മണിപ്പൂരിൽ കോ​ൺ​ഗ്ര​സും സി.​പി.​എ​മ്മും അ​ട​ക്കം ആ​റ് പാ​ർ​ട്ടി​ക​ളു​ടെ പു​രോ​ഗ​മ​ന മ​തേ​ത​രസഖ്യം

ഇം​ഫാ​ൽ: തെ​ര​ഞ്ഞെ​ടു​പ്പി​ൽ ഭ​ര​ണ​ക​ക്ഷി​യാ​യ ബി.​ജെ.​പി​യു​ടെ ത​ക​ർ​ച്ച ല​ക്ഷ്യ​മി​ട്ട് മ​ണി​പ്പൂ​രി​ൽ കോ​ൺ​ഗ്ര​സും സി.​പി.​എ​മ്മും അ​ട​ക്കം ആ​റ് പാ​ർ​ട്ടി​ക​ളു​ടെ സ​ഖ്യം രൂ​പ​വ​ത്ക​രി​ച്ചു. 'മ​ണി​പ്പൂ​ർ പു​രോ​ഗ​മ​ന മ​തേ​ത​ര സ​ഖ്യം' എ​ന്ന മു​ന്ന​ണി ശ​നി​യാ​ഴ്ച സം​സ്ഥാ​ന കോ​ൺ​ഗ്ര​സ് ആ​സ്ഥാ​ന​ത്താ​ണ് പ്ര​ഖ്യാ​പി​ച്ച​ത്.സി.​പി.​ഐ, ആ​ർ.​എ​സ്.​പി, ജെ.​ഡി (എ​സ്), ഫോ​ർ​വേ​ഡ് ബ്ലോ​ക്ക് എ​ന്നി​വ​യാ​ണ് സ​ഖ്യ​ത്തി​ലെ മ​റ്റു ക​ക്ഷി​ക​ൾ. 18 ഇ​ന പൊ​തു അ​ജ​ണ്ട​യും പു​റ​ത്തി​റ​ക്കി.

ജ​നു​വ​രി 27ന് ​ആ​റു പാ​ർ​ട്ടി​ക​ളും തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി സ​ഖ്യം തു​ട​ങ്ങി​യി​രു​ന്നു. കോ​ൺ​ഗ്ര​സും സി.​പി.​ഐ​യും കാ​ക്ച്ചി​ങ് സീ​റ്റി​ൽ നേ​ര​ത്തേ സ്ഥാ​നാ​ർ​ഥി​ക​ളെ മ​ത്സ​ര​രം​ഗ​ത്ത് ഇ​റ​ക്കി​യ​തി​നാ​ൽ ഇ​രു പാ​ർ​ട്ടി​ക​ളും ത​മ്മി​ൽ സൗ​ഹൃ​ദ പോ​രാ​ട്ട​മാ​യി​രി​ക്കും ന​ട​ക്കു​ക. ഇം​ഫാ​ൽ ഈ​സ്റ്റി​ലെ ഖു​റാ​യി സീ​റ്റി​ലും കോ​ൺ​ഗ്ര​സ് സ്ഥാ​നാ​ർ​ഥി​യെ പ്ര​ഖ്യാ​പി​ച്ചി​ട്ടി​ല്ല. പ​ക​രം സി​പി.​​ഐ​യി​ലെ ആ​ർ.​കെ. അ​മു​സ​ന​യെ പി​ന്തു​ണ​യ്ക്കും. പു​തി​യ സ​ർ​ക്കാ​ർ ജ​നാ​ധി​പ​ത്യ​വും ഭ​ര​ണ​ഘ​ട​ന​യും വൈ​വി​ധ്യ​വും സം​ര​ക്ഷി​ക്കു​മെ​ന്ന് എ.​ഐ.​സി.​സി നേ​താ​വ് ജ​യ്റാം ര​മേ​ശ് പ​റ​ഞ്ഞു.