Begin typing your search above and press return to search.
exit_to_app
exit_to_app
Homechevron_rightCulturechevron_rightRachanachevron_rightകൂറേ... കൂറേ...

കൂറേ... കൂറേ...

text_fields
bookmark_border
koore koore
cancel
camera_alt

ചിത്രീകരണം: അമീർ ഫൈസൽ

ഞാ​ൻ അ​ര​വി​ന്ദാ​ക്ഷ​ൻ പി​ള്ള, പ്രാ​യം അ​റു​പ​ത്തി​യെ​ട്ട്

ഭാ​ര്യ സു​ലോ​ച​ന.

മ​ക്ക​ൾ ര​ണ്ടെ​ണ്ണ​മു​ള്ള​ത് വി​ദേ​ശ​ത്ത് സ​സു​ഖം ജീ​വി​ക്കു​ന്നു. ക​ഴി​ഞ്ഞ മാ​സം ആ​കെ​ക്കൂ​ടി മി​ണ്ടാ​നും പ​റ​യാ​നും കൂ​ട്ടു​ണ്ടാ​യി​രു​ന്ന ഭാ​ര്യ അ​വ​ളു​ടെ പാ​ട്ടി​ന് മ​രി​ച്ചും പോ​യി. ആ​ശ്വാ​സം എ​ന്തെ​ന്നു പ​റ​യ​ട്ടെ, ഭാ​ര്യ​യി​പ്പോ​ൾ ഒ​രു പാ​റ്റ​യാ​യി പു​ന​ർ​ജ​നി​ച്ചി​രി​ക്കു​ക​യാ​ണ്. വ​ള​രെ വി​ദ​ഗ്ധ​മാ​യ നി​രീ​ക്ഷ​ണ​ങ്ങ​ൾ​ക്കൊ​ടു​വി​ൽ ഞാ​ൻ ആ ​സ​ത്യം തി​രി​ച്ച​റി​ഞ്ഞി​രി​ക്കു​ന്നു.

ഭാ​ര്യ​യു​ടെ വി​യോ​ഗ​ത്തി​നു​ശേ​ഷ​മാ​ണ് പാ​റ്റ​ക​ൾ എ​ന്റെ വീ​ട്ടി​ൽ ക​യ​റി താ​മ​സം തു​ട​ങ്ങു​ന്ന​ത്. അ​വ​ളു​ണ്ടാ​യി​രു​ന്ന​പ്പോ​ൾ അ​വ​റ്റ​ക​ളെ വീ​ടി​ന് പ​രി​സ​ര​ത്തേ​ക്ക് അ​ടു​പ്പി​ച്ചി​ല്ല. അ​യ​ൽ​പ​ക്ക​ത്തെ അ​ടു​ക്ക​ള​പ്പു​റ​ത്തു​നി​ന്നും ആ​ർ​ത്തി​യോ​ടെ പാ​റ്റ​ക​ൾ ഞ​ങ്ങ​ളു​ടെ വീ​ട്ടി​ലേ​ക്കു നോ​ക്കും. അ​ടു​ക്ക​ള​ജ​നാ​ല​യി​ലൂ​ടെ പു​ച്ഛ​ത്തോ​ടെ ഭാ​ര്യ പാ​റ്റ​ക​ളെ നോ​ക്കി കൊ​ഞ്ഞ​നം ​കു​ത്തും.

ഇ​പ്പോ​ൾ അ​വ​ളി​ല്ല, പ​ക​രം പാ​റ്റ​ക​ൾ കു​ടും​ബ​സ​മേ​തം വീ​ട്ടി​ൽ വി​ല​സു​ന്നു.

ആ​ദ്യ പാ​റ്റ​യെ ക​ണ്ട ദി​വ​സം അ​സ്വ​സ്ഥ​ത​യോ​ടെ കാ​ലു​ക​ൾ ര​ണ്ടും ഞാ​ൻ ക​ട്ടി​ലി​നു മു​ക​ളി​ലേ​ക്ക് ക​യ​റ്റി​െ​വ​ച്ചു​കൊ​ണ്ട് നി​ശ്ശ​ബ്ദ​നാ​യി ഇ​രു​ന്നു. ആ​ഴ്ച​ക​ൾ ക​ട​ന്നു​പോ​യ​പ്പോ​ൾ പാ​റ്റ​ക​ളു​ടെ കാ​ര്യ​ത്തി​ൽ ഗ​ണ്യ​മാ​യ വ​ർ​ധ​ന ഉ​ണ്ടാ​യി. എ​ന്റെ വീ​ട്ടി​ൽ എ​ന്നേ​ക്കാ​ൾ അ​ധി​കാ​ര​ത്തി​ൽ അ​വ വി​ല​സി. ഞാ​ൻ ഭാ​ര്യ​യെ ഓ​ർ​ത്തു, അ​വ​ൾ ഉ​ണ്ടാ​യി​രു​ന്നു​വെ​ങ്കി​ൽ

കൂ​റേ കൂ​റേ​യെ​ന്ന് നി​ല​വി​ളി​ച്ചു​കൊ​ണ്ട് അ​വ​ക്ക് പി​റ​കി​ലോ​ടി സ​ക​ല എ​ണ്ണ​ത്തെ​യും അ​ന്യാ​യ​മാ​യി വ​ധി​ക്കു​മാ​യി​രു​ന്നു.

എ​നി​ക്ക്‌ കൊ​ല​പാ​ത​ക​ങ്ങ​ൾ ന​ട​ത്തു​ന്ന​തി​നോ​ട് തീ​രെ താ​ൽ​പ​ര്യം തോ​ന്നി​യി​ല്ല.

ആ​ദ്യം പാ​റ്റ​ക​ൾ എ​ന്റെ അ​ടു​ക്ക​ള കൈ​യ​ട​ക്കി

അ​തോ​ടു​കൂ​ടി അ​ടു​ക്ക​ള​യി​ൽ ക​യ​റു​ന്ന ശീ​ലം ഞാ​ൻ പാ​ടെ ഉ​പേ​ക്ഷി​ച്ചു. ഹോ​ട്ട​ൽ ഭ​ക്ഷ​ണം പ​ല​പ്പോ​ഴും ശൗ​ചാ​ല​യ​ത്തി​ലേ​ക്കു​ള്ള എ​ന്റെ സ​ന്ദ​ർ​ശ​നം വ​ർ​ധി​പ്പി​ച്ചു. അ​തി​നോ​ടൊ​പ്പം​ത​ന്നെ എ​ന്റെ ശീ​ല​ങ്ങ​ൾ പ​ല​തും ഞാ​ൻ വേ​ണ്ടെ​ന്നു​വെ​ച്ചും തു​ട​ങ്ങി. വ​ല്ല​പ്പോ​ഴും ഒ​ന്ന് കു​ളി​ക്കും, വ​സ്ത്ര​ങ്ങ​ൾ അ​ല​ക്കാ​തെ മു​ഷി​ഞ്ഞു​നാ​റി​ക്കൊ​ണ്ട് വീ​ടി​ന്റെ മു​ക്കി​ലും മൂ​ല​യി​ലും കി​ട​ന്നു. മു​ഷി​ഞ്ഞ വ​സ്ത്ര​ങ്ങ​ൾ​ക്കു മു​ക​ളി​ൽ പാ​റ്റ​ക​ളും ക​ട്ടി​ലി​നു മു​ക​ളി​ൽ ഞാ​നും കി​ട​ന്ന് രാ​ത്രി​ക​ൾ വെ​ളു​പ്പി​ച്ചു.

അ​ങ്ങ​നെ​യൊ​രു രാ​ത്രി​യി​ലാ​ണ്, ക​ട്ടി​ലി​ൽ കി​ട​ക്ക​യു​ടെ ഓ​ര​ത്തു​നി​ന്നും ഞാ​ൻ ഭാ​ര്യ​യെ ക​ണ്ടെ​ത്തു​ന്ന​ത്. അ​വ​ൾ എ​ന്നെ ഉ​റ്റു​നോ​ക്കി​ക്കൊ​ണ്ട് അ​വി​ടെ​യ​ങ്ങ​നെ ഇ​രി​ക്കു​ക​യാ​ണ്. നാ​ശം ക​യ​റി ക​യ​റി കൂ​ടെ കി​ട​പ്പും തു​ട​ങ്ങി​യോ. ഞാ​ൻ അ​വ​ൾ​ക്കി​ട്ടൊ​രു ത​ട്ട് വെ​ച്ചു​കൊ​ടു​ത്തു. പ​ക്ഷേ, ഞാ​നെ​ത്ര​യൊ​ക്കെ ആ​ഞ്ഞു​തൊ​ഴി​ച്ചി​ട്ടും വീ​ണ്ടും വീ​ണ്ടും അ​തെ​ന്റെ ത​ല​യ​ണ​ക്ക് ഓ​രം വ​ന്നി​രു​ന്നു. ഭാ​ര്യ​ക്ക് അ​ല്ലാ​തെ മ​റ്റാ​ർ​ക്കും ഇ​തു​പോ​ലെ വീ​ണ്ടും എ​ന്റെ അ​രി​കി​ലേ​ക്കു വ​രാ​ൻ സാ​ധി​ക്കി​ല്ലെ​ന്ന് ഞാ​ൻ ഉ​റ​പ്പി​ച്ചു. ആ ​മു​ഖം ഞാ​ൻ സ​സൂ​ക്ഷ്മം വീ​ക്ഷി​ച്ചു. വീ​ക്ഷ​ണ​ങ്ങ​ൾ​ക്കൊ​ടു​വി​ൽ ഞാ​ന​ത​ങ്ങോ​ട്ട് ഉ​റ​പ്പി​ച്ചു.

ഭാ​ര്യ ഒ​രു പാ​റ്റ​യാ​യി പു​ന​ർ​ജ​നി​ച്ചി​രി​ക്കു​ന്നു. 'കൂ​റേ കൂ​റേ' എ​ന്ന് വി​ളി​ച്ചു​കൊ​ണ്ട് അ​വ​ൾ കൊ​ന്നൊ​ടു​ക്കി​യ എ​ണ്ണ​മ​റ്റ പാ​റ്റ​ക​ളു​ടെ ശാ​പ​മാ​കാം. പാ​റ്റ​യെ​ങ്കി​ൽ പാ​റ്റ, എ​നി​ക്ക്‌ ഭാ​ര്യ​യെ വീ​ണ്ടും തി​രി​ച്ചു​കി​ട്ടി​യ​തി​ൽ അ​തി​യാ​യ സ​ന്തോ​ഷം തോ​ന്നി.

പ​തി​യ​പ്പ​തി​യെ പാ​റ്റ​ക​ളോ​ട് മു​ഴു​വ​ൻ എ​നി​ക്ക്‌ അ​ൽ​പ​സ്വ​ൽ​പം സ്നേ​ഹ​മൊ​ക്കെ തോ​ന്നി​ത്തു​ട​ങ്ങി. എ​ന്റെ വീ​ടൊ​രി​ക്ക​ലും ആ​ളി​ല്ലാ​തെ ഒ​ഴി​ഞ്ഞു കി​ട​ന്നി​ല്ല. ഭാ​ര്യ​യും കൂ​ട്ടു​കാ​രി​ത്തി​ക​ളും ആ​ഹ്ലാ​ദ​പൂ​ർ​വം അ​വി​ടെ താ​മ​സി​ച്ചു​പോ​ന്നു. വൈ​കു​ന്നേ​ര​ങ്ങ​ളി​ൽ ഞാ​നും ഭാ​ര്യ​യും ഏ​റെ നേ​രം സം​സാ​രി​ച്ചി​രി​ക്കും. അ​വ​ൾ മ​റു​പ​ടി​യൊ​ന്നു​മി​ല്ലാ​തെ എ​ന്നെ കേ​ട്ടി​രി​ക്കും.

ഒ​രു ദി​വ​സം ഞാ​ൻ ഭാ​ര്യ​യോ​ട് ചോ​ദി​ച്ചു,

'നി​ന്റെ കൂ​ട്ടു​കാ​രി​ത്തി​ക​ൾ​ക്ക് സ്വ​ന്ത​മാ​യി ഭ​ർ​ത്താ​ക്ക​ന്മാ​രൊ​ന്നു​മി​ല്ലേ?'

ഞ​ങ്ങ​ളു​ടെ സ്വ​കാ​ര്യ​ത​യി​ൽ അ​വ​രെ​ല്ലാം ക​യ​റി​മേ​യു​ന്ന​തി​ൽ എ​നി​ക്ക് ബു​ദ്ധി​മു​ട്ട് തോ​ന്നി​ത്തു​ട​ങ്ങി​യി​രു​ന്നു.

പ​ക്ഷേ, എ​ന്റെ ചോ​ദ്യം അ​വ​ളെ സ​ങ്ക​ട​ത്തി​ലാ​ക്കി​യി​രി​ക്ക​ണം. എ​ന്റെ അ​രി​കി​ൽ​നി​ന്നു​മ​വ​ൾ വേ​ഗ​ത്തി​ൽ ഇ​റ​ങ്ങി​പ്പോ​യി. പ​ണ്ടു​മു​ത​ലേ ഞ​ങ്ങ​ൾ​ക്കി​ട​യി​ലെ പി​ണ​ക്ക​ങ്ങ​ൾ​ക്ക് മ​ണി​ക്കൂ​റു​ക​ളു​ടെ ആ​യു​സ്സേ ഉ​ണ്ടാ​വാ​റു​ള്ളൂ. പ​തി​വി​ന് വി​പ​രീ​ത​മാ​യി മ​ണി​ക്കൂ​റു​ക​ൾ ദി​വ​സ​ങ്ങ​ൾ​ക്കു വ​ഴി​മാ​റി. അ​വ​ൾ തി​രി​കേ മ​ട​ങ്ങി​യി​ല്ല. ക​ട്ടി​ലി​ൽ ത​ല​യി​ണ​യു​ടെ ഓ​രം ഒ​ഴി​ഞ്ഞു​കി​ട​ന്നു. എ​നി​ക്ക്‌ അ​തീ​വ ദുഃ​ഖം തോ​ന്നി. ഞാ​ൻ വീ​ട് മു​ഴു​വ​ൻ അ​വ​ളെ അ​രി​ച്ചു​പെ​റു​ക്കി. മ​റ്റു പാ​റ്റ​ക​ൾ​ക്കി​ട​യി​ൽ​നി​ന്നും അ​വ​ളെ ക​ണ്ടെ​ത്തു​ക​യെ​ന്ന​ത് ശ്ര​മ​ക​ര​മാ​യ ഒ​ന്നാ​യി​രു​ന്നു. എ​ങ്കി​ലും പ്ര​തീ​ക്ഷ​യോ​ടെ ഞാ​ൻ അ​വ​ളെ അ​ന്വേ​ഷി​ച്ചു​കൊ​ണ്ടേ​യി​രു​ന്നു.

അ​ങ്ങ​നെ ആ​കെ സ​ങ്ക​ടം ബാ​ധി​ച്ച അ​വ​സ്ഥ​യി​ലാ​ണ് രാ​ത്രി​യു​റ​ക്ക​ത്തി​ൽ ഞാ​ൻ ഭാ​ര്യ​യെ സ്വ​പ്നം കാ​ണു​ന്ന​ത്. അ​വ​ൾ ദേ​ഷ്യം​പി​ടി​ച്ച ഭാ​വ​ത്തി​ൽ എ​ന്നെ നോ​ക്കി​ക്കൊ​ണ്ട് നി​ൽ​ക്കു​ക​യാ​ണ്. പാ​റ്റ​ക​ളെ കൊ​ല്ലാ​ൻ അ​വ​ൾ സ്വ​യം രൂ​പ​ക​ൽ​പ​ന ചെ​യ്തു​വെ​ച്ചി​രു​ന്ന പ​ര​ന്ന പ​ല​ക​ക്ക​ഷ്ണം വെ​ച്ചാ​യി​രു​ന്നു എ​നി​ക്കു​ള്ള ആ​ദ്യ​ത്തെ അ​ടി വീ​ണ​ത്. പി​ന്നീ​ട് ഉ​തി​ർ​ന്നു​വീ​ണ മു​ടി​യി​ഴ​ക​ളെ മു​ക​ളി​ലേ​ക്ക് ഉ​യ​ർ​ത്തി കെ​ട്ടി​വെ​ച്ച​തി​നു​ശേ​ഷ​മാ​ണ് അ​വ​ളെ​ന്നെ ആ​ഞ്ഞു​തൊ​ഴി​ച്ച​ത്. പ്രാ​യം അ​റു​പ​ത്തി​യെ​ട്ടി​ൽ ഒ​രു പു​രു​ഷ​ൻ തൊ​ഴി കൊ​ള്ളാ​ൻ പ്രാ​പ്ത​നാ​ണോ അ​റി​യി​ല്ല. ഞാ​ൻ ക​ട്ടി​ലി​ന്റെ മൂ​ല​ക്ക് ചു​രു​ണ്ടു​കൂ​ടി കി​ട​ന്നു. അ​വ​ളെ​ന്നെ ഒ​റ്റ കൈ​യി​ൽ തൂ​ക്കി​യെ​ടു​ത്തു. അ​ടു​ക്ക​ള​യു​ടെ ഇ​റ​യ​ത്ത് തി​രു​കി വെ​ച്ചി​രു​ന്ന ചൂ​ലെ​ടു​ത്ത് കൈ​യി​ൽ ത​ന്നു. ഭാ​ര്യ നോ​ക്കി​നി​ൽ​ക്കെ ഞാ​ൻ വീ​ടും പ​രി​സ​ര​വും തൂ​ത്ത് മെ​ന​യാ​ക്കി.

വെ​ള്ളം ബ​ക്ക​റ്റി​ലെ​ടു​ത്ത് തു​ട​ച്ചു​വെ​ടി​പ്പാ​ക്കി.

തു​ണി മു​ഴു​വ​ൻ ക​ഴു​കാ​ൻ എ​ടു​ത്ത​പ്പോ​ഴാ​ണ് അ​ടു​ത്ത അ​ടി വീ​ഴു​ന്ന​ത്. ഇ​ത്ത​വ​ണ കൈ​വെ​ച്ച് പു​റ​ത്താ​യി​രു​ന്നു അ​ടി.

കാ​ര​ണം ഇ​താ​യി​രു​ന്നു

ക​ഴു​കാ​ൻ എ​ടു​ത്ത തു​ണി​ക​ൾ​ക്കി​ട​യി​ൽ എ​ന്റെ പ​ഴ്‌​സ് ചി​രി​ച്ചു​കൊ​ണ്ട് കി​ട​ക്കു​ന്നു.

ഭാ​ര്യ വേ​ഗ​ത്തി​ൽ അ​തെ​ടു​ത്ത് നോ​ക്കി. ഞ​ങ്ങ​ൾ ര​ണ്ടു​പേ​രും വ​ള​രെ ശോ​ഭ​ന​ത്തി​ലും യൗ​വ​ന​ത്തി​ലും ക​ഴി​ഞ്ഞു​കൂ​ടു​മ്പോ​ൾ എ​ടു​ത്ത മ​നോ​ഹ​ര​മാ​യൊ​രു ഫോ​ട്ടോ അ​തി​ന​ക​ത്ത​ു​ണ്ട്. പ​ക്ഷേ, നി​ർ​ഭാ​ഗ്യ​ക​രം എ​ന്നു പ​റ​യ​ട്ടെ ഫോ​ട്ടോ​യി​ൽ​നി​ന്നും ഭാ​ര്യ​യു​ടെ സു​ന്ദ​ര​മാ​യ ത​ല​യും എ​ന്റെ വി​ശാ​ല​മാ​യ ഉ​ട​ലും കൂ​റ​ക​ൾ തി​ന്നു​തീ​ർ​ത്തി​രി​ക്കു​ന്നു. മാ​ത്ര​മ​ല്ല, ക​ഴി​ഞ്ഞ ദി​വ​സ​ങ്ങ​ളി​ൽ കാ​ണാ​തെ​പോ​യ പാ​റ്റ​ഭാ​ര്യ അ​തി​ന​ക​ത്തു കി​ട​ന്ന് ആ​മോ​ദ​ത്തോ​ടെ ഉ​റ​ങ്ങു​ക​യാ​ണ്.

മ​റ്റൊ​ന്നും ഓ​ർ​ത്തി​ല്ല, പാ​റ്റ​ഭാ​ര്യ​യെ ഞാ​ൻ ഒ​റ്റ​ച​വി​ട്ടി​ന് കൊ​ന്നു.

സ്വ​പ്ന​ത്തി​ൽ അ​ക്ര​മം അ​ഴി​ച്ചു​വി​ട്ട​ശേ​ഷം ഭാ​ര്യ താ​ക്കീത് ത​ന്ന് മ​ട​ങ്ങി. നേ​രം വെ​ട്ടം​വീ​ണ​തും ഞാ​ൻ ആ​ദ്യം തി​ര​ഞ്ഞ​ത് എ​ന്റെ പ​ഴ്‌​സാ​യി​രു​ന്നു. ഭാ​ഗ്യം, ഫോ​ട്ടോ പ​ഴ​യ​തി​ലും ഭം​ഗി​യോ​ടെ എ​ന്നെ നോ​ക്കി ചി​രി​ച്ചു. ര​ണ്ടു ദി​വ​സ​ങ്ങ​ൾ എ​ടു​ത്ത് ഞാ​ൻ വീ​ടും പ​രി​സ​ര​പ്ര​ദേ​ശ​ങ്ങ​ളും വൃ​ത്തി​യാ​ക്കി. ദീ​ർ​ഘ​നേ​രം കു​ളി​ച്ചു. അ​ടു​ക്ക​ള​യി​ൽ ക​യ​റി സു​ന്ദ​ര​മാ​യൊ​രു ചാ​യ​യി​ട്ട് കു​ടി​ച്ചു. ടി.​വി ഓ​ൺ ചെ​യ്ത് വാ​ർ​ത്ത​ക​ൾ കേ​ട്ടു. ഉ​മ്മ​റ​ത്ത് ക​സേ​ര​യി​ൽ നീ​ണ്ടു​നി​വ​ർ​ന്നി​രു​ന്നു​കൊ​ണ്ട് ബാ​ല്യ​കാ​ല​സ​ഖി വാ​യി​ച്ചു ക​ണ്ണീ​ർ​പൊ​ഴി​ച്ചു.

വൈ​കു​ന്നേ​രം പാ​ട​വ​ര​മ്പ​ത്തെ കാ​റ്റേ​റ്റ് ന​ട​ക്കാ​ൻ ഇ​റ​ങ്ങി.

രാ​ത്രി​യി​ൽ ഭാ​ര്യ സ്വ​പ്ന​ത്തി​ൽ വീ​ണ്ടും വ​ന്നു. അ​വ​ൾ അ​ടി​ച്ചി​ട​വും തൊ​ഴി​ച്ചി​ട​വും എ​ണ്ണ പു​ര​ട്ടി​ത്ത​ന്നു. സ്നേ​ഹ​ത്തോ​ടെ എ​ന്നെ മ​ടി​യി​ൽ കി​ട​ത്തി. മ​ധു​ര​വ​ർ​ത്താ​ന​ങ്ങ​ൾ പ​റ​ഞ്ഞു. ഞ​ങ്ങ​ൾ മ​ധു​ര​വ​ർ​ത്താ​ന​ങ്ങ​ൾ പ​റ​യു​മ്പോ​ൾ അ​യ​ൽ​പ​ക്ക​ത്തു നി​ന്നും ശ​ബ്ദം കേ​ട്ടു.

''കൂ​റേ... കൂ​റേ...''

ഭാ​ര്യ ഉ​റ​ക്കെ ചി​രി​ച്ചു​കൊ​ണ്ടു പ​റ​ഞ്ഞു

''കൂ​റേ... കൂ​റേ...''

l

Show Full Article
TAGS:malayalam story 
News Summary - koorey koorey malayalam story
Next Story