Top
Begin typing your search above and press return to search.
exit_to_app
exit_to_app
Homechevron_rightCulturechevron_rightOnamchevron_rightOnam 2020chevron_rightന​ല്ലോ​ണം...

ന​ല്ലോ​ണം സൂക്ഷി​ച്ചോ​ണം

text_fields
bookmark_border
ന​ല്ലോ​ണം സൂക്ഷി​ച്ചോ​ണം
cancel
camera_alt

ഫോട്ടോ പി. സന്ദീപ്

ക​ര്‍ക്ക​ട​കം എ​ന്ന പ​ഞ്ഞ​കാ​ലം പ​ടി​യി​റ​ങ്ങി ഐ​ശ്വ​ര്യ​ത്തി​​െൻറ​യും സ​മൃ​ദ്ധി​യു​ടെ​യും പു​ത്ത​ന്‍ പ്ര​തീ​ക്ഷ​ക​ളു​മാ​യി വന്നെ​ത്തു​ന്ന പൊ​ന്നി​ന്‍ ചി​ങ്ങ​ത്തി​ല്‍ കേ​ര​ളീ​യ​ര്‍ ഓ​ണം ആ​ഘോ​ഷി​ക്കു​ന്നു. മ​ല​യാ​ളി​ക​ള്‍ എ​വി​ടെ​യു​ണ്ടോ അ​വി​ടെ ഓ​ണ​വു​മു​ണ്ട്. മ​ല​യാ​ളി​ക​ള്‍ക്ക് ഒ​രാ​ഘോ​ഷം എ​ന്ന​തി​ലു​പ​രി ഒ​രു വി​കാ​രം​ കൂ​ടി​യാ​ണ് ഓ​ണം. അ​ത്തം മു​ത​ല്‍ ച​ത​യം വ​രെ നീ​ണ്ടു​നി​ല്‍ക്കു​ന്ന​താ​ണ് ആ​ഘോ​ഷ​ങ്ങ​ള്‍. 'മാ​വേ​ലി നാ​ട് വാ​ണീ​ടും കാ​ലം മാ​നു​ഷ​രെ​ല്ലാ​രു​മൊ​ന്നു​പോ​ലെ' എ​ന്നു പാ​ടി​യ ന​മുക്ക്, കൊ​റോ​ണ​ക്കാലത്തും മാ​നു​ഷ​രെ​ല്ലാ​രു​ം ഒന്നു​പോ​ലെ​ത്തന്നെയാ​ണെ​ന്ന ബോ​ധ്യ​ത്തോ​ടെ ഈ ​ഓ​ണം ആ​ഘോ​ഷി​ക്കാം.

ഐ​തി​ഹ്യ​ങ്ങ​ള്‍

ഓ​ണ​ത്തി​ന് ഒ​ന്നി​ല​ധി​കം ഐ​തി​ഹ്യ​ങ്ങ​ളു​ണ്ട്. എ​ങ്കി​ലും അ​തി​ല്‍ ഏ​റ്റ​വും പ്രാ​ധാ​ന്യ​മു​ള്ള​ത് മ​ഹാ​ബ​ലി​യു​ടേ​തുത​ന്നെ. പ​ണ്ട് കേ​ര​ളം ഭ​രി​ച്ചി​രു​ന്ന​ത് അ​സു​ര​രാ​ജാ​വും വി​ഷ്ണു​ഭ​ക്ത​നു​മാ​യി​രു​ന്ന പ്ര​ഹ്ലാ​ദ​​െൻറ പേ​ര​ക്കു​ട്ടി​യു​മാ​യ മ​ഹാ​ബ​ലി ആയി​രു​ന്നു. വ​ലി​യ ത്യാ​ഗം ചെ​യ്ത​വ​ന്‍ എ​ന്ന ത​​െൻറ പേ​രി​​െൻറ അ​ർഥ​ത്തെ സാധൂ​ക​രി​ക്കു​ന്ന രീ​തി​യി​ലാ​യി​രു​ന്നു പ്ര​ജാ​വ​ത്സ​ന​നാ​യ മ​ഹാ​ബ​ലി​യു​ടെ ഭ​ര​ണ​വും ജീ​വി​ത​വും.

ഫോട്ടോ ബൈജു കൊടുവള്ളി

മ​ഹാ​ബ​ലി​യു​ടെ സ​ദ്ഭ​ര​ണ​ത്തി​ല്‍ അ​സൂ​യാ​ലു​ക്ക​ളാ​യ ദേ​വ​ന്മാ​ര്‍ മ​ഹാ​വി​ഷ്ണു​വി​നെ അ​ഭ​യം​പ്രാ​പി​ക്കു​ക​യും തു​ട​ർന്ന് വാ​മ​നാ​വ​താ​രം കൈ​ക്കൊ​ണ്ട മ​ഹാ​വി​ഷ്ണു മ​ഹാ​ബ​ലി ന​ട​ത്തു​ന്ന യാ​ഗ​ത്തി​ല്‍ ചെ​ന്ന് ഭി​ക്ഷ​യാ​യി മൂ​ന്ന​ടി മ​ണ്ണ് ആ​വ​ശ്യ​പ്പെ​ടു​ക​യും ചെ​യ്തു. ആ​ദ്യ​ത്തെ ര​ണ്ട​ടി​ക്കുത​ന്നെ ആ​കാ​ശ​വും ഭൂ​മി​യും അ​ള​ന്നെ​ടു​ത്ത വാ​മ​ന​ന് മൂ​ന്നാ​താ​യി​ ത​​െൻറ ശി​ര​സ്സ് കാ​ണി​ച്ചു​കൊ​ടു​ത്തു മ​ഹാ​ബ​ലി. വാ​ക്ദാ​ന​പാ​ല​ന​ത്തി​ല്‍ പ്ര​സ​ന്ന​നാ​യ മ​ഹാ​വി​ഷ്ണു, ത​​െൻറ പ്ര​ജ​ക​ളെ കാ​ണാ​ന്‍ ആ​ണ്ടി​ലൊ​രിക്ക​ല്‍ വ​ര​ണം എ​ന്ന മ​ഹാ​ബ​ലി​യു​ടെ ആ​വ​ശ്യ​ത്തെ അം​ഗീ​ക​രി​ക്കു​ക​യും ചെ​യ്തു. അ​ങ്ങ​നെ ആ​ണ്ടി​ലൊ​രിക്ക​ല്‍ പ്ര​ജ​ക​ളെ കാ​ണാ​ന്‍ വ​രു​ന്ന രാ​ജാ​വി​നു​ള്ള വ​ര​വേ​ല്‍പ്പാ​ണ് ഓ​ണം എ​ന്ന​താ​ണ് ഒ​രു ഐ​തി​ഹ്യം.

വ​രു​ണ ദേ​വ​നി​ല്‍നി​ന്ന്​ കേ​ര​ള​ ക്ഷേ​ത്ര​ത്തെ മോ​ചി​പ്പി​ച്ച് പ​ര​ശു​രാ​മ​ന്‍ ബ്രാ​ഹ്മ​ണ​ര്‍ക്ക് ദാ​നം ന​ല്‍കി​യെ​ന്നും പി​ന്നീ​ട് അ​വ​രു​മാ​യി പി​ണ​ങ്ങി​പ്പി​രി​യു​ക​യും ബ്രാ​ഹ്മ​ണ​ര്‍ മാ​പ്പ​പേ​ക്ഷി​ച്ച​തി​നെ തു​ട​ര്‍ന്ന് വ​ര്‍ഷ​ത്തി​ലൊ​രി​ക്ക​ല്‍ തൃ​ക്കാ​ക്ക​ര​യി​ല്‍ അ​വ​ത​രി​ക്കു​മെ​ന്ന് വാ​ഗ്ദാ​നം ചെ​യ്തു എ​ന്നും ഈ ​ദി​വ​സ​ത്തെ​യാ​ണ് ഓ​ണ​മായി ആ​ഘോ​ഷി​ക്കു​ന്ന​തെ​ന്നും പ​റ​യ​പ്പെ​ടു​ന്നു.

സി​ദ്ധാ​ർഥ രാ​ജ​കു​മാ​ര​ന്‍ (ശ്രീ​ബു​ദ്ധ​ന്‍) ബോ​ധോ​ദ​യ​ത്തി​നുശേ​ഷം ശ്ര​വ​ണ​പ​ദ​ത്തി​ലേ​ക്ക് പ്ര​വേ​ശി​ച്ച​ത് ശ്രാ​വ​ണ​മാ​സ​ത്തി​ലെ തി​രു​വോ​ണ​നാ​ളി​ലാ​യി​രു​ന്നു​വെ​ന്നും ഇ​തി​നെ​യാ​ണ് ഓ​ണ​മാ​യി ആ​ഘോ​ഷി​ക്കു​ന്ന​തെന്നും മ​റ്റൊ​രു ഐ​തി​ഹ്യം. ഇ​തി​നു​പു​റ​മെ വി​ള​വെ​ടു​പ്പി​​െൻറ ഉ​ത്സ​വമായും ഓ​ണം അറി​യ​പ്പെ​ടു​ന്നു.

ഓ​ണാ​ഘോ​ഷ​ങ്ങ​ള്‍

'കാ​ണം വി​റ്റും ഓ​ണം ഉ​ണ്ണ​ണം' എ​ന്നാ​ണ് ചൊ​ല്ല്. ഇ​തി​ല്‍നി​ന്ന്​ വ്യ​ക്ത​മാ​ണ് മ​ല​യാ​ളി​ക​ള്‍ക്ക് ഓ​ണം എ​ത്ര​മാ​ത്രം പ്രി​യ​ങ്ക​ര​മാ​ണെ​ന്ന്. അ​തു​കെ​ാണ്ടുത​ന്നെ ആ​ഘോ​ഷ​ങ്ങ​ള്‍ക്കും കു​റ​വി​ല്ല. പൂ​ക്ക​ള​മാ​ണ് ഓ​ണ​ത്തി​​െൻറ പ്ര​ധാ​ന ആ​ക​ര്‍ഷ​ണം. അ​ത്തം മു​ത​ല്‍ പ​ത്തുദി​ന​മാ​ണ് പൂ​ക്ക​ളം ഒ​രു​ക്കു​ന്ന​ത്, ചി​ല​ര്‍ ചി​ങ്ങ​മാ​സാ​രം​ഭ​ത്തി​ലേ പൂ​ക്ക​ള​മി​ട്ടു​തു​ട​ങ്ങും. പ്ര​ജ​ക​ളെ കാ​ണാ​നെ​ത്തു​ന്ന മ​ഹാ​ബ​ലി​യെ സ്വീ​ക​രി​ക്കു​ക എ​ന്ന സ​ങ്ക​ൽപ​മാ​ണ് ഇ​തി​നു പി​ന്നി​ല്‍. അ​ടു​ത്ത​താ​ണ് ഉ​ത്രാ​ട​പ്പാ​ച്ചി​ല്‍. പ്ര​ധാ​ന ഓ​ണ​മാ​യ തി​രു​വോ​ണ​ത്തി​ന് വേ​ണ്ട​തെ​ല്ലാം കൈ​യെ​ത്തും ദൂ​ര​ത്ത് എ​ത്തി​ക്കു​ക എ​ന്ന ല​ക്ഷ്യ​ത്തോ​ടെ ഉ​ത്രാ​ട ദി​വ​സം അ​വ​ശ്യ​സാ​ധ​ന​ങ്ങ​ള്‍ വാ​ങ്ങാ​ന്‍ പാ​യു​ന്ന​തി​നെ​യാ​ണ് ഉ​ത്രാ​ട​പ്പാ​ച്ചി​ല്‍ എ​ന്നുപ​റ​യു​ന്ന​ത്.

പി​ന്നെ ഓ​ണ​ക്ക​ളി​ക​ള്‍, നാ​നാ​ഭാ​ഗ​ത്ത് വ​സി​ക്കു​ന്ന​വ​ര്‍ ഒ​ത്തു​ചേ​രു​ന്ന​തി​നോ​ടൊ​പ്പം ആ​ട്ട​ക്ക​ളം കു​ത്ത​ല്‍, കൈ​കൊ​ട്ടി​ക്ക​ളി, പു​ലി​ക്ക​ളി, കു​മ്മാ​ട്ടി​ക്ക​ളി, ഓ​ണ​ത്ത​ല്ല്, ഓ​ണം​ക​ളി, ക​മ്പി​ത്താ​യം ക​ളി, ഭാ​ര​ക്ക​ളി, നാ​യും പു​ലി​യും ​െവക്ക​ല്‍, ആ​റ​ന്മു​ള വ​ള്ളം​ക​ളി, ത​ല​പ്പന്തുക​ളി, കി​ളി​ത്ത​ട്ടു​ക​ളി, സു​ന്ദ​രി​ക്ക് പൊ​ട്ടു​കു​ത്ത്, വ​ടം​വ​ലി, ഓ​ണ​പ്പാ​ട്ട് പോ​ലു​ള്ള ഓ​ണ​ക്കളി​ക​ള്‍ ഓ​ണാ​ഘോ​ഷ​ത്തി​ന് മാ​റ്റു​കൂ​ട്ടു​ന്നു.


ഓ​ണാ​ഘോ​ഷ​ങ്ങ​ളി​ല്‍ ഏ​റ്റ​വും പ്ര​ധാ​ന​മാ​ണ് ഓ​ണ​സ​ദ്യ. ഉ​പ്പി​ല്‍ തു​ട​ങ്ങി പ​ച്ച​മോ​രി​ല്‍ അ​വ​സാ​നി​ക്കു​ന്ന ഓ​ണ​സ​ദ്യ​യി​ല്‍ എ​രി​വ്, പു​ളി, ഉ​പ്പ്, മ​ധു​രം, ​ൈകപ്പ്​, ച​വ​ര്‍പ്പ് എ​ന്നി​ങ്ങ​നെ ആ​റ് ര​സ​ങ്ങ​ള്‍ ചേ​ര്‍ന്നി​രി​ക്കു​ന്നു. അ​തു​കൊ​ണ്ടുത​ന്നെ 'ഓ​ണം ഉ​ണ്ട​റി​യ​ണം'. മ​ഹാ​ബ​ലി​യെ വ​ര​വേ​ല്‍ക്കു​ന്ന​തി​നാ​യി ക​ളി​മ​ണ്ണി​ല്‍ രൂ​പ​ങ്ങ​ള്‍ മെ​ന​ഞ്ഞെ​ടു​ക്കു​ന്ന​തും വീ​ട്ടു​മു​റ്റ​ത്ത് മ​റ്റു പൂ​ജ​ക​ള്‍ പോ​ലെ​ത​ന്നെ തൂ​ശ​നി​ല​യി​ല്‍ ദ​ര്‍ഭ​പു​ല്ല് വി​രി​ച്ച് തൃ​ക്കാ​ക്ക​ര​യ​പ്പ​നെ പ്ര​തിഷ്​ഠി​ച്ച് മാ​വൊഴി​ച്ച്, പൂ​വ​ട നി​വേ​ദി​ക്കു​ന്ന​തും ഓ​ണ​നാ​ളി​ല്‍ ഒ​ഴി​ച്ചു​കൂ​ടാ​നാ​വാ​ത്ത ച​ട​ങ്ങാ​ണ്. തി​രു​വോ​ണ നാ​ളി​ലെ ച​ട​ങ്ങു​ക​ള്‍ കേ​ര​ള​ത്തി​ല്‍ വ്യ​ത്യ​സ്ത​മാ​യാ​ണ് ആ​ഘോ​ഷി​ക്കു​ന്ന​ത്. തി​രു​വോ​ണ​ത്തി​ന് കു​ളി​ച്ച് ഓ​ണ​ക്കോടി​യ​ണി​ഞ്ഞ് ക്ഷേ​ത്ര ദ​ര്‍ശ​നം ന​ട​ത്തു​ക​യും പൂ​ക്ക​ളമിടു​ക​യും ചെ​യ്യു​ന്ന​തോ​ടെ ഓ​ണ​സ​ദ്യ​ക്കു​ള്ള ഒ​രു​ക്ക​ങ്ങ​ള്‍ക്കു തു​ട​ക്ക​മാ​വും.

വീട്ടിലിരു​േന്നാണം

നി​ന​ച്ചി​രി​ക്കാ​തെ വ​ന്ന പ്ര​ള​യം ക​ഴി​ഞ്ഞ ര​ണ്ടു വ​ര്‍ഷ​ത്തെ ഓ​ണ​ത്തെ വെ​ള്ള​ത്തി​ലാ​ക്കി​യെ​ങ്കി​ല്‍ ഇ​ത്തവണ കോ​റോ​ണ​യാ​ണ് വി​ല്ല​ന്‍. ഇ​ത്ത​വ​ണ കേ​ര​ള​ത്തി​ലേക്ക്​ ​വ​രു​ന്ന മാ​വേ​ലി​ക്ക് മാ​സ്‌​കും സാ​നി​റ്റൈ​സ​റും നി​ര്‍ബ​ന്ധ​മാ​ണ്. കോ​വി​ഡ് പ​ശ്ചാ​ത്തല​ത്തി​ല്‍ ഈ ​വ​ര്‍ഷ​ത്തെ ഓ​ണാ​ഘോ​ഷം വീ​ടു​ക​ളി​ല്‍ മാ​ത്ര​മാ​യി പ​രി​മി​ത​പ്പെ​ടു​ത്ത​ണ​മെ​ന്നാ​ണ് സ​ർക്കാര്‍ ഉ​ത്ത​ര​വ്. അ​തു​കൊ​ണ്ടു​ത​ന്നെ ഇ​ത്ത​വ​ണ ക​ലാ​ല​യ​ങ്ങ​ളി​ല്‍നി​ന്നുയ​രു​ന്ന ആ​ര്‍പ്പു​വി​ളി​ക​ള്‍ കേ​ള്‍ക്കാ​നാ​വി​ല്ല. അ​യ​ല്‍ സം​സ്ഥാ​ന​ങ്ങ​ളി​ല്‍നി​ന്നും ഇ​റ​ക്കു​മ​തി ചെ​യ്ത പൂ​ക്ക​ള്‍ വീ​ട്ടു​മു​റ്റ​ത്തെ പൂ​ക്ക​ള​ത്തി​ല്‍ ഉ​ണ്ടാ​വി​ല്ല. ക​ലാ​കാ​യി​ക മ​ത്സ​ര​ങ്ങ​ളും ഉ​ണ്ടാ​വി​ല്ല. കു​ടും​ബ​സം​ഗ​മ​വും സാ​ധ്യ​മ​ല്ല. എ​ന്നി​രു​ന്നാ​ലും ഈ ​ഓ​ണം ന​മ്മ​ള്‍ ആ​ഘോ​ഷി​ക്കും, കു​റ​ച്ച് പ​ഴ​മയും പു​തു​മ​യു​മാ​യി.

എ​ങ്ങ​നെയെന്ന​ല്ലേ, വീ​ട്ടു​മു​റ്റ​ത്ത് നാം ​ന​ട്ടുന​ന​ച്ചു വ​ള​ര്‍ത്തി​യ പൂ​ക്ക​ള്‍കൊ​ണ്ട് പൂ​ക്ക​ള​മി​ടാം, ഓ​ണ​ത്തി​നു​പോ​ലും വീ​ട്ടി​ലി​രി​ക്കാ​ന്‍ സാ​ധി​ക്കാ​തെ​പോ​യ പ​ല​ര്‍ക്കും ഈ ​ഓ​ണം വീ​ട്ടി​ല്‍ ആ​ഘോ​ഷി​ക്കാം. ഉ​ത്രാ​ട​പ്പാ​ച്ചി​ലി​ലെ തി​ക്കും തി​ര​ക്കും ഒ​ഴി​വാ​ക്കാ​ന്‍ ഓ​ണ്‍ലൈ​ന്‍ വെ​ബ്‌​സൈ​റ്റു​ക​ളെ ആ​ശ്ര​യി​ക്കാം. ഓ​ണ്‍ലൈ​ന്‍ ക്ലാ​സു​ക​ളാ​ണെ​ങ്കി​ലും പ​തി​വ്​ ഓ​ണാ​വ​ധി കി​ട്ടി​യ​പ്പോ​ള്‍ കു​ട്ടി​ക​ള്‍ക്കും സ​ന്തോ​ഷ​മാ​യി. അ​ങ്ങ​നെ വീ​ടു​ക​ളി​ല്‍ ഓ​ണ​മാ​ഘോ​ഷി​ക്കാം, കൊ​റോ​ണ​യെ അ​ക​റ്റി​നി​ര്‍ത്താം.

പാ​ലി​ക്കാം മാ​ര്‍ഗ​നിർ​ദേ​ശ​ങ്ങ​ള്‍

-ആ​ഘോ​ഷം വീ​ടു​ക​ളി​ല്‍ മാ​ത്ര​മാ​യി പ​രി​മി​ത​പ്പെ​ടു​ത്തു​ക

-പൊ​തു​സ്ഥ​ല​ങ്ങ​ളി​ല്‍ ആ​ഘോ​ഷ​ങ്ങ​ള്‍ പാ​ടി​ല്ല

-പൂ​ക്ക​ള​മൊ​രു​ക്കാ​ന്‍ അ​ത​ത് പ്ര​ദേ​ശ​ത്തെ പൂ​ക്ക​ള്‍ ഉ​പ​യോ​ഗി​ക്കു​ക

-സം​സ്ഥാ​ന അ​തി​ര്‍ത്തി​ക​ളി​ല്‍ ജാ​ഗ്ര​ത പാ​ലി​ക്കു​ക

-ഓ​ണാ​ഘോ​ഷ​ത്തോ​ട​നു​ബ​ന്ധി​ച്ച് ക​ട​ക​ളി​ല്‍ തി​ര​ക്കു​പാ​ടി​ല്ല, ശാ​രീ​രി​ക അ​ക​ലം പാ​ലി​ക്കു​ക.

Show Full Article
TAGS:onam celebration onam 2020 onam 
Next Story