യു.പി നാലാംഘട്ടം: ല​ഖിം​പു​ർ ഖേരി അടക്കം 59 മണ്ഡലങ്ങളിൽ വോ​ട്ടെ​ടു​പ്പ് തുടങ്ങി

ല​ഖ്​​നോ: ഉത്തർപ്രദേശ് നിയമസഭ തെരഞ്ഞെടുപ്പിന്‍റെ നാ​ലാം​ഘ​ട്ട വോ​ട്ടെ​ടു​പ്പ് ആരംഭിച്ചു. ഒ​മ്പ​തു ജി​ല്ല​ക​ളി​ലെ 59 മണ്ഡലങ്ങളിലാണ് വോട്ടെടുപ്പ് പുരോഗമിക്കുന്നത്. 624 സ്ഥാനാർഥികളാണ് നാലാം ഘട്ടത്തിൽ ജനവിധി തേടുന്നത്. 2017ലെ ​തെ​ര​ഞ്ഞെ​ടു​പ്പി​ൽ 51ലും ​ജ​യി​ച്ച​ത്​ ബി.​ജെ.​പി​യാ​ണ്.

ഭ​ര​ണസി​രാകേ​ന്ദ്ര​മാ​യ ല​ഖ്​​നോ, ക​ർ​ഷ​ക രോ​ഷ​ത്തി​ന്‍റെ അ​ട​യാ​ള​മാ​യി മാ​റി​യ ല​ഖിം​പു​ർ ഖേരി​, കോ​ൺ​ഗ്ര​സ്​ അ​ധ്യ​ക്ഷ സോ​ണി​യ ഗാ​ന്ധി പ്ര​തി​നി​ധാ​നം ​ചെ​യ്യു​ന്ന റാ​യ്​​ബ​റേ​ലി, ബി.​ജെ.​പി​​യോ​ട്​ ഇ​ട​ഞ്ഞു​ നി​ൽ​ക്കു​ന്ന മേ​ന​ക ഗാ​ന്ധി​യു​ടെ​യും മ​ക​ൻ വ​രു​ൺ ഗാ​ന്ധി​യു​ടെ​യും ത​ട്ട​ക​മാ​യ പി​ലി​ഭി​ത്​, സ​മാ​ജ്​​വാ​ദി പാ​ർ​ട്ടി​യു​ടെ ശ​ക്തി​കേ​ന്ദ്ര​ങ്ങ​ളി​ലൊ​ന്നാ​യ ഉ​ന്നാ​വ്​, സിതാപൂർ, ഹർദോയ്, ബന്ദ, ഫത്തേഹ് പൂർ അടക്കമുള്ള ജില്ലകളിലാ​ണ്​ വോ​ട്ടെ​ടു​പ്പ് നടക്കുന്നത്.

രാ​മ​ക്ഷേ​ത്ര നി​ർ​മാ​ണം ന​ട​ക്കു​ന്ന അ​യോ​ധ്യ, യോ​ഗി ആ​ദി​ത്യ​നാ​ഥ്​ മ​ത്സ​രി​ക്കു​ന്ന ​ഗോ​ര​ഖ്​​പു​ർ, പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി​യു​ടെ ലോ​ക്സ​ഭ മ​ണ്ഡ​ല​മാ​യ വാ​രാ​ണ​സി ഉൾപ്പെടുന്ന ​മേ​ഖ​ല​ക​ളി​ലാ​ണിത്. ബി.​ജെ.​പി​ക്ക്​ സീ​റ്റെ​ണ്ണം കു​റ​യു​ക​യാ​ണോ, അ​ത​ല്ല തോ​ൽ​വി ഏ​റ്റു​വാ​ങ്ങാ​നാ​ണോ പോ​കു​ന്ന​ത്​ എ​ന്ന കാ​ര്യ​ത്തി​ൽ നാ​ലാം​ഘ​ട്ട വോ​ട്ടെ​ടു​പ്പ്​ നി​ർ​ണാ​യ​ക​മാ​ണ്.

നിയമസഭ തെരഞ്ഞെടുപ്പിന്‍റെ അഞ്ച്, ആറ്, ഏഴ് ഘട്ടങ്ങൾ ഫെബ്രുവരി 27, മാർച്ച് 3, മാർച്ച് 7 തീയതികളിൽ നടക്കും. മാർച്ച് പത്തിനാണ് വോട്ടെണ്ണൽ.