തി​ര​മാ​ല​ക​ൾ പാ​ടു​ന്ന ഷാ​ർ​ജ മാ​രി​ടൈം മ്യൂ​സി​യം

ഷാ​ർ​ജ​യു​ടെ പൈ​തൃ​ക​ത്തി​ന്‍റെ​യും വി​ക​സ​ന​ത്തി​ന്‍റെ​യും അ​വി​ഭാ​ജ്യ ഘ​ട​ക​മാ​യ സ​മു​ദ്ര​ജീ​വി​ക​ളെ കേ​ന്ദ്രീ​ക​രി​ച്ചു​ള്ള അ​റി​വി​ന്‍റെ കേ​ദാ​ര​മാ​ണ് മാ​രി​ടൈം മ്യൂ​സി​യം. ഷാ​ർ​ജ​യു​ടെ വ​ള​ർ​ച്ച​യു​ടെ ഓ​രോ പ​ട​വു​ക​ളും ക​ട​ലി​ൽനി​ന്ന് വാ​യി​ച്ചെ​ടു​ക്കാ​വു​ന്ന രീ​തി​യി​ലാ​ണ് ഇ​തി​ന്‍റെ രൂ​പ​ക​ൽ​പ്പ​ന. പു​രാ​ത​ന കാ​ല​ങ്ങ​ളി​ൽ ഉ​പ​യോ​ഗി​ച്ചി​രു​ന്ന വ​ള്ള​ങ്ങ​ൾ മു​ത​ൽ മു​ങ്ങ​ൽ വി​ദ​ഗ്ധ​ർ ഉ​പ​യോ​ഗി​ച്ചി​രു​ന്ന സാ​മ​ഗ്രി​ക​ൾ വ​രെ ഇ​വി​ടെ കാ​ണാ​നാ​കും. ഷാ​ർ​ജ മാ​രി​ടൈം മ്യൂ​സി​യം 2003 ഏ​പ്രി​ൽ ഒ​ൻ​പ​തി​ന് അ​ൽ മ​രീ​ജ​യി​ൽ ആ​ദ്യം തു​റ​ന്നു. തു​ട​ർ​ന്ന്, അ​ൽ​ഖാ​നി​ലെ ക​ട​ലോ​ര​ത്തേ​ക്ക് 2009 ജൂ​ൺ ഏ​ഴി​ന് മ്യൂ​സി​യം മാ​റ്റി.

ഷാ​ർ​ജ മാ​രി​ടൈം മ്യൂ​സി​യം ഷാ​ർ​ജ നി​വാ​സി​ക​ളു​ടെ​യും അ​വ​രു​ടെ സ​മു​ദ്ര പാ​ര​മ്പ​ര്യ​ങ്ങ​ളു​ടെ​യും പൂ​ർ​ണ്ണ​മാ​യ വി​ശ​ദീ​ക​ര​ണ​മാ​ണ്. മ്യൂ​സി​യ​ത്തി​ലെ പ്ര​ദ​ർ​ശ​ന​ങ്ങ​ളി​ലൂ​ടെ, സ​ന്ദ​ർ​ശ​ക​ർ​ക്ക് ഷാ​ർ​ജ എ​മി​റേ​റ്റി​ലെ സ​മു​ദ്ര​ജീ​വി​ക​ളു​ടെ വി​ശ​ദാം​ശ​ങ്ങ​ളെ​ക്കു​റി​ച്ച് അ​റി​യാ​ൻ ക​ഴി​യും. സ​മു​ദ്ര​ജീ​വി​ത​ത്തി​ൽ ശ്ര​ദ്ധ കേ​ന്ദ്രീ​ക​രി​ക്കാ​നു​ള്ള ഷാ​ർ​ജ മ്യൂ​സി​യം ഡി​പ്പാ​ർ​ട്ട്‌​മെ​ന്‍റി​ന്‍റെ ശ്ര​മ​ത്തി​ന്‍റെ ഭാ​ഗ​മാ​യി, സ്വ​ദേ​ശി​ക​ളി​ൽ നി​ന്ന് വി​വ​ര​ങ്ങ​ൾ ശേ​ഖ​രി​ക്കു​ക​യും രേ​ഖ​പ്പെ​ടു​ത്തു​ക​യും ചെ​യ്ത സ​മു​ദ്ര പൈ​തൃ​ക​മാ​ണ് ഇ​വി​ടെ ശ്ര​ദ്ധ​യോ​ടെ അ​തി​മ​നോ​ഹ​ര​മാ​യി ആ​വി​ഷ്ക്ക​രി​ച്ചി​രി​ക്കു​ന്ന​ത്.

ഷാ​ർ​ജ നി​വാ​സി​ക​ൾ ഭ​ക്ഷ​ണ​ത്തി​നും വെ​ള്ള​ത്തി​നും മ​റ്റ് പ്ര​ദേ​ശ​ങ്ങ​ളു​മാ​യു​ള്ള വ്യാ​പാ​ര​ത്തി​നും ക​ട​ലി​നെ ആ​ശ്ര​യി​ച്ചി​രു​ന്ന​തി​നാ​ൽ ആ​റാ​യി​രം വ​ർ​ഷ​ത്തി​ലേ​റെ​യാ​യി ക​ട​ൽ ദൈ​നം​ദി​ന ജീ​വി​ത​ത്തി​ന്‍റെ പ്ര​ധാ​ന ഭാ​ഗ​മാ​യി​രു​ന്നു. പ​ര​മ്പ​രാ​ഗ​ത മ​ത്സ്യ​ബ​ന്ധ​ന രീ​തി​ക​ൾ, ക​ട​ൽ പാ​ട്ടു​ക​ൾ, ഡൈ​വി​ങ് യാ​ത്ര​ക​ൾ, മ​ത്സ്യ വ്യാ​പാ​രം, മു​ത്ത് ശേ​ഖ​ര​ണം എ​ന്നി​വ​ക്കാ​യി ഉ​പ​യോ​ഗി​ച്ചി​രു​ന്ന പ​ര​മ്പ​രാ​ഗ​ത മ​ര​ക്ക​പ്പ​ലു​ക​ളി​ലൂ​ടെ വി​ദൂ​ര ക​ട​ലു​ക​ളി​ലേ​ക്കും സ​മു​ദ്ര​ങ്ങ​ളി​ലേ​ക്കും ഉ​ള്ള വാ​ണി​ജ്യ യാ​ത്ര​ക​ൾ അ​വ​ലോ​ക​നം ചെ​യ്യു​ന്നു. മ്യൂ​സി​യ​ത്തി​ന്‍റെ പ്ര​ധാ​ന ക​വാ​ട​ത്തി​ൽ ലോ​ക​ത്തി​ലെ ഏ​റ്റ​വും പ​ഴ​ക്കം ചെ​ന്ന മു​ത്തു​ക​ളും പു​രാ​വ​സ്തു​ക്ക​ളും കാ​ണാം. ഏ​ഴാ​യി​രം വ​ർ​ഷ​ങ്ങ​ൾ​ക്ക് മു​മ്പ് ഷാ​ർ​ജ​യി​ൽ ഉ​ണ്ടാ​യി​രു​ന്ന ഒ​രു പു​രാ​ത​ന സെ​മി​ത്തേ​രി​യു​ടെ ഭാ​ഗ​ത്ത് ന​ട​ത്തി​യ ഉ​ത്​​ഖ​ന​ത്തി​ൽ നി​ന്നാ​ണ് ഈ ​മു​ത്ത് ക​ണ്ടെ​ത്തി​യ​ത്. മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ളി​ൽ കു​ന്ത​ത്തി​ന്‍റെ ആ​കൃ​തി​യി​ലു​ള്ള മൂ​ന്ന് കൂ​ർ​ത്ത ത​ല​ക​ളു​ള്ള നീ​ഴ എ​ന്ന​റി​യ​പ്പെ​ടു​ന്ന ഇ​രു​മ്പി​ൽ തീ​ർ​ത്ത ഉ​പ​ക​ര​ണ​മാ​ണ് ഞ​ണ്ടി​നെ​യും പ​രു​ന്തി​നെ​യും പി​ടി​ക്കാ​ൻ ഉ​പ​യോ​ഗി​ച്ചി​രു​ന്ന​ത്.

അ​ൽ-​മ​ന്താ​ബ് എ​ന്ന ക​ട്ടി​യു​ള്ള വ​ടി​ക​ളാ​ണ് മ​ത്സ്യ​ങ്ങ​ളെ പി​ടി​ക്കാ​ൻ ഉ​പ​യോ​ഗി​ച്ചി​രു​ന്ന​ത്. മ​ത്സ്യ​ബ​ന്ധ​ന ഉ​പ​ക​ര​ണ​മാ​യ അ​ൽ-​മ​ക്‌​സ​ർ അ​താ​യ​ത് മ​ത്സ്യ​ബ​ന്ധ​ന വ​ല, പ​രു​ത്തി നൂ​ലു​ക​ൾ കൊ​ണ്ട് നി​ർ​മ്മി​ച്ച മ​ത്സ്യ​ബ​ന്ധ​ന വ​ല​യാ​യ അ​ൽ-​ലി​ഖ് എ​ന്നി​വ​യും ഇ​വി​ടെ കാ​ണാം. സ്രാ​വു​ക​ളെ പി​ടി​ക്കാ​ൻ ഉ​പ​യോ​ഗി​ക്കു​ന്ന കൊ​ളു​ത്ത് ശ്ര​ദ്ധേ​യ​മാ​ണ്. ഈ​യ ക​ട്ടി​ക​ളു​ടെ സ​ഹാ​യ​ത്തോ​ടെ​യാ​ണ് ഈ ​കൊ​ളു​ത്ത് താ​ഴേ​ക്ക് കൊ​ണ്ട​പോ​കു​ന്ന​ത്.

സാ​ല​റ്റ് എ​ന്ന​റി​യ​പ്പെ​ടു​ന്ന ച​ര​ടു​ക​ളാ​ണ് ഇ​തി​ൽ ബ​ന്ധി​പ്പി​ച്ചി​രി​ക്കു​ന്ന​ത്. ‘ഗ​ർ​ഗൂ​ർ’ എ​ന്ന​പേ​രി​ൽ അ​റി​യ​പ്പെ​ടു​ന്ന താ​ഴി​ക​ക്കു​ട​ത്തി​ന്‍റെ രൂ​പ​ത്തി​ലു​ള്ള ഒ​രു നൂ​ത​ന കെ​ണി​യാ​ണ്, മ​ത്സ്യ​ത്തെ ഉ​പ​ദ്ര​വി​ക്കാ​തെ പി​ടി​ക്കാ​ൻ ഉ​പ​യോ​ഗി​ച്ചി​രു​ന്ന​ത്. ആ​ന​ക്കൊ​മ്പു​ക​ൾ കൊ​ണ്ട് നി​ർ​മ്മി​ച്ച ഒ​രു ചീ​പ്പ് ഇ​ന്ത്യ​യു​മാ​യു​ള്ള വ്യാ​പാ​ര ബ​ന്ധ​ത്തി​ന്‍റെ കൂ​ടി അ​ട​യാ​ള​മാ​ണ്. ഇ​ന്ത്യ​യി​ൽ നി​ന്നാ​ണ് ഇ​ത്ത​രം വ​സ്തു​ക്ക​ൾ എ​ത്തി​യി​രു​ന്ന​ത്.

ഓ​രോ കാ​ഴ്ച്ച​ക​ളും ക​ണ്ടാ​സ്വ​ദി​ക്കു​വാ​നാ​യി ത​യ്യാ​റാ​ക്കി​യ മു​റി​ക​ൾ പെ​ട്ടെ​ന്ന് ക​ട​ലാ​യി രൂ​പാ​ന്ത​ര​പ്പെ​ടു​ന്ന​തും കാ​ഴ്ച്ച​ക്കാ​ർ ഒ​രു വേ​ള പ​ഴ​മ​യി​ലേ​ക്ക് തി​രി​ച്ചു​പോ​കു​ന്ന​തു​മാ​യി തോ​ന്നു​ന്ന വി​ധ​ത്തി​ലാ​ണ് ഇ​വി​ടെ ഓ​രോ മു​റി​യും ചി​ട്ട​പ്പെ​ടു​ത്തി​യി​രി​ക്കു​ന്ന​ത്. തി​ര​മാ​ല​ക​ളു​ടെ സം​ഗീ​തം കാ​തി​ൽ നി​ന്ന് ഒ​ഴി​ഞ്ഞു​പോ​കാ​ൻ കൂ​ട്ടാ​ക്കു​ക​യി​ല്ല. ക​ട​ൽ കാ​ക്ക​ൾ ത​ല​ക്ക് മു​ക​ളി​ൽ വ​ട്ട​മി​ട്ട് പ​റ​ക്കു​ന്നു​ണ്ടോ​യെ​ന്ന് തോ​ന്നി​പ്പോ​കും. സാ​ങ്കേ​തി​ക വി​ദ്യ​ക​ൾ വി​ര​ള​മാ​യി​രു​ന്ന കാ​ല​ത്ത് മു​ത്തു​ക​ൾ തേ​ടി ക​ട​ലാ​ഴ​ങ്ങ​ളി​ലേ​ക്ക് പോ​യ​വ​രു​ടെ ച​ങ്കു​റ​പ്പി​ന്‍റെ ര​സ​ത​ന്ത്രം വി​സ്മ​യ​പ്പെ​ടു​ത്തും. യു.​എ.​ഇ​യു​ടെ പു​രോ​ഗ​തി​യു​ടെ ഓ​രോ പ​ട​വു​ക​ളി​ലും ക​ട​ൽ പാ​ട്ടു​ക​ളു​ടെ​യും തി​ര​മാ​ല​ക​ളു​ടെ​യും സാ​ന്നി​ധ്യം വാ​യി​ച്ച​റി​യു​മാ​വാ​നു​ള്ള കേ​ന്ദ്ര​മാ​ണ് ഷാ​ർ​ജ മാ​രി​ടൈം മ്യൂ​സി​യം. കു​ടും​ബ​ത്തോ​ടൊ​ന്നി​ച്ച് ഒ​രി​ക്ക​ലെ​ങ്കി​ലും ഇ​വി​ടെ എ​ത്ത​ണം. ന​ഗ​ര​ങ്ങ​ളെ വ​ള​ർ​ത്തി​യെ​ടു​ത്ത തി​ര​മാ​ല​ക​ളു​ടെ ച​രി​ത്രം കാ​ണ​ണം.