​ൽ​ക്കെ ക​ന​ത്ത മ​ഞ്ഞു​വീ​ഴ്ച​യി​ൽ ത​ണു​ത്തു​റ​ഞ്ഞി​രി​ക്കു​ക​യാ​ണ്​ ഉ​ത്ത​രാ​ഖ​ണ്ഡ്​ തെ​ര​ഞ്ഞെ​ടു​പ്പ്​ പ്ര​ചാ​ര​ണം. ദേ​വ​ഭൂ​മി​യാ​യി അ​റി​യ​പ്പെ​ടു​ന്ന ഉ​ത്ത​രാ​ഖ​ണ്ഡ്​ നി​ല​നി​ർ​ത്താ​ൻ ബി.​ജെ.​പി​യും ഭ​ര​ണം തി​രി​ച്ചു​പി​ടി​ക്കാ​ൻ കോ​ൺ​ഗ്ര​സും ശ​ക്ത​മാ​യി മ​ത്സ​ര​രം​ഗ​ത്തു​ണ്ടെ​ങ്കി​ലും ക​ന​ത്ത മ​ഞ്ഞും ത​ണു​പ്പും പ്ര​ചാ​ര​ണ​ത്തി​ന്​ തി​രി​ച്ച​ടി​യാ​യി​രി​ക്കു​ക​യാ​ണ്. വീ​ടു​ക​യ​റി​യു​ള്ള പ്ര​ചാ​ര​ണ​വും സാ​ധി​ക്കു​ന്നി​ല്ലെ​ന്ന്​ മാ​ത്ര​മ​ല്ല, ജ​ന​ങ്ങൾ പു​റ​ത്തി​റ​ങ്ങാ​ൻ മ​ടി​ക്കു​ന്ന കാ​ലാ​വ​സ്ഥ​യു​മാ​ണ്. ഇ​ത്ത​വ​ണ റെ​ക്കോ​ഡ് മ​ഞ്ഞു​വീ​ഴ്ച​യാ​ണ് രേ​ഖ​പ്പെ​ടു​ത്തി​യ​ത്.

വെ​ള്ളി​യാ​ഴ്​​ച ന​ട​ക്കേ​ണ്ടി​യി​രു​ന്ന പ്ര​ധാ​ന​മ​​ന്ത്രിയു​ടെ വെ​ർ​ച്വ​ൽ റാ​ലി മോ​ശം കാ​ലാ​വ​സ്ഥ​മൂ​ലം റ​ദ്ദാ​ക്കേ​ണ്ടി​വ​ന്നു. കോ​ൺ​ഗ്ര​സ്​ മു​ൻ അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ വെ​ർ​ച്വ​ൽ റാ​ലി​യി​ൽ പ​ല​യി​ട​ങ്ങ​ളി​ലും വി​ര​ലി​ൽ എ​ണ്ണാ​വു​ന്ന​വ​ർ മാ​ത്ര​മാ​ണ്​ പ​​ങ്കെ​ടു​ത്ത​ത്. കേ​ദാ​ർ​നാ​ഥ്, ഗം​ഗോ​ത്രി, മ​സൂ​റി, നൈ​നി​താ​ൾ, ച​ക​ർ​ത്ത, ധാ​ർ​ചു​ല, പു​രോ​ള, ധ​നോ​ൾ​ട്ടി തു​ട​ങ്ങി​യ മേ​ഖ​ല​ക​ളി​ലാ​ണ്​ ​ മ​ഞ്ഞു​വീ​ഴ്ച രൂ​ക്ഷം. മു​ൻ​വ​ർ​ഷ​ത്തെ​ക്കാ​ൾ ത​ണു​പ്പാ​ണ്​ ഇ​ത്ത​വ​ണ​യെ​ന്ന്​ ​കേ​ദാ​ർ​നാ​ഥ്​ മ​ണ്ഡ​ലം കോ​ൺ​ഗ്ര​സ്​ സ്ഥാ​നാ​ർ​ഥി മ​നോ​ജ്​ റാ​വ​ത്ത്​ പ​റ​ഞ്ഞു. ​ഒ​രു ഗ്രാ​മ​ത്തി​ൽ​നി​ന്ന് അ​ടു​ത്ത ഗ്രാ​മ​ത്തി​ലെ​ത്താ​ൻ മ​ണി​ക്കൂ​റു​ക​ളെ​ടു​ക്കും. സ​വ​ർ​ണ ഹി​ന്ദു​വോ​ട്ടു​ക​ൾ ഏ​റെ​യു​ള്ള സം​സ്ഥാ​ന​ത്ത്​ സ​മൂ​ഹ​മാ​ധ്യ​മ​ങ്ങ​ൾ വ​ഴി​യു​ള്ള പ്ര​ചാ​ര​ണ​ത്തി​ൽ​ ബി.​ജെ.​പി​ക്കാ​ണ്​ മേ​ൽ​ക്കൈ. 70 മ​ണ്ഡ​ല​ങ്ങ​ളാ​ണ്​ ആ​കെ. ​ ഫെ​ബ്രു​വ​രി 14നാ​ണ്​ തെ​ര​ഞ്ഞെ​ടു​പ്പ്.