പേ​രും പോ​രും

ന​വോ​ത്ഥാ​ന നേ​തൃ​ത്വ​മാ​യി പി​ന്നീ​ട് പ്ര​കാ​ശം പ​ര​ത്തി​യ വൈ​കു​ണ്ഠം സ്വാ​മി​ക്ക് അ​ച്ഛ​നും അ​മ്മ​യു​മി​ട്ട പേ​ര് ‘മു​ടി​ചൂ​ടും പെ​രു​മാ​ൾ’ എ​ന്നാ​യി​രു​ന്നു. എ​ന്നാ​ൽ, വൈ​കു​ണ്ഠം സ്വാ​മി​യെ​ന്ന പേ​ര് സ്വ​ന്തം കാ​ലം അ​ദ്ദേ​ഹ​ത്തി​ന് ന​ൽ​കി​യ​തും, അ​ദ്ദേ​ഹം സ്വ​യം സ്വീ​ക​രി​ച്ച​തു​മാ​യ പേ​രാ​ണ്. പ​ക്ഷേ, അ​ക്കാ​ല​ത്തെ യാ​ഥാ​സ്ഥി​തി​ക​രാ​യ ജാ​തിമേ​ൽ​േ​കാ​യ്മാ ശ​ക്തി​ക​ൾ മു​ടി​ചൂ​ടും പെ​രു​മാ​ൾ എ​ന്ന പേ​ര് വെ​ട്ടി ‘മു​ത്തു​ക്കു​ട്ടി’ എ​ന്നാ​ക്കി മാ​റ്റി​യി​ല്ലാ​യി​രു​ന്നു​വെ​ങ്കി​ൽ, ഇ​ന്നും ‘വൈ​കു​ണ്ഠം സ്വാ​മി​ക​ൾ’ ഒ​രു​പ​ക്ഷേ സാ​ക്ഷാ​ൽ ‘മു​ടി​ചൂ​ടും പെ​രു​മാ​ൾ’ എ​ന്ന പേ​രി​ൽത​ന്നെ ന​മു​ക്കി​ട​യി​ൽ നി​ല​നി​ൽ​ക്കു​മാ​യി​രു​ന്നു.

അ​ങ്ങ​നെ സം​ഭ​വി​ക്കാ​തെ​പോ​യ​ത് സ്വ​ന്തം പേ​രി​ടാ​നു​ള്ള അ​വ​കാ​ശം​പോ​ലും അ​ടി​സ്ഥാ​ന ജ​ന​ത​ക്ക് നി​ഷേ​ധി​ക്ക​പ്പെ​ട്ട​തു​കൊ​ണ്ടാ​ണ്. സ്വ​ന്തം മ​ക്ക​ൾ​ക്ക് ‘ഇ​ഷ്ട​മു​ള്ള’ എ​ന്തുപേ​രും വി​ളി​ക്കാ​നു​ള്ള അ​വ​കാ​ശ​ത്തി​നു​വേ​ണ്ടി ന​ട​ന്ന സ​മ​ര​ങ്ങ​ൾ​കൂ​ടി ഉ​ൾ​പ്പെ​ട്ട​താ​ണ് ന​വോ​ത്ഥാ​നം. ‘മം​ഗ​ള​ക​ര​മാ​യ പേ​ര്’ സ​വ​ർ​ണ​ർ​ക്കുമാ​ത്രം പ​രി​മി​ത​പ്പെ​ടു​ത്തു​ക​യും അ​തി​നെ ‘മ​താ​ടി​സ്ഥാ​ന​ത്തി’​ൽ സാ​ധൂ​ക​രി​ക്കു​ക​യും ചെ​യ്ത വേ​റൊ​രു രാ​ഷ്ട്ര​വും ലോ​ക​ത്തി​ൽ ഉ​ണ്ടാ​യി​ട്ടു​ണ്ടാ​വു​മെ​ന്ന് തോ​ന്നു​ന്നി​ല്ല. സാ​മി ആ​ന​ന്ദ​തീ​ർ​ഥ​ൻ ‘അ​ടി​സ്ഥാ​ന ജ​ന​വി​ഭാ​ഗ’​ത്തി​ലെ കു​ട്ടി​ക​ളു​ടെ പേ​രി​നൊ​പ്പം വാ​ര്യ​ർ, ശ​ർ​മ, ത​മ്പു​രാ​ൻ എ​ന്നീ ​പ്ര​കാ​ര​മു​ള്ള ‘ആ​ഭി​ജാ​ത്യ’ അ​വ​ശി​ഷ്ട​ങ്ങ​ൾ വെ​ച്ചു​പി​ടി​പ്പി​ക്കാ​ൻ ശ്ര​മി​ച്ച​തും, ആ ​ശ്ര​മ​ത്തി​ൽ അ​ദ്ദേ​ഹം വീ​ണു​പോ​യ​തും കേ​ര​ള​ത്തി​ന്റെ സാം​സ്കാ​രി​ക ച​രി​ത്ര​ത്തി​ലെ കൗ​തു​ക​ക​ര​മാ​യ ഒ​ര​ധ്യാ​യ​മാ​ണ്.

‘വാ​ൽ’ എ​ന്ന് ക​രു​ത​പ്പെ​ട്ട ജാ​തി​പ്പേ​രു​ക​ൾ, ശ​രി​ക്കു​ള്ള പേ​രി​നൊ​പ്പം ചേ​ർ​ത്താ​ലും ഇ​ല്ലെ​ങ്കി​ലും അ​തൊ​രു ‘ശി​ര​സ്സ്’ ത​ന്നെ​യാ​ണെ​ന്നാ​ണ് ആ​ന​ന്ദ​തീ​ർ​ഥ​രു​ടെ ‘പേ​ര് പ്ര​ക്ഷോ​ഭ പ​രി​ഷ്ക​ര​ണ പ​രീ​ക്ഷ​ണം തെ​ളി​യി​ച്ച​ത്. ആ​രു​ടെ​യെ​ങ്കി​ലും പേ​രി​ന്റെ കൂ​ടെ ‘ചു​മ്മാ’ ആ​​ഢ്യ​ജാ​തി​വാ​ലു​ക​ൾ’ ചേ​ർ​ത്താ​ലും ജാ​തി​മേ​ൽ​ക്കോ​യ്മാ പ്ര​ത്യ​യ​ശാ​സ്ത്രം പ്ര​വ​ർ​ത്തി​ക്കു​ന്നി​ട​ത്തോ​ളം കാ​ലം അ​തി​നു ആ ​ജാ​തി പ്ര​ത്യ​യ​ശാ​സ്ത്ര​ത്തെ വെ​ല്ലു​വി​ളി​ച്ചു​കൊ​ണ്ട് ഒ​രു സ​ജീ​വ പ്ര​വ​ണ​ത​യാ​യി ജാ​തി സ​മൂ​ഹ​ത്തി​ൽ നി​ല​നി​ൽ​ക്കാ​ൻ ക​ഴി​യി​ല്ല.

തോ​ട്ടി​യു​ടെ മ​ക​ന് ‘മോ​ഹ​ന​ൻ’ എ​ന്ന് പേ​രി​ട്ട​പ്പോ​ഴു​ണ്ടാ​യ ‘ഭൂ​ക​മ്പം’ ത​ക​ഴി മു​മ്പെഴു​തി​യ​ത് പു​തി​യ കാ​ല​ത്തി​ന് ആ ​വി​ധം ബാ​ധ​ക​മ​ല്ലാ​താ​യി മാ​റി​യ​ത്, നി​ര​വ​ധി പ്ര​ക്ഷോ​ഭ​ങ്ങ​ൾ​ക്കു ശേ​ഷ​മാ​ണെ​ന്ന് മ​റ​ന്നു​പോ​യാ​ൽ, ന​വ​ഫാ​ഷി​സ്റ്റു​ക​ൾ ക​ളി​ക്കു​ന്ന ‘പേ​ര് വ​ട്ട’ക​ളി​കളിൽ മ​നു​ഷ്യ​ർ അ​റി​യാ​തെ വീ​ണു​പോ​വും!

ഒ​രു രാ​ജാ​വെ​ന്ന നി​ല​യി​ൽ ‘രാ​ജ​വാ​ഴ്ച​ക്കാ​ല​ത്തെ’ പ​രി​മി​തി​ക​ൾ ടി​പ്പു സു​ൽ​ത്താ​നി​ലും തെ​ളി​ഞ്ഞു​കാ​ണാ​നാ​വും. എ​ങ്കി​ലും ഞാ​നൊ​രു പ്ര​ജ​യ​ല്ലെ​ന്ന് സാ​മ്രാ​ജ്യ​ത്വ-​രാ​ജ​ഭ​ര​ണ കാ​ല​ത്ത് പ്ര​ഖ്യാ​പി​ച്ച്, സ്വ​ന്തം ത​ല​സ്ഥാ​ന​ത്ത് ഫ്രഞ്ച് വിപ്ലവം ആഘോഷിച്ച് ‘സ്വാ​ത​ന്ത്ര്യ​ത്തി​ന്റെ ചെ​ടി ന​ട്ട’ ജാ​തി​മേ​ൽ​ക്കോ​യ്മ​യു​ടെ മ​ർ​മം പൊ​ളി​ക്കും​വി​ധ​മു​ള്ള ഭൂ​പ​രി​ഷ്ക​ര​ണം ന​ട​പ്പി​ലാ​ക്കി​യ അ​പ​മാ​ന​ക​ര​മാ​യ ‘മാ​റു​മ​റ​യ്ക്ക​ൽ നി​കു​തി’ ‘വെ​ട്ടി​മാ​റ്റി​യ’, സാ​മ്രാ​ജ്യ​ത്വ​ത്തെ കി​ടി​ലംകൊ​ള്ളി​ക്കും​ വി​ധം പൊ​രു​തി​, സ്വ​യം ര​ക്ഷ​പ്പെ​ടാ​ൻ പ​ഴു​തു​ക​ളേ​റെ​യു​ണ്ടാ​യി​ട്ടും ധീ​ര​മാ​യി അ​വ​സാ​നം​വ​രെ പ്ര​തി​രോ​ധി​ച്ച ടി​പ്പു സു​ൽ​ത്താ​നെ മാ​റ്റിനി​ർ​ത്തി, ഒ​രാ​ധു​നി​ക കേ​ര​ള ച​രി​ത്ര​മെ​ഴു​തു​ക അ​സാ​ധ്യ​മാ​വും. ടി​പ്പു കൊ​ല്ല​പ്പെ​ട്ടു​വെ​ന്ന് ഉ​റ​പ്പാ​​യ​പ്പോ​ൾ, ബ്രി​ട്ടീ​ഷ് സാ​മ്രാ​ജ്യ​ത്വാ​നു​കൂ​ലി​ക​ൾ, അ​താ​ഘോ​ഷി​ച്ച​ത് കു​ടി​ച്ചുകൂ​ത്താ​ടി​യാ​ണ്. ഇ​ന്ത്യ​യി​ൽ മാ​ത്ര​മ​ല്ല, ​ബ്രി​ട്ട​നി​ലും!

സ്വ​ന്തം ‘ശൗ​ര്യ​മു​ള്ള’ പ​ട്ടി​ക്ക് ‘ച​രി​ത്ര​ബോ​ധ​മി​ല്ലാ​ത്ത​വ​ർ​ക്ക്’ എ​ന്തുകാ​ര്യം! കൊ​ണ്ടാ​യാ​ലും ‘ടി​പ്പു’ എ​ന്ന് പേ​രി​ടാ​വു​ന്ന​താ​ണ്. അ​ത് ശ​രി​യാ​യാ​ലും തെ​റ്റാ​യാ​ലും അത​വ​രു​ടെ സ്വാ​ത​ന്ത്ര്യം! എ​ന്നാ​ൽ, സ്വ​ന്തം ഉ​ട​മ​യെ ഒ​റ്റു​കൊ​ടു​ക്കു​ന്ന, വേ​ണ്ടി​വ​ന്നാ​ൽ ക​ടി​ച്ചു​കൊ​ല്ലു​ന്ന പ​ട്ടി​ക്ക് ‘ച​രി​ത്ര​ബോ​ധ​മു​ള്ള​വ​ർ​ക്ക്’ ഗോ​ദ്സെ എ​ന്ന് പേ​രി​ടാ​വു​ന്ന​താ​ണ്! അ​ത്ഭു​തം! ഇ​തു​വ​രെ​യും ആ ​പേ​രി​ൽ എ​നി​ക്കൊ​രു പ​ട്ടി​യെ കാ​ണാ​ൻ ക​ഴി​ഞ്ഞി​ട്ടി​ല്ല. ആ​ൾ​ക്കാ​ർ​ക്കൊ​ക്കെ ച​രി​ത്ര​ബോ​ധം കൂ​ടി​യ​തു​കൊ​ണ്ടാ​ണോ, അ​ത​ല്ലെ​ങ്കി​ൽ ഒ​രു പ​ട്ടി​യെ​പ്പോലും ആ ​പേ​രി​ട്ട് അ​വ​ഹേ​ളി​ക്കേ​ണ്ടെ​ന്ന് അ​വ​ർ ക​രു​തി​യതു​െകാണ്ടാവുമോ, ആ​​വോ!

ബ​ത്തേ​രി എ​ന്ന വാ​ക്ക് പീ​ര​ങ്കി​ത്താ​വളം എ​ന്ന​ർ​ഥ​മു​ള്ള ഒ​രു പോ​ർചു​ഗീ​സ് വാ​ക്കാ​ണ്. അ​തെ​ങ്ങ​നെ വ​ന്നു, എ​പ്പോ​ൾ വ​ന്നു, എ​ന്നൊ​ക്കെ വി​ശ​ദ​മാ​യി അ​ന്വേ​ഷി​ക്കാ​വു​ന്ന​താ​ണ്. ‘സു​ൽ​ത്താ​ൻ ബ​ത്തേ​രി’ എ​ന്ന ഇ​പ്പോ​ഴ​റി​യ​പ്പെ​ടു​ന്ന വി​സ്തൃ​ത പ്ര​ദേ​ശ​ത്തി​ന​ക​ത്ത് ‘ഗ​ണ​പ​തി​വ​ട്ട’​ത്തി​നും ‘ശാ​ശ്വ​ത​മാ​യി’ വി​ശ്ര​മി​ക്കാ​വു​ന്ന​താ​ണ്. എ​ന്നാ​ൽ, ആ ​പ്ര​ദേ​ശ​ത്തെ ജ​ന​ങ്ങ​ളു​ടെ സ​ർ​വ​തോ​മുഖ​മാ​യ അ​ഭി​വൃ​ദ്ധി​ക്ക് നി​ല​വി​ലെ ഏ​ക ത​ട​സ്സം ടി​പ്പു സു​ൽ​ത്താ​ന്റെ സ്മ​ര​ണ​ക​ൾ ഇ​ര​മ്പു​ന്ന ആ​യൊ​രു പേ​രാ​ണെ​ങ്കി​ൽ, ആ ​പേ​ര് ഒ​ര​വ​ശി​ഷ്ടംപോ​ലും ബാ​ക്കി​വെ​ക്കാ​തെ പ​റി​ച്ചെ​റി​യു​ക​ത​ന്നെ വേ​ണം.

ഒ​രൊ​റ്റ ഗാ​ര​ന്റി! അ​തോ​ടെ സു​ൽ​ത്താ​ൻ ബ​ത്തേ​രി​യി​ലെ വ​ന്യ​ജീ​വിശ​ല്യം ഒ​ഴി​വാ​ക​ണം, തൊ​ഴി​ല​വ​സ​ര​ങ്ങ​ൾ വ​ർ​ധി​ക്ക​ണം, സാ​മു​ദാ​യി​ക സൗ​ഹാ​ർ​ദം ശ​ക്ത​മാ​വ​ണം. അ​പ്ര​സ​ക്ത പ്ര​ശ്ന​ങ്ങ​ളു​ടെ വെ​ള്ള​പ്പൊ​ക്കം ഉ​ണ്ടാ​ക്കി ജീ​വ​ൽപ്ര​ശ്ന​ങ്ങ​ളെ മു​ക്കി​ക്കൊ​ല്ലു​ന്ന സ്ഥിരം നവ ഫാഷിസ്റ്റ് പ്ര​വ​ണ​ത​ക​ൾ അ​വ​സാ​നി​ക്ക​പ്പെ​ട​ണം. എ​ങ്കി​ൽ, എ​ങ്കി​ൽമാ​ത്രം, എ​ന്തു​പേ​രി​ട്ടാ​ലും ഒ​രു കു​ഴ​പ്പ​വു​മി​ല്ല! അ​ല്ലെ​ങ്കി​ലും മു​മ്പേ പൊരുതിമരിച്ച ധീര സു​ൽ​ത്താ​ൻ പോ​ട്ടെ, പ​ക​രം ആ​ര് വേ​ണ​മെ​ങ്കി​ലും വ​ര​ട്ടെ, ആ ​പ്ര​ദേ​ശ​ത്തി​നാ​കെ ഒ​രു ‘ഐ​ശ്വ​ര്യം’ വ​ന്നു​ചേ​രു​മെ​ങ്കി​ൽ!

ഇ​ത്ര​യും പ​റ​യാ​ൻ കാ​ര​ണം, മു​ഗ​ൾസ​രാ​യ് സ്റ്റേ​ഷ​നി​ലും പി​ന്നീ​ട് ‘ദീ​ന​ദ​യാ​ൽ ഉ​പാ​ധ്യാ​യ’ സ്റ്റേ​ഷ​ൻ എ​ന്ന് ആ ​സ്റ്റേ​ഷ​ന്റെ പേ​ര് മാ​റ്റി​യ ഉ​ട​നെ​യും അ​വി​ടെ പോ​വാ​ൻ അ​വ​സ​രം ല​ഭി​ച്ചി​രു​ന്നു. മു​ഗ​ള​ന്മാ​ർ പോ​യി ‘ഉ​പാ​ധ്യാ​യ’ വ​ന്നി​ട്ടും ആ ​സ്റ്റേ​ഷ​ന് ഒ​രു​യ​ർ​ച്ച​യു​ള്ള​താ​യി തോ​ന്നി​യി​ല്ല. ചു​രു​ണ്ടുകി​ട​ക്കു​ന്ന പ​ട്ടി​ക​ൾ, അ​ല​ഞ്ഞു​ന​ട​ക്കു​ന്ന പ​ശു​ക്ക​ൾ, ദു​ർ​ഗ​ന്ധം വ​മി​ക്കു​ന്ന പ​രി​സ​രം... പഴയ ആ മുഗൾസരായ് ​സ്റ്റേഷന് ഒരു മാറ്റവുമില്ല. പേ​രി​ൽ മാ​ത്ര​മാ​ണ് മാ​റ്റ​മു​ണ്ടാ​യി​ട്ടു​ള്ള​ത്! ഇ​ത് ദീ​ന​ദ​യാ​ൽ ഉ​പാ​ധ്യായയോ​ട് ചെ​യ്യു​ന്ന അ​ന്യാ​യ​മാ​ണ്. പേ​ര് മാ​റ്റ​ത്തോ​ടെ ഡി.​ഡി.​യു സ്റ്റേ​ഷ​ന്റെ സൗ​ക​ര്യം വ​ർ​ധി​ച്ചി​രു​ന്നെ​ങ്കി​ൽ, പേ​രു​മാ​റ്റ​ത്തോ​ട് എ​തി​ർ​പ്പു​ള്ള​വ​ർ​പോ​ലും പ​റ​യു​മാ​യി​രു​ന്നു: സം​ഗ​തി കൊ​ള്ളാം, ‘ച​രി​ത്രം പോ​യി തു​ല​ഞ്ഞാ​ലും’ മ​നു​ഷ്യ​ർ​ക്ക് മൂ​ക്കു​പൊ​ത്താ​തെ നി​ൽ​ക്കാ​നാ​വു​മെ​ന്ന ഒ​ര​വ​സ്ഥ​യെ​ങ്കി​ലും വ​ന്ന​ല്ലോ എ​ന്ന്! വെ​റും വൈ​കാ​രി​ക ഗു​ണ്ട് മാ​ത്രം പൊ​ട്ടി​ച്ചതുകൊണ്ട് ഒരു കാ​ര്യ​വു​മി​ല്ല. വൈ​വി​ധ്യ​ത്തി​നു​വേ​ണ്ടി ഇ​ട​ക്കൊ​രു സൗ​ഹൃ​ദ​ത്തി​ന്റെ പൂ​ത്തി​രി​യു​മാ​വാം. എ​ന്താ​ലേ!

തൊ​ണ്ണൂ​റു കൊ​ല്ലം മു​മ്പ് ഇ​ന്ത്യ​യു​ടെ അ​ഭി​മാ​ന​മാ​യ ര​വീ​ന്ദ്ര​നാ​ഥ് ടാ​ഗോ​ർ ‘പ​രി​ശു​ദ്ധാ​ത്മ ദ​ർ​ശ​ന’​ത്തി​ന് പി​റ​കി​ലെ ‘തി​രോ​ഭാ​വ കൗ​ശ​ല’​ത്തെ​ക്കു​റി​ച്ച് പ​റ​ഞ്ഞ​തും, 1968 മുതൽ ​ച​രി​ത്രം തി​രു​ത്തി​യെ​ഴു​താ​ൻ പു​രു​ഷോ​ത്തം നാ​ഗേ​ഷ് ഓ​ക് അ​നൗ​ദ്യോ​ഗി​ക​മാ​യി ന​ട​ത്തി​യ ശ്ര​മ​ങ്ങ​ളും 2018 മാ​ർ​ച്ച് 18ന് ​ഇ​ന്ത്യ​യി​ൽ ച​രി​ത്രം തി​രു​ത്താ​നു​ള്ള ഔ​ദ്യോ​ഗി​ക ക​മീ​ഷ​ൻത​ന്നെ നി​ല​വി​ൽ​വ​ന്ന​തും അ​തി​നു​മൊ​ക്കെ എ​ത്ര​യോ മു​മ്പ് ഇ​ന്ത്യ​ൻ ന​വ​ഫാ​ഷി​സം രൂ​പ​ക​ൽ​പ​ന ചെ​യ്ത ‘പു​ണ്യ​ഭൂ​മി’​യെ​ന്ന കാ​ഴ്ച​പ്പാ​ടും കൂ​ടി​ച്ചേ​രു​മ്പോ​ഴാ​ണ് ‘ഗ​ണ​പ​തി​വ​ട്ട മോ​ഡ​ൽ’ വി​വാ​ദ​ങ്ങ​ൾ​ക്ക് കൊ​ഴു​പ്പ് കൂ​ടു​ന്ന​ത്. അ​ങ്ങ​നെ​യാ​ണ് തോ​ൽ​ക്കു​മെ​ന്നു​റ​പ്പു​ള്ള ഒ​രു സ്ഥാ​നാ​ർ​ഥി ‘ഒ​ന്നാം​വ​ട്ട’ തെ​ര​ഞ്ഞെ​ടു​പ്പി​ൽ ആ​യൊ​രു ഗു​ണ്ടു​പൊ​ട്ടി​ച്ച് ജ​യി​ച്ചു​ക​യ​റു​ന്ന​ത്. ഇ​ന്ത്യ​ൻ ന​വ​ഫാ​ഷി​സം കു​ത്തു​ന്ന ച​തി​ക്കു​ഴി​ക​ൾ കാ​ണു​ക​ത​ന്നെ വേ​ണം. അ​തി​നെ പ്ര​തി​രോ​ധി​ക്കു​ന്ന​വ​ർ പ​ക്ഷേ അ​തി​ൽ ചെ​ന്ന് വീ​ഴേ​ണ്ട ഒ​രു കാ​ര്യ​വു​മി​ല്ല.

ഭൂ​ട്ടാ​നും നേ​പ്പാ​ളും, എ​ന്തി​ന് ആ ‘​പാ​വം’ ബം​ഗ്ലാ​ദേ​ശ് പോ​ലും ആ​ഹ്ലാ​ദ​ത്തി​ന്റെ ആ​ഗോ​ള​സൂ​ചി​ക പ​ട്ടി​ക​യി​ൽ ന​മ്മു​ടെ ഇ​ന്ത്യ​ക്ക് മു​ക​ളി​ലാ​ണ​ത്രെ! വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യും സാ​മൂ​ഹി​ക അ​ര​ക്ഷി​ത​ത്വ​വും വ​ല്ലാ​തെ വ​ർ​ധി​ക്കു​ന്ന​തും ന​മ്മ​ൾക്കി​പ്പം അ​ത്ര പ്ര​ശ്ന​മ​ല്ല. ന​മു​ക്ക് ‘ഗു​ർ​ഗോ​ൺ’, ഗു​രു​ഗ്രാ​ം ആയതും ‘മീ​വാ​ത്ത്’ ‘നൂ​ഹ്’ ആയതും ‘മി​യാ​ൻ കാ​ ബാ​ര’ ‘മ​ഹേ​ശ് ന​ഗ​ർ’ ആയതും, ‘ഫൈ​സാ​ബാ​ദ്’ ‘അ​യോ​ധ്യ’​ ആയതും ഓർ​ത്ത് ആ​ഹ്ലാ​ദി​ക്കാം. പേ​രി​ലും പൊ​രു​ളി​ലും പൂ​ക്ക​ളി​ലു​മ​ല്ല, എ​ങ്ങ​നെ​യെ​ങ്കി​ലും ക​ല​ഹം വ​ർ​ധി​പ്പി​ച്ചേ​ക്കു​മെ​ന്ന് പ്ര​തീ​ക്ഷി​ക്ക​പ്പെ​ടു​ന്ന ചി​ല പുരാണ ‘പേ​രു​ക​ളി​ലാ​ണ്’ അ​ധി​കാ​രി​ക​ൾ​ക്കി​പ്പോ​ൾ ഏ​റെ പ്രി​യം!

എ​ന്റെ ബാ​പ്പ ചെ​റി​യ​തോ​തി​ൽ പ​ല​ച​ര​ക്ക് ക​ച്ച​വ​ടം ന​ട​ത്തി​യി​രു​ന്നു. സ്കൂ​ൾ വി​ട്ട് വ​ന്നാ​ൽ, സാ​ധ​ന​ങ്ങ​ൾ എ​ടു​ത്തു​കൊ​ടു​ക്കാ​ൻ ഞാ​നും അ​ക്കാ​ല​ങ്ങ​ളി​ൽ അദ്ദേഹത്തെ സ​ഹാ​യി​ക്കാ​റു​ണ്ടാ​യി​രു​ന്നു. അ​ന്നൊ​ക്കെ പാ​ട​ത്തും പ​റ​മ്പി​ലും പ​ണി​ക​ഴി​ഞ്ഞ് വ​രു​ന്ന തൊ​ഴി​ലാ​ളി​ക​ൾ നേ​രെ പീ​ടി​ക​യി​ലേ​ക്ക് വ​രും. കു​പ്പാ​യ​മൊ​ന്നും ശ​രി​ക്കും ഇ​ട്ടി​ട്ടു​ണ്ടാ​വി​ല്ല. കൈനീ​ട്ടി ത​ല​യി​ൽ പൊ​ത്താ​ൻ ‘കാ​കു​യി​ൽ’ എ​ണ്ണ ചോ​ദി​ക്കും. ഒ​ഴി​ച്ചു​കൊ​ടു​ക്കു​ന്ന എ​ണ്ണ​കൊ​ണ്ട​വ​ർ ത​ല​യി​ൽ പൊ​ത്തും മേ​ലും തേ​ക്കും! എ​ത്ര തി​ര​ക്കു​ണ്ടെ​ങ്കി​ലും, കൈ​നീ​ട്ടി​പ്പി​ടി​ച്ചു​നി​ൽ​ക്കു​ന്ന തൊ​ഴി​ലാ​ളി​ക്ക് ആ​ദ്യം എ​ണ്ണ ചോ​ദി​ച്ച​തി​ലും കു​റ​ച്ച​ധി​കം ഒ​ഴി​ച്ചു​കൊ​ടു​ക്കും. മാ​ഷു​മ്മാ​രൊ​ക്കെ സാ​ധ​ന​ങ്ങ​ൾ വാ​ങ്ങാ​നു​ള്ള ലി​സ്റ്റു​മാ​യി അ​പ്പു​റ​ത്തു നി​ൽ​ക്കു​ന്നു​ണ്ടാ​വും. അ​തൊ​ന്നും പ്ര​ശ്ന​മ​ല്ല. വ​ള​രെ കാ​ല​ങ്ങ​ൾ​ക്കുശേ​ഷം ആ ​കാ​ക്കു​യി​ൽ ഞാ​ൻ ക​ണ്ട​ത് പ്ര​ശ​സ്ത ക​വി എ​ൻ.​പി. ച​ന്ദ്ര​ശേ​ഖ​ര​ന്റെ ഒ​രു ക​വി​ത​യി​ൽ ‘അ​ലി​വു​പാ​ത്രം’ എ​ന്ന പേ​രി​ലാ​ണ്. ശ​രി​ക്കു​ള്ള കാ​ക്കു​യി​ൽ കാ​ണ​ണ​മെ​ങ്കി​ൽ ഇ​ന്ന് മ്യൂ​സി​യ​ത്തി​ൽ പോ​വ​ണം. അ​തി​ൽ പ്ര​ശ്ന​മി​ല്ല. എ​ന്നാ​ൽ, ക​വി ‘അ​ലി​വു​പാ​ത്രം’ എ​ന്ന് ശ​രി​ക്കും മ​ന​സ്സ​റി​ഞ്ഞ് വി​ളി​ച്ച ആ ‘കാ​ക്കു​യി​ൽ സ്നേ​ഹ മാ​ന​സി​കാ​വ​സ്ഥ’ ‘മ്യൂ​സി​യം പീ​സാ​യാ​ൽ’ പി​ന്നെ നാം ​ന​മ്മ​ളെ മ​നു​ഷ്യ​രെ​ന്ന് വി​ളി​ച്ചു​ന​ട​ന്നി​ട്ട് ഒ​രു കാ​ര്യ​വു​മി​ല്ല. ചി​ല​രു​ടെ​യൊ​ക്കെ പോ​ക്ക് ക​ണ്ടി​ട്ട് ഇ​തി​വി​ടം​കൊ​ണ്ടൊ​ന്നും അ​വ​സാ​നി​ക്കു​മെ​ന്ന് തോ​ന്നു​ന്നി​ല്ല.

പ്ര​ദേ​ശ​ങ്ങ​ൾ​ക്ക്, റോ​ഡു​ക​ൾ​ക്ക്, സ്ഥാ​പ​ന​ങ്ങ​ൾ​ക്ക്, ക​പ്പ​ൽ-റോ​ക്ക​റ്റു​ക​ൾ​ക്ക്, വി​മാ​ന​ത്താ​വ​ള-തു​റ​മു​ഖ​ങ്ങ​ൾ​ക്ക്, സ്കൂ​ൾ-സ​ർ​വ​ക​ലാ​ശാ​ല​ക​ൾ​ക്ക് കൊ​ടു​ക്കാ​വു​ന്ന, കൊ​ണ്ടാ​ടാ​വു​ന്ന, ജ​ന​കീ​യ​ത ഇ​ര​മ്പു​ന്ന എ​ത്ര​യെ​ത്ര പേ​രു​ക​ളു​ണ്ട്? അ​ഭി​മാ​ന​ത്തോ​ടെ, അ​തി​ലേ​റെ ആ​വേ​ശ​ത്തോ​ടെ ആ​ഘോ​ഷി​ക്കേ​ണ്ട എ​ത്ര​യെ​ത്ര ഓ​ർ​മ​ക​ളു​ണ്ട്. ‘ക്ഷീ​ര​മു​ള്ളോ​ര​കി​ടി​ൻ ചു​വ​ട്ടി​ലും ചി​ല​ർ​ക്ക് എ​ന്നി​ട്ടും ചോ​ര​യി​ൽ’ പ്രി​യം എ​ന്ന പ​തി​വ് വാ​ക്യം ഇ​ന്ന​ത്തെ ഇ​ന്ത്യ​ൻ-​ഭാ​ര​ത അ​വ​സ്ഥ​യി​ൽ ര​ണ്ട് കാ​ര്യ​ങ്ങ​ളാ​ൽ അ​പ​ര്യാ​പ്ത​മാ​ണ്. ഒ​ന്നാ​മ​ത്തേ​ത് കൊ​തു​കി​ന് സ​ത്യ​ത്തി​ൽ വ​ള​രെ കു​റ​ഞ്ഞ ചോ​ര മ​തി. ചോ​ര​പ്പു​ഴ​യൊ​ന്നും, പാവം അ​തി​ന്റെ അ​ജ​ണ്ട​യി​ലി​ല്ല. ര​ണ്ടാ​മ​ത്തേ​ത് ക്ഷീ​ര​മു​ള്ള പ​ശു​വും അ​തി​ന്റെ അ​കി​ടും ആണ്, മു​മ്പെ​ന്ന​പോ​ലെ ഇ​ന്ന​ത്ര സു​ര​ക്ഷി​തമ​െല്ലന്ന് മാത്രമല്ല ചോരപ്പുഴ ഒഴുക്കും വിധം അപകടകരവുമാണ്.