Begin typing your search above and press return to search.
exit_to_app
exit_to_app
Posted On
date_range 19 May 2021 7:54 AM GMT Updated On
date_range 19 May 2021 7:54 AM GMTകടൽ
text_fieldsbookmark_border
ഇന്നലെ വിരുന്നുപോന്ന
കടലിനെ
മീനിനെ കീറി പുറത്തെടുക്കുന്നു
അടുക്കളമുറ്റത്ത് അമ്മ.
അത്ഭുതം കാണാൻ
കുഞ്ഞുമക്കൾ,
കാക്കകൾ, പൂച്ചകൾ
ശ്രദ്ധയോടെ ഇരിക്കുന്നു.
ഒരു മീനിൻ്റെ
ചെകിളപ്പൂക്കൾക്കിടയിൽ
ചുവപ്പ് വിട്ടുമാറാത
കടൽ ഒളിച്ചിരിക്കുന്നു.
മറ്റൊന്നിൻ്റെ വായിൽ
മണൽത്തരിയോളം
ചെറുതായി
കടൽ പതുങ്ങിയിരിക്കുന്നു.
അഴുകിതുടങ്ങിയ
ഒരു മീനിൻ്റെ
തുറിച്ചുവന്ന കണ്ണിൽ
ഒരു തിരമാലയോളം
വലുപ്പത്തിൽ
നീലക്കടൽ ഇളകി മറിയുന്നു.
തിളച്ചു മറിഞ്ഞ
ചട്ടിയിൽ ഉപ്പുരസത്തോളം
വെന്ത മീനുകൾ
വയറ്റിൽ ഒരു കടലോളം
പ്രക്ഷുബ്ധമാവുന്നു.
വിരുന്നുവന്ന കടൽ
പതിയെ പതിയെ
കടങ്കഥയോളം കുറുകി
കവിതയിലൊളിക്കുന്നു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story