ബിരേൻ സിങ്ങിന് രണ്ടാമൂഴം; മണിപ്പൂരിലെ ചേരിപ്പോരിൽ കൈ ​പൊള്ളാതെ ബി.ജെ.പി

ഇം​ഫാ​ൽ: ​മ​ണി​പ്പൂ​രി​ൽ ബി.​ജെ.​പി​ക്ക് തൊ​ട്ട​തെ​ല്ലാം പി​ഴ​ച്ചോ എ​ന്ന ആ​ശ​ങ്ക​യി​ലായിരുന്നു സം​സ്ഥാ​ന​ത്തെ അ​ണി​ക​ൾ. അഫസ്പയെക്കുറിച്ച് മിണ്ടാത്തത്, പാർട്ടിക്കുള്ളിലെ ചേരിപ്പോര് എന്നിവയെല്ലാം ഭരണത്തിൽനിന്ന് പിഴുതറിയാൻ മാത്രമുള്ള കാരണങ്ങളായിരുന്നു. എന്നാൽ, അവയെല്ലാം അതിജീവിച്ച് വീണ്ടും സംസ്ഥാന ഭരണം കൈപിടിയിലൊതുക്കിയിരിക്കുകയാണ്.

സാ​യു​ധ സേ​ന​യു​ടെ പ്ര​ത്യേ​ക അ​ധി​കാ​ര നി​യ​മം (അ​ഫ്സ്പ) പി​ൻ​വ​ലി​ക്ക​ണ​മെ​ന്ന ആ​വ​ശ്യ​ത്തി​ലൂ​ന്നി മ​റ്റു പാ​ർ​ട്ടി​ക​ൾ തെരഞ്ഞെടുപ്പ് പ്ര​ചാ​ര​ണം കൊ​ഴു​പ്പി​ച്ചപ്പോൾ ബി.​ജെ.​പി നേ​താ​ക്ക​ൾ നി​യ​മ​ത്തെ കു​റി​ച്ച് മൗ​നം പാ​ലി​ച്ചു. പ്ര​ക​ട​ന​പ​ത്രി​ക​യി​ൽ പോ​ലും അ​ഫ്സ്പ നി​യ​മ​ത്തെ കു​റി​ച്ച് ഒ​ര​ക്ഷ​രം കു​റി​ക്കാ​തെ പോ​യ​പ്പോ​ൾ പ്രാ​ദേ​ശി​ക പാ​ർ​ട്ടി​ക​ളാ​യ നാ​ഗാ പീ​പ്ൾ​സ് ഫ്ര​ണ്ടും (എ​ൻ.​പി.​എ​ഫ്) നാ​ഷ​ന​ൽ പീ​പ്ൾ​സ് പാ​ർ​ട്ടി​യും (എ​ൻ.​പി.​പി) കോ​ൺ​ഗ്ര​സും നി​യ​മം റ​ദ്ദാ​ക്കാ​ൻ മു​ന്നി​ട്ടി​റ​ങ്ങു​മെ​ന്ന വാ​ഗ്ദാ​നം ജ​ന​ത്തി​ന് മു​ന്നി​ൽ വെ​ച്ചിരുന്നു.

ഇതിനെല്ലാം പുറമെയായിരുന്നു പാ​ർ​ട്ടി​ക്ക​ക​ത്തെ ചേ​രി​പ്പോര്. സീ​റ്റു​ത​ർ​ക്ക​വും അ​ണി​ക​ൾ​ക്കി​ട​യി​ലെ ചേ​രി​പ്പോ​രും പാ​ർ​ട്ടി​ക്ക് ശ​ക്ത​മാ​യ വെ​ല്ലു​വി​ളി​യാ​ണ് ഉ​യ​ർ​ത്തിയത്. നേ​ര​ത്തെ സ​ഖ്യ​ക​ക്ഷി​ക​ളാ​യി​രു​ന്ന എ​ൻ.​പി.​എ​ഫി​​നെ​യും എ​ൻ.​പി.​പി​യെ​യും കൈ​യൊ​ഴി​ഞ്ഞ് 60 സീ​റ്റി​ലും ത​നി​ച്ച് മ​ത്സ​രി​ക്കാ​നാണ് മു​ഖ്യ​മ​ന്ത്രി എ​ൻ. ബി​രേ​ൻ സി​ങ് തീരുമാനിച്ചത്. ഈ ത​ന്ത്രം പാ​ളി​യോ എ​ന്ന ആ​ശ​ങ്ക അ​ണി​ക​ൾ​ക്കൊ​പ്പം നേ​താ​ക്ക​ളും ഉ​യ​ർ​ത്തിയിരുന്നു. വി​ശേ​ഷി​ച്ചും ബി​രേ​ൻ സി​ങ് വി​രു​ദ്ധ ക്യാ​മ്പ്. സം​സ്ഥാ​ന​ത്ത് പ്ര​തീ​ക്ഷി​ച്ച​തു​പോ​ലെ ബി.​ജെ.​പി​ക്ക് നേ​ട്ട​മു​ണ്ടാ​ക്കാ​ൻ ക​ഴി​ഞ്ഞി​ല്ലെ​ങ്കി​ൽ മു​ഖ്യ​മ​ന്ത്രി​യു​ടെ ത​ന്നെ 'ത​ല​യു​രു​ളു'​മെ​ന്ന സൂ​ച​ന ബി​രേ​ൻ സി​ങ് വി​രു​ദ്ധ ക്യാ​മ്പ് ന​ൽ​കി​യിരുന്നു.

തോം​ഗം ബി​ശ്വ​ജി​ത് സി​ങ്, ഗോ​വി​ന്ദാ​സ് കോ​ന്തൗ​ജം എ​ന്നി​വ​രെ ബി​രേ​ന്റെ പി​ൻ​ഗാ​മി​ക​ളാ​യി ഇ​വ​ർ ഉ​യ​ർ​ത്തി​ക്കാ​ണി​ക്കു​ക​യും ചെ​യ്തിരുന്നു. എന്നാൽ, വമ്പിച്ച ജയത്തോടെ ബിരേൻ സിങ് തന്റെ അപ്രമാദിത്വം ഉറപ്പിച്ചിരിക്കുകയാണ്. കോൺഗ്രസ്, എൻ.പി.പി, എൻ.പി.എഫ് എന്നീ പാർട്ടികളെ മാത്രമല്ല ബിരേൻ സിങ് പരാജയപ്പെടുത്തിയത്, പാളയത്തിൽനിന്നുള്ള പട കൂടിയാണ്.

വ്യാഴാഴ്ച രാവിലെ ശ്രീ ശ്രീ ഗോവിന്ദജി ക്ഷേത്രത്തിൽ പ്രാർഥന നിർവഹിച്ചാണ് ബിരേൻ സിങ് തെരഞ്ഞെടുപ്പ് ഫലം അറിയാനെത്തിയത്. 'ബി.ജെ.പിക്കൊപ്പം സമാധാനവും സമൃദ്ധവും വികസിതവുമായ മണിപ്പൂരിലേക്ക് നമുക്ക് മുന്നേറാം' എന്ന് അദ്ദേഹം ട്വിറ്ററിൽ കുറിക്കുകയും ചെയ്തു.