തിരുവോണത്തെ വരവേല്‍ക്കാന്‍ ഒരുങ്ങി ഉത്രാട വിപണി

ആ​ല​പ്പു​ഴ: പൊ​ന്നി​ൻ തി​രു​വോ​ണ​ത്തെ വ​ര​വേ​ല്‍ക്കാ​ൻ ഉ​ത്രാ​ട വി​പ​ണി ഒ​രു​ങ്ങി. കോ​വി​ഡും മ​ഴ​യും വി​ല​ങ്ങു​ത​ടി​യാ​യ ഓ​ണ​ക്കാ​ല​ങ്ങ​ൾ മ​റി​ക​ട​ന്ന്​ വ​ർ​ഷ​ങ്ങ​ൾ​ക്ക്​ ശേ​ഷ​മാ​ണ്​ ന​ല്ലൊ​രു ഓ​ണ​ക്കാ​ലം വ​ന്നെ​ത്തു​​ന്ന​ത്. പൊ​തു​വി​പ​ണി​യി​ൽ ന​ല്ല തി​ര​ക്കാ​ണ്. തി​രു​വോ​ണ​ത്തി​നു​ള്ള വി​ഭ​വ​ങ്ങ​ൾ സ്വ​രു​ക്കൂ​ട്ടാ​നു​ള്ള അ​വ​സാ​ന ഒ​രു​ക്ക​മെ​ന്ന നി​ല​യി​ൽ ഉ​ത്രാ​ട​ദി​ന​മാ​യ തി​ങ്ക​ളാ​ഴ്ച​ എ​ല്ലാ​വ​രും ക​ട​ക​മ്പോ​ള​ങ്ങ​ൾ ക​യ​റി​യി​റ​ങ്ങും. ഉ​ത്രാ​ട​ച്ച​ന്ത​യി​ല്‍ ക​യ​റി​യി​റ​ങ്ങാ​തെ മ​ല​യാ​ളി​ക്ക് തി​രു​വോ​ണ​ത്തി​നു​ള്ള ത​യാ​റെ​ടു​പ്പ് പൂ​ർ​ത്തി​യാ​കി​ല്ല.

ഉ​ത്രാ​ട​ദി​നം പ്ര​മാ​ണി​ച്ച് എ​ല്ലാ സ​പ്ലൈ​കോ വി​ൽ​പ​ന​ശാ​ല​ക​ളും ഓ​ണ​ച്ച​ന്ത​ക​ളും രാ​ത്രി വൈ​കി​യും പ്ര​വ​ർ​ത്തി​ക്കും. പൊ​തു​വി​പ​ണി​യി​ൽ ഉ​ൽ​പ​ന്ന​ങ്ങ​ൾ​ക്ക്​ വ​ലി​യ വി​ല​ക്ക​യ​റ്റം ഉ​ള്ള​തി​നാ​ൽ സ​ഹ​ക​ര​ണ സ്ഥാ​പ​ന​ങ്ങ​ളും നാ​ട്ടി​ലെ കൂ​ട്ടാ​യ്മ​ക​ളും സം​ഘ​ടി​പ്പി​ക്കു​ന്ന ഓ​ണ​ച്ച​ന്ത​ക​ളി​ൽ വ​ലി​യ തി​ര​ക്കാ​ണ്​ അ​നു​ഭ​വ​പെ​ടു​ന്ന​ത്.

വി​ല നി​ല​വാ​രം ഇ​ങ്ങ​നെ: ഒ​രു കി​ലോ മ​ട്ട അ​രി​ക്ക് (ഉ​ണ്ട) സ​പ്ലൈ​കോ​യി​ൽ 45 രൂ​പ​യും പൊ​തു​വി​പ​ണി​യി​ൽ 60 രൂ​പ​യു​മാ​ണ് വി​ല. ജ​യ അ​രി​ക്ക് സ​പ്ലൈ​കോ​യി​ൽ 42 രൂ​പ​യും വി​പ​ണി​യി​ൽ 50 രൂ​പ​യോ​ള​വു​മാ​ണ് വി​ല. വ​റ്റ​ൽ​മു​ള​ക്​ 251 രൂ​പ​യാ​ണ്​ സ​പ്ലൈ​കോ​യി​ൽ. പൊ​തു​വി​പ​ണി​യി​ൽ 300ന​ടു​ത്ത്​ ഈ​ടാ​ക്കു​ന്നു. ക​ശ്​​മീ​രി മു​ള​കി​ന്​ പൊ​തു​വി​പ​ണി​യി​ൽ 520 രൂ​പ​ക്ക്​ മു​ക​ളി​ൽ വി​ല​യു​ണ്ട്. അ​ത്​ സ​പ്ലൈ​കോ​യി​ൽ ഇ​ല്ല. പി​രി​യ​ൻ മു​ള​കി​ന്​ സ​പ്ലൈ​കോ​യി​ൽ​ത​ന്നെ 310 രൂ​പ വി​ല​യു​ണ്ട്.

ഏ​ത്ത​ക്ക​ കി​ലോ​ക്ക്​ 70 മു​ത​ൽ 75 രൂ​പ​യാ​യി. ഞാ​ലി​പ്പൂ​വ​ൻ പ​ഴ​ത്തി​ന് 70 രൂ​പ​യും പാ​ള​യ​ൻ​കോ​ട​ന് 35, വ​ൻ വി​ല​യാ​യി​രു​ന്ന ത​ക്കാ​ളി​ക്ക്​ ഇ​പ്പോ​ൾ 50 രൂ​പ വ​രെ​യാ​യി കു​റ​ഞ്ഞു, ചെ​റു നാ​ര​ങ്ങ​ക്ക്​ ഹോ​ർ​ട്ടി​കോ​ർ​പ്​ സ്റ്റാ​ളു​ക​ളി​ൽ 86, മാ​ങ്ങ 118, ചേ​ന 64, കാ​ര​റ്റ് 64, പ​യ​ർ 44, സ​വാ​ള 35, വെ​ള്ള​രി 22, മു​രി​ങ്ങ​ക്ക 34, ഇ​ഞ്ചി 140 എ​ന്നി​ങ്ങ​നെ​യാ​ണ് ഹോ​ർ​ട്ടി​കോ​ർ​പ്​ സ്റ്റാ​ളു​ക​ളി​ലെ വി​ല.

വ​യ​നാ​ട​ൻ ഏ​ത്ത​ക്ക​യു​ടെ വ​ര​വ് ഇ​ത്ത​വ​ണ കു​റ​വാ​യ​താ​ണ്​ വി​ല കൂ​ടാ​ൻ കാ​ര​ണ​മാ​യ​തെ​ന്ന് വ്യാ​പാ​രി​ക​ള്‍ പ​റ​യു​ന്നു.

സ​പ്ലൈ​കോ ഷോ​പ്പു​ക​ളി​ൽ നി​ത്യോ​പ​യോ​ഗ സാ​ധ​ന​ങ്ങ​ൾ പ​ല​തും കി​ട്ടാ​നി​ല്ലെ​ന്നും ഉ​ള്ള​വ പ​ല​തി​നും ഗു​ണ​നി​ല​വാ​ര​മി​ല്ലെ​ന്നു​മു​ള്ള പ​രാ​തി​ക​ൾ ഇ​നി​യും നി​ല​ച്ചി​ട്ടി​ല്ല. വി​ല​ക്ക​യ​റ്റം എ​ന്ന പ​രാ​തി വ്യാ​പ​ക​മാ​ണെ​ങ്കി​ലും വി​പ​ണി​ക​ളെ​ല്ലാം ഇ​ത്ത​വ​ണ ഉ​ഷാ​റാ​ണെ​ന്ന്​ വ്യാ​പാ​രി​ക​ൾ പ​റ​യു​ന്നു.