Begin typing your search above and press return to search.
proflie-avatar
Login
exit_to_app
exit_to_app
n biren sing
cancel
Homechevron_rightElectionschevron_rightAssembly Electionschevron_rightManipurchevron_rightമണിപ്പൂർ: 26 സീറ്റിൽ ...

മണിപ്പൂർ: 26 സീറ്റിൽ ബി.ജെ.പി മുന്നിൽ, 13 ഇടങ്ങളിൽ കോൺഗ്രസ്

text_fields
bookmark_border

ഇംഫാൽ: എക്സിറ്റ് പോളുകൾ ശരി​വെച്ച് മണിപ്പൂരിൽ ബി.ജെ.പി ലീഡ് തുടരുന്നു. ബി.ജെ.പി 26 സീറ്റുകളിലും കോൺഗ്രസ് 13 നിയമസഭാ മണ്ഡലങ്ങളിലും ലീഡ് ചെയ്യുന്നു. നാഷണൽ പീപ്പിൾസ് പാർട്ടി (എൻ.പി.പി) ഏഴ് സീറ്റുകളിലും ജെ.ഡി.യു അഞ്ച് സീറ്റുകളിലും മറ്റുള്ളവർ ഒമ്പത് സീറ്റുകളിലും മുന്നിലുണ്ട്.

രണ്ട്​ ഘട്ടങ്ങളായിട്ടാണ്​ മണിപ്പൂരിൽ ഇത്തവണ തെരഞ്ഞെടുപ്പ്​ നടന്നത്​. ആകെ 60 സീറ്റുകളാണുള്ളത്​. ഫെബ്രുവരി 28ന്​ നടന്ന ഒന്നാം ഘട്ടത്തിൽ 38 സീറ്റുകളിലേക്കായിരുന്നു മത്സരം. ബാക്കി സീറ്റുകളിലേക്ക്​ മാർച്ച്​ അഞ്ചിനായിരുന്നു​ തെരഞ്ഞെടുപ്പ്​. മണിപ്പൂരിൽ ബി.ജെ.പി വീണ്ടും അധികാരത്തിൽ വരുമെന്നാണ്​ എക്സിറ്റ്​ പോൾ ഫലങ്ങൾ സൂചിപ്പിച്ചിരുന്നത്​.

2017​ലെ തെരഞ്ഞെടുപ്പിൽ 21 സീറ്റുകൾ നേടിയ ബി.ജെ.പി നാല്​ വീതം സീറ്റുകളുള്ള നാഗാ പീപ്പിൾസ്​ ഫ്രണ്ട്​, നാഷണൽ പീപ്പിൾസ്​ പാർട്ടി എന്നിവയുമായി ചേർന്ന്​ അധികാരത്തിൽ വരികയായിരുന്നു. ലോക്​ ജനശക്​തി പാർട്ടി, തൃണമൂൽ കോൺഗ്രസ്​ എന്നിവരുടെ ഓരോ അംഗങ്ങളും ഒരു സ്വതന്ത്രനും ബി.ജെ.പിക്ക്​ പിന്തുണ നൽകി. നോങ്തോംബം ബിരേൻ സിങ് ആയിരുന്നു​ മുഖ്യമന്ത്രി. അതേസമയം, ഇത്തവണ ബി.ജെ.പി ഒറ്റക്കാണ്​ തെരഞ്ഞെടുപ്പിനെ നേരിട്ടത്​.

കഴിഞ്ഞതവണ 28 സീറ്റുകൾ ലഭിച്ച്​ ഏറ്റവും വലിയ ഒറ്റകക്ഷിയായ കോൺഗ്രസിന് ഇത്തവണ ഭരണത്തിലേറാൻ കഴിയുമോ എന്നാണ് എല്ലാവരും ഉറ്റുനോക്കുന്നത്. കോൺഗ്രസും സി.പി.ഐയും ചേർന്ന്​ മണിപ്പൂർ പ്രോഗസീവ്​ സെക്യൂലർ അലയൻസ്​ എന്ന സഖ്യം രൂപീകരിച്ചിട്ടുണ്ട്​. സി.പി.എം, റവല്യൂഷണറി സോഷ്യലിസ്റ്റ് പാർട്ടി, ജനതാദൾ (എസ്), ഫോർവേഡ് ബ്ലോക്ക് എന്നിവയുടെ പിന്തുണയും ഈ സഖ്യത്തിനുണ്ട്.

Show Full Article

Live Updates

  • 10 March 2022 5:10 AM GMT

    സൈകുലിൽ ‘കുക്കി പീപ്പിൾസ് അലയൻസ്’ ലീഡ് ചെയ്യുന്നു

    സൈകുൽ മണ്ഡലത്തിൽ കുക്കി പീപ്പിൾസ് അലയൻസ് സ്ഥാനാർത്ഥി കിംനിയോ ഹാക്കിപ് ഹാങ്ഷിങ് 289 വോട്ടുകൾക്ക് ലീഡ് ചെയ്യുന്നു. ജനുവരിയിലാണ് ഈ സഖ്യം രൂപീകരിക്കുന്നത്. മിസോ കുന്നുകളിൽ വസിക്കുന്നവരാണ് ‘കുക്കി’ വിഭാഗക്കാർ. കുക്കി ജനങ്ങളുടെ താൽപ്പര്യങ്ങൾ സംരക്ഷിക്കാൻ വേണ്ടിയാണ് കൂട്ടായ്മയുണ്ടാക്കിയത്. സൈകുൽ, സിംഗ എന്നീ സീറ്റുകളിൽ സ്ഥാനാർഥികളെ നിർത്തിയിരുന്നു. 

  • 10 March 2022 4:59 AM GMT

    26 സീറ്റുകളിൽ ബി.ജെ.പി ലീഡ്

    ബി.ജെ.പി 26 സീറ്റുകളിലും കോൺഗ്രസ് 13 നിയമസഭാ മണ്ഡലങ്ങളിലും ലീഡ് ചെയ്യുന്നു. നാഷണൽ പീപ്പിൾസ് പാർട്ടി (എൻപിപി) 7 സീറ്റുകളിലും ജെഡിയു 5 സീറ്റുകളിലും മറ്റുള്ളവർ 9 സീറ്റുകളിലും ലീഡ് ചെയ്യുന്നു.

  • മുൻ മുഖ്യമന്ത്രി ഒക്രം ഇബോബി സിങ് മുന്നിൽ
    10 March 2022 4:55 AM GMT

    മുൻ മുഖ്യമന്ത്രി ഒക്രം ഇബോബി സിങ് മുന്നിൽ

    തൗബാലിൽനിന്ന് ജനവിധി തേടുന്ന കോൺഗ്രസ് നേതാവും മുൻ മുഖ്യമന്ത്രിയുമായ ഒക്രം ഇബോബി സിങ് 472 വോട്ടിന് മുന്നിൽ. 2002 മുതൽ 2017 വരെ ഇദ്ദേഹം മണിപ്പൂരിന്റെ മുഖ്യമ​ന്ത്രിയായിരുന്നു. തൗബാലിൽനിന്നാണ് കഴിഞ്ഞതവണയും ജയിച്ചത്.

  • മുഖ്യമന്ത്രി എൻ. ബിരേൻ സിങ് മുന്നിൽ
    10 March 2022 4:32 AM GMT

    മുഖ്യമന്ത്രി എൻ. ബിരേൻ സിങ് മുന്നിൽ

    മണിപ്പൂർ മുഖ്യമന്ത്രി എൻ. ബിരേൻ സിങ് ഹീൻഗാങ് മണ്ഡലത്തിൽ 2,598 വോട്ടുകൾക്ക് ലീഡ് ചെയ്യുന്നു. കോൺഗ്രസ് സ്ഥാനാർത്ഥി ശരത്ചന്ദ സിങ്ങാണ് മുഖ്യ എതിരാളി. 2002 മുതൽ മണ്ഡലത്തെ പ്രതിനിധീകരിക്കുന്നുണ്ട് ബിരേൻ സിങ്.

  • 10 March 2022 4:22 AM GMT

    23 സീറ്റിൽ ബി.ജെ.പി മുന്നേറുന്നു. കോൺഗ്രസിന് 14 സീറ്റിൽ ലീഡുണ്ട്. നാഷണൽ പീപ്പിൾസ് പാർട്ടി 10 സീറ്റിൽ മുന്നിലാണ്. നാഗാ പീപ്പിൾസ് ഫ്രണ്ട് അടക്കമുള്ള മറ്റു പാർട്ടികൾ 13 ഇടങ്ങളിൽ ലീഡ് ചെയ്യുന്നു.

  • 10 March 2022 3:49 AM GMT

    വിട്ടുകൊടുക്കാതെ ബി.ജെ.പി

    ബി.ജെ.പി 17 സീറ്റിൽ ലീഡ് ചെയ്യുന്നു. കോൺഗ്രസ് 14 സീറ്റിൽ മുന്നേറുന്നു. രണ്ടിടത്ത് നാഷനൽ പീപ്പിൾസ് പാർട്ടി മുന്നിലുണ്ട്.

Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Manipurassembly election 2022
News Summary - In Manipur, the BJP has a slight lead
Next Story